Tuesday, April 07, 2009

جمارك المطار و بعدين؟

و بعدين يعني ؟
شحنات واصله من 19-3-2009 الي الان محجوزه في الجمارك

ليش ؟
محد يدري !!!

كلها ملابس و اغراض عاديه من بينها هديه عيد الام اللي خلص من اسبوعين !!

مافي احد ممكن يتراجع .. مافي احد يرد .. مافي احد نساله !! ٣ اسابيع و اهمه يقولون لنا باجر نخلص باجر نخلص !!

واحد يقول نظام آلي يديد معطل التخليص الجمركي عشان الموظفين مو متدربين عليه
لا والله مشكلتنا ؟

ثاني يقول الطياره اللي وصلت في 19 كلها محجوزه تفتيش !
لو اسطول طيارات جان خلص !!

من بذمته هالتاخير و الفلوس ؟

مااااااا صارت !!

طبعا حتي التامين علي الاغراض من شركه الشحن ما يفيد لان الحكومه اللي معطلتنا مو الشركه نفسها !

طبعا هذا بالنسبه لشحنات 19 .. عاد جان زين الشحنات غيرها قاعده تطلع بسرعه !
الباكج يوصل الخميس ما يطلعونه الا الاثنين علي ٥ و الا ٧ دنانيير جمرك !

حسبي الله عليكم سبعه تحاااااسيب يا جمارك المطار !

12 comments:

enter-q8 said...

دزيلي رقم الشحنه على ايميلي
بس لمعلوماتك اذا شاحنتها على الفيدكس ترى عندهم مشكله عودة مع الجمارك و يوميا اخرها امس
بس سالفة الطيارة تنحجز علشان التفتيش كذب بكذب الشحنات ما تتفتش الا لما الشركة تستلمها تبي تطلعها يعني مثلا شحنتك واصله اليوم تبين تروحين تستلمينها تتفتش بنفس اليوم و التعطيل يكون بشغلات محدده مثلا اذا اجهزة اتصالات يكون شرط افرج من وزارة الموصلات و ما يطول يوميين و وبنفس اليوم بعد و مكتبهم بالمطار واذا افلام او كتب هم نفس الحالة و مرات بنفس اليوم ومرات اذا الشحنات ماركة تقليد اهني يتم حجزها و ما تستلمينها من الاساس
اما بالنسبة حق الفلوس ترى اهي رسوم واذا امتعة شخصية يسمونه بيان معفي
شوفي طال عمرك اغلب اللي يتعاملون مع شركات الشحن السريع اذا صادفوا مشاكل معاهم ييون الشحن و يخلصونها بنفسهم ومثل ما قلت لك دزي لي بس رقم البوليصة او الشحنه و اعطيك شنو حالتها هل محجوزة مو واصله عليها مشكله و وسعي صدرك

Cr8ivia said...

انا توقعت ان في مشكله مع فيدكس لان التاخير صاير مو طبيعي و فيدكس بالذات و الكول سنتر مالهم يقولي لان شركه كبيره و الباقي صغار فيخلصونهم بسرعه !!

في شحنات عقبها وصلتني علي فيدكس خذت ٣ تخليص
لكن بهالتاريخ بالذات مو راضي تطلع !!

انا العاده اخلصها بروحي اذا من الجمارك لكن بالذات اللي واصلين بهاليوم مو راضين يعطوني اوراقي اخلصها بروحي !

بدزلك الحين علي الايميل الشحنات و يااااااااب افرجها !

مشكوووووور انتر كويت

enter-q8 said...

طال عمرك سيارتين محجوزين
بس حق الجيش الامريكي مو بضايع ناس والسبب موظفين فيدكس جمبازيه و نصابين وقاموا بيسون نفسهم ابو الفهامية و شغل فهلوة على الجمارك فاقعدو لهم قعده سنعه عطيني ارقامهم و ادق على الربع و ابلغك واذا المشكله من الجمارك امرهم اليوم واستفسر اكثر وسهالات ان شاء الله

Cr8ivia said...

ياربي زين ملوت فيدكس تفلسفوا احنا اللي دافعين و ننطر اغراضنا شلون بالله !

يعطييييك العافيه دزيت لك الارقام

enter-q8 said...

اختي فيدكس ملعوزة الدنيا
توه موظف الكويتية يقولي انهم يسلمونا الوثايق متأخرة لا و تكون اطلعت من المستودعات و ماخذينا فلوسهم
واخر فيلم ان شحنه وزنها طن مسجلينها 200كيلو
طال عمرك ماكو الا الجمارك وشغل مانويل بعد خلني اعرف اليوم باليل من الربع وباكر الصبح تكون الادارة موجودة اذا الموضوع عندها و ابلغك شنو تسوين
بس الاساس ان بيانات الشحنه و الطرود ما دشت الكويتية

Nikon 8 said...

إنشاء الله تنحل المشكلة وتوصلج أغراضج سليمة
:)
وما يقصر إنتر -كويت
عرفت الحين من أسأل لي صادفتني مشكلة مع جمارك المطار
:)
عاشوا والله المدونين

enter-q8 said...

ولو حاضرين ياوخيتي الكويت كلها هالكبر
بس لأن فعلا انا ما احب احد يتبهدل خصوصا الحريم بالشحن الجوي دوخه رياييل و يطفشون غير النصابيين المخلصين اللي ياما اطيح عليهم و على نصبهم و استغلالهم سواء للرجال او الاناث

Cr8ivia said...

يعطييييك الف عافيه كويت

انطر منك بشاره :D

Nikon

لا لا ما يقصر انتر كويت ان شاء الله ما تتعسر عليج امور هناك
انا رحت مره الوالد كان مسافر و عفت عمري

Anonymous said...

وييييه

عاد النطره كلش مو شي

انشالله يوصلوون أغراضج بالسلامه

Just A Bunch said...

ان شاء توصل أغراضج بالسلامة و كل تأخيرة فيها خيرة ان شاء الله

والله يعينا على بعض الناس اللي ما غير فاضية تأذي غيرها

Cr8ivia said...

Cat

بديت افقد الامل :(

---

Just

اتمني :|

Bashar said...

غالبا ما تنمسك بالجمارك بس اذا نمسكت لو انشالله شحاطه... الله يعينها!