مبروك من القلب !

اول شي اهني نفسي و اهني الكويت و اهنيكم لدخول المرأه مجلس الامه
مو وحده لا 4 .. ضربه قويه ارفع لكم القبعه عليها !

ثاني شي النتائج نوعا ما بثت فينا دفعه امل .. جددت روح التفاؤل و لو بشي بسيط جدا فينا .. علي الاقل خطوه للامام افضل من النتائج السابقه اللي عادت فينا خطوات للخلف ..

شعور هذا العام مختلف تماما عن حاله الاحباط و القمته اللي حسينا فيها بهد نتايج العام الماضي .. الف الف الف الحمد لله ..
بدات الغمامه تقشع عن الشعب شوي شوي .. و تبشر بان الخير جدام باذن الله ..



1- اسيل .. مبروك .. مو لج .. لنا احنا .. اعتقد فرحتنا بنجاحج الساحق هذا اكبر من فرحتج شخصيا !
11860 صوت يا اسيل .. تعني الكثير الكثير .. تعني في 11860 الف عقل كويتي يفقه و يعي و يوزن الامور ..
تعني في 11860 لا تغرهم مكائد الكائدين و لا مكر الذئاب و لا نجاسه كلاب الشوارع

اسيل مبروك من القلب .. و لكن .. رجاء و كلمه اوجهها لج .. اسيل بيضناها وياج .. الشعب كله بيضها وياج .. ما هزتنا شائعات و تلفيقات ..آمنا فيج و 11860 كويتي حطوا ثقه غاليه فيج لايمانا بحبج و يقينا بانتمائج العميق لهذي الارض ..
تكفين اسيل لا تخذلينا كما خذلونا من وصولو للكرسي الاخضر قبلج ..
بيضي ويوهنا جدام كل من تحدانا و حاول تشويه صورتج و شكك بحبج لوطنج و قبله دينج

لا تخلين حب يطغي علي حب الكويت و لا مصلحه تعلوا علي مصلحه هالارض و شعبها
اسيل .. اكررها لا تخذلينا .. لا تخذلينا ..

2- الي كل من شكك في قدره المرأه الكويتيه للوصول للمجلس .. شرايكم؟
قالوا تحتاج علي الاقل الي 50 سنه حتى تصل .. قالوا المرأه مو متقبله المراه شلون بتدش المجلس؟
قالوا و قالوا و قالو
و يات النتايج علها تصمتكم و للابد .. 4 نساء :)
مبروك نساء و رجال .. لدخول النصف الاهم بالمجتمع للمجلس ..
مبروك للفائزات .. و لا تشمتون الشامتين فيكم و فينا عاد !


3- الفرحه الاكبر في هذي النتايج و الضربه القاضيه كانت بالسقوط المشرف لنا و المخزي لحدس بسقوط نوابها
الكل سهران يتابع النتايج و اول كلمه علي كل لسان
يارب يطيحون حدس
شفتوا حدس باي باي
الحمدلله حدس طاحت اخيرا

هذا ان دل يدل علي ان الشعب اخيرا حس و وعي .. و رائحه نواب حدس النتنه اخيرا وصلت للشعب و انقشعت الغمامه .. شكرا من اعماق قلبي لكل كويتي شريف ذو عقل حجب صوته عن "هذولاااااا"..و ليخسئ الخاسؤون

و ما قال لحدس الا ان سقوطكم جاء و ان كان متأخرا .. و باذن الله مقاعدكم ستكون صفرا يفرح قلوبنا في المجالس القادمه ..
اقول لكم استخدمتم اقذر الطرق .. حفرتم ووقعتم في حفركم .. كدتوا و مكرتوا و انقلب السحر علي الساحر
تمكرون و يمكر الله ..

4- الخامسه و الرابعه لم ينلها نصيبها الكبير من التغيير و ان تغيرت بعض الاسماء تبقي طريقه الاختيار و دوافعه و اسبابه واحده .. و لكن الامل موجود .. و كما دخلت المراه في الاولي و الثالثه و باذن الله بالثانيه .. و كما سقطت حدس اللي كانت متربعه علي عرش القذاره من سنين .. و كما فازت معصومه بالمركز الاول باكتساح .. و كما اصبح فيصل المسلم الخامس و اسيل ب 11860 صوت الثانيه .. و كما و كما و كما .. فباذن الله سياتي اليوم اللي ينجح فيه 10 في كلا الدائرتين بعيدا عن القبليه و الطائفيه و الفرعيه !


5- اما انتم .. فالامل فيكم .. اعيدوها دره .. لا تخذلونا ! الترتيب في الاسماء عشوائي


6- و السلف و باقي المتاسلمين اقولكم تعدلوا .. و اعتبروا لما حصل لابناء عمومتكم :)



7- نجاحكم نغص الفرحه .. للاسف



8- و تبقي اقوي نتيجه .. و الرساله التي سيستمر صداها .. نجاح اسيل بعد كل ما كان و بالمركز الثاني ب 11860 صوت

9- اما فيصل الدويسان و ناجي العبدالهادي و جم واحد مادري شيبون هذول مالهم موقع من الاعراب

10- حصول جمال العمر علي مادري جم الف صوت لا يعني الا ان في جم الف **** كويتي مع الاسف الشديد

11- و تبقي فرحه افتقدناها من زمان .. اولا بنجاح من نحسبهم وطنيين و قلبهم علي الوطن .. و سقوط من ارجعونا الي الوراء و دنسوا سياستنا و ديمقراطيتنا بوجودهم فيها .. و بدخول بنات الامه لمجلسهم

مبروك .. و علي غرار مسجات الغير ماسوف عليهم اخر يومين قبل الانتخابات
انشر تؤجر

Pics from Yallah Shabab!

Kint ashoof il pics fee my beloved camera .. i found the pics of the booths at yallah shabab expo that was last week .. it was real Fun and well organized .. we spent a great 2 days there .. looking forward the next one :D

Kuwait-Mall.com Booth




Welovekuwait.com - My friend's Booth




U5F "Yousef" - My cousin's Booth



Another Bazar/Carnival will be on Sat 18th April on Shaab Park .. also on 24th April there will be Spring Bazar at Movenpick Free Trade zone Taiba tent from 10 AM to 7 PM .. Entry fees 1 KD it goes for charities ..

الطاحوس و قله الادب !

http://www.zoomkw.com/zoomportal/UI/Article.aspx?ArticleID=33386

طبعا من قريت تصريح الاخ المختل خالد الطاحوس المرشح الفلته .. و انا اضحك و دمي يفور .. حضرته يهدد الدوله و الحكومه و القانون باستخدام العنف و اليد و تجهيز جيش من ابناء القبائل للتصدي للداخليه اذا طبقت قانون الفرعيات !!

نعم ؟
هذا كفو يترشح للمجلس ؟
من الحين يحرض علي الفوضي و كسر القانون و العيش بقانون القبيله و الهميجيه الحيوانيه !! و يدش المجلس؟؟؟؟

الطامه الكبرى لما الخمه ربعه هالنواب السابقين يتوعدون و يهددون الحكومه و يستنكرون القبض عليه !!!!!

صراحه لا تعليق .. وقاحتكم و قله ادبكم الجمت لساني !!

جمارك المطار و بعدين؟

و بعدين يعني ؟
شحنات واصله من 19-3-2009 الي الان محجوزه في الجمارك

ليش ؟
محد يدري !!!

كلها ملابس و اغراض عاديه من بينها هديه عيد الام اللي خلص من اسبوعين !!

مافي احد ممكن يتراجع .. مافي احد يرد .. مافي احد نساله !! ٣ اسابيع و اهمه يقولون لنا باجر نخلص باجر نخلص !!

واحد يقول نظام آلي يديد معطل التخليص الجمركي عشان الموظفين مو متدربين عليه
لا والله مشكلتنا ؟

ثاني يقول الطياره اللي وصلت في 19 كلها محجوزه تفتيش !
لو اسطول طيارات جان خلص !!

من بذمته هالتاخير و الفلوس ؟

مااااااا صارت !!

طبعا حتي التامين علي الاغراض من شركه الشحن ما يفيد لان الحكومه اللي معطلتنا مو الشركه نفسها !

طبعا هذا بالنسبه لشحنات 19 .. عاد جان زين الشحنات غيرها قاعده تطلع بسرعه !
الباكج يوصل الخميس ما يطلعونه الا الاثنين علي ٥ و الا ٧ دنانيير جمرك !

حسبي الله عليكم سبعه تحاااااسيب يا جمارك المطار !

AUK Car Boot Ferkesh !!

Sore throut .. Tooth ache .. Blocked ears .. weird pain wiyay .. blood from my throut .. i am suffering! il7imdillah ..

عندي وايد اشياء بكتب عنهم .. رحله قطر .. الانتخابات .. بس كل يوم ااجل :|
anyways ..

تنويه انا لا طالبه في الجامعه الامريكيه و لا احد المنظمين انا مجرد حضرت الحادثه و اعرف بعض المشاركين





Today was supposed to be the AUK car boot sale ! min 10 AM to 8 PM ..
We expected it to be fun wanasa temeshi o o o o .. and terarara faja'ah ! kil shay i3tifas ! around 12 pm .. im6awa3 "Shaklan faqa6" مع احترامي الشديد للحيه و اتباع سنه الرسول عليه الصلاه و السلام لكن القصد الاتباع ما يكون شكلي فقط و التصرفات تصرفات رعاع همج

anyways .. dash wa7id le7ya o deshdasha short o yamshe as a king ..
و صار لويه .. قالولنا ان طلب الترخيص .. عطوه ترخيص الداخليه قال لا ابي ترخيص البلديه
قالوله هذي مو اول مره نسوي و لا مره قالولنا عن ترخيص من البلديه .. نادوله احد الضباط اللي بالدوريات يكلمه .. ماكو فايده .. شيلوا اغراضكم و الا بييب سيايير البلديه تشيل سياييركم و طاولاتكم !!

6ab3an ilsowar wil nas itsheel ..

the sale was on the parking area of AUK .. its the 4th madre 3rd one !
رفض اي وسيله للتفاهم .. و ياب كاميرته "متجهز مع ان يقول مار صدفه" و يرفض يرد علي المنظمين الا ان يصور الواقعه علي قولته !!
واقعه !!

he refused accept any solution .. and there was no way with him specialy after he came back with mosaweren and wagif eyhaded eb seyayer il baladeya if not everything packed in 5 mins ..
so .. كل من شال اغراضه و خرب اليوم علي الكل

يعني شنو بيضرك اذا كلمتهم و تفاهمت حتي لو انت صح و لازم ترخيص بلديه .. في ترخيص الداخليه موجود و مو ماذين احد !
و السيل منظم و دوريات الشرطه موجوده و الكل ملتزم ..
شباب وبنات كويتين المنظمين و اللي يعرضون بعد .. و كله شغل شبابي و مجهود كويتي و الكل مجهز حق هاليوم
شيضرك لو قلت لهم مره ثانيه لازم تسوون ترخيص و كتبت مخالفه او غرامه و رضيت علي الاقل تتفاهم و تاخذ و تعطي و تكلم الاداره خصوصا ان اليوم سبت و ما يقدر اي احد يتصرف او اييب الترخيص بنفس اليوم يعني تدري ان ماكو حل !!
في شرطه و ضباط يكلمونك و من الداخليه ترخيص موجود ليش هالعنجهيه !

فوق هذا تصرفه و طريقته و اسلوب تفاهمه كان همجي جدا ! استغفر الله ذكرني باللي عند الباب عند الحرم اللي يتعاملون مع الناس و خاصه النساء كانهم غنم يهشونهم !

ِanyways hard luck all .. و معوضه ان شاء الله

Part (1) : للأمه

النائب الفاضل هايف الهايف
النواب الافاضل مقدمي الاستجوابات
النواب الافاضل حدس
الباقي من ال 50 ممثلا لنا نحن عامه الشعب

مقتطفات قد لا يكون بينها اي ارتباط تختلج في صدري و فضلت اخراج بعضها لامثالي من العامه و كلي يقين بعدم وصولها لكم حيث انها لا تعنيكم لا من قريب و لا من بعيد و ما ذكركم في مقدمه هذا المقال الا نوع من اضافه بهارات و حركات اعلاميه أرعه !

نوابنا و شيوخنا و سكرياراتهم ان كان صحيحا هذا الجمع

1- ان مستقبل هذه الارض و رقيها و تطورها يعتمد اعتمادا كليا علي مخرجات التعليم ! علي الاجيال القادمه و تعليمها !
علي وزاره التربيه و التعليم .. وزاره التربيه و التعليم التي اقرت نظاما جديدا طبق من فتره ليست بالبعيده هو ما يسمى بالنظام الموحد .. هو من تخلت عنه كل دول العالم لتطبق نظامنا السابق في حين نحن طبقنا ما ارتقا من الاخرون !
هذا النظام الذي كانت بشائره و علي مدى 3 سنوات الي الان سقوط اكثر من 40٪ من الطلبه المطبق عليهم .. و ليس هذا بالدليل علي قوه النظام لا والله فمعايشتي لفتي كان متفوقا طبق عليه النظام ومتابعتي للنظام و تخبطاته و تفصيلاته الغير عقلانيه جعلتني اقسم و اقتنع ان السبب فشله !

نوابنا و ممثلينا .. هل يعنيكم سقوط و فشل هذه النسبه الهائله من الطلبه؟
هل يعنيكم فشل مناهجنا الدراسيه و سوء مستوى مدرسينا و طلبتنا ؟
هل يسوؤكم ما آلت اليه مدارسنا الحكوميه من مستوى منخفض و تخبط علي مدار العام؟
هل يمسكم حرقه قلوب اولياء الامور يوميا و تنظيف الجيوب علي مدار السنه بسبب الدروس الخصوصيه؟
هل لفت انتباهكم تقنين الدروس الخصوصيه حتي اصبحت مدعمه من وزاره التربيه و التعليم؟
هل و هل و هل و هل ؟

لا ابدا .. و مالكم و مالنا ؟ ابناءكم حجزوا اماكنهم في المدارس الخاصه او اخذوا مركز "ابن النائب" في المدرسه الحكوميه ! فمالكم و مال هذا الهم؟

ما يعنيكم بهذه التوافه و هناك ما هو اعظم و اكبر يستحق استجواب وزيره التربيه و التعليم و مطالبتها بالاستقاله !
نعم ! فتنورتها القصيره التي تظهر شبرا او شبرين من ساقيها ذات الستون ربيعا او اكثر اهم من التعليم و ابو التعليم ايضا !
نعم ! تجاعيدها و شعر راسها هم السبب الرئيسي في اثاره غرائزكم و بالتالي انشغالكم عن البلد و احوال البلد !

معتوه تركوه اهله يهيم في الشوارع يقتحم مدرسه اهم من المدرسه و عمل المدرسه و كل مافي المدرسه !

خريج سجون مختل تركته الداخليه يجوب شوارع البلد يغتصب طفلا ! تقيمون الدنيا علي المتبرجه وزيره التربيه و التعليم !
الاف الطلاب يفشلون و تنحدر مستويات التعليم و التربيه في الديره ثانوي امام اسباب ثورتكم !

عجب ياأمه ..

و للحديث بقيه ..
لا بل بقيات ..

مطعم عبدالوهاب

اليوم ثاني يوم للافتتاح الرسمي لمطعم عبدالوهاب اللبناني .. اللي فتح مكان فدركرز القديم علي البحر يم لينوتر

overall .. its nice .. ok i expected more .. but come on its their 2nd day only ..

اول شي المكان و الديكور جميل .. الطاولات علي البحر طبعا احلا .. لي ييتوا تحجزون طلبوا طاوله علي البحر

i don't know why did i expect something WOW .. as a place ya3ni o shakil .. its not WOW bas not eyew either :P


اول ملاحظه كانت عند الباب لويه .. في ٢ مشرفين اعتقد و يحوسون و الناس واقفين كوده و نفس اللي واقف يستقبل اهوه اللي ياخذ حجوزات فلويه شوي

2nd ..
المكان مادري ليش تحسونه صغير .. فدركرز كان شرح كبير هذا لا ..
الطاولات لاصقين في بعض لدرجه غير مقبوله جنه قاعدين ويا بعض !
سوالف اللي يمنا كلها عندنا و اعتقد سوالفنا كلها عندهم .. الصور تبين شلون الطاولات متلاصقه !
علي فكره الصوره اليايه هذول طاولتين بس من كثر ماهم متلاصقين صايرين جنه وحده





we waited around 5-7 mins 3ala ma yaboolna the menus , and it has to be better than A4 printed one as it has been more than 6-8 months o ohma preparing for it ..
and we waited more than 15 mins 3ala maye a77ad to take our order ..

مافي فواتح الشهيه المعتاد في المطاعم اللبنانيه من زيتون و خضار و مخللات علي طول الاكل .. بس الاكل بسرعه وصل



المقبلات و السلطات كانت فعلا فرش و مضبوطه

المقبلات الحاره خاصه البطاطا بالكزبر لذيذه جدا .. و الكبه الاقراض متقووونه



المشويات علي حسب كلام اللي معاي ممتازه .. مو مثل باجي المطاعم تحسونها بايته !

العرايس ايضا جيده جدا



ماكان في تشكليه عصاير .. الليمون بالنعناع فقط و البرتقال


و بعد الغدا .. المحلبيه كانت التحليه مقدمه المطعم


overall .. the food was great .. the whole experience was good ..

but .. there is a thing i noticed and i didn't understand sara7a !

الطاولات معظمها فاضي .. في بعضهم محجوزين بس في عدد كبير لا ..
كان مكاني جدام الباب .. الطاولات مجهزه و كل شي جاهز ..
اذا اي احد ييه .. لازم يقعدونه برا 10 دقايق او اكثر ياالله يدخلونه .. مع ان الطاوله تكون جاهزه ! طبعا مو مره وحده لا كل اللي ياو يعني فوق ال 10 مرات !

وايد ناس بدون حجز يردونهم يقولون محجوز كله .. مع ان الطاولات فاضيه من قعدنا الي ان طلعنا ..
و في ناس بدون حجز يقعدونهم شوي برا و يدخلونهم ..

سياسه غير مفهومه صراحه ..

anyways .. its recommended :D

مناشده من طفل

إذا حابين تتبرعون اخواني روحوا بنك الدم في جنب مستشفى مبارك الكبير ولازم تكونوا نايمين أكثر من 6 ساعات ولا تاكلون دهون قبل يوم التبرع وكثروا من السوائل
العملية ما تفرق عن التبرع في الدم الا بالوقت ..راح يسحبون منكم دم لمدة ساعة ونصف.

واذا وصلتم حق الاستقبال فقط قولوا انكم تبون تتبرعون بالصفايح لحمد خالد حمود واهما راح ياخذون منكم عينه ويحددون اذا دمكم يركب مع دمه والا لا

و الدنيا مازالت بخير بتجاوبكم مع هالطفل اللي الله ابتلاه بالمرض الخبيث

و عسى يفك عوقته و عوقة كل مسلم و يشافيه
مع جزيل الشكر للأخ
علي
http://alikingkw.blogspot.com/

منقول من
Enter-Q8

شكرا الازرق

Thank you Al-azraq !

نعم شكرا من القلب .. ضاقت خلوقنا اكيد .. غلقنا .. اكتئبنا
بس الفوز و الخساره نصيب .. و الحمدلله علي كل حال و ربي ما كتب لنا الفوز

لكن هذا ما يعني نلوم اللاعبين و الا المدرب مثل اللي قاعد يصير !

اللاعبين مابيدهم شي اكثر من اللي سووه .. و المدرب ما قصر .. كفوا ووفوا ..

فريق لي قبل الدوره بايام ما يدري بيشترك و الا لا .. موقف من الفيفا بذنب الكبار و هواشهم ..
لا دعم .. لا تشجيع و لا شي ! شتبون منهم يسوون يعني ؟!

شكرا محمد ابراهيم .. شكرا لاعبين الازرق واحد واحد
و الحمدلله علي كل حال

و سكوب .. عيب عيب عيب .. الاغاني و التسجيلات اللي اشكره باين مزهبينها من زمان عيب .. فعلا قناه واطيه و القائمين عليها حثاله و زباله ..

الحمدلله و الله كريم

2009 ..

السلام عليكم
yeah again السلام عليكم :P

happy new year *late i know*

bye bye 2008 , it wasn't a good year , it was't that bad but still not good :/

2009 بشايرها هلت من اول ليله
عفيسه قبل لا تدق الساعه ١٢
عقبها يومين بالفراش و لازلت
فلو تكسر
الحمدلله

ماني من النوع اللي يكتب لسته بالاماني او الاهداف بدايه كل سنه .. و بما ان كل اللي تعودوا يسون هالشي كسروا القاعده هالسنه و قرروا يخلوونها بدون تدوين و سيرا علي مبدآ خالف تعرف قررت افكر بشنو ابي من ٢٠٠٩ !

1. اتمني الله يكتب لي الحج هذي السنه يارب

2. اتمني مع نهايه ٢٠٠٩ احس اني فعلا الي ربي و ديني اقرب

3. اتمني ال ٣٦٥ يوم تمر بدون اغضاب والديني او تكدير خاطرهم باي شكل من الاشكال

4. Personal , will tell you about it if it happens :D

5. Same as 4.

6. Getting a new job ! a job that i love ..

7. التوسع بعملي الخاص

8. Finishing some exams and getting some certificates which i was planning for since 2006!

9. ...... open

10. On 31/12/2009 , i want to look back to 2009 and smile ..
مع الشعور بالرضا عن نفسي و ايامي فيها

I really want 2009 to be a good year and a new beginning to a good life, i want the coming yrs to be better than the past.
I believe that the difference between good days and bad days is out attitude not the day itself! so i know most of the *BAD's* during the past yrs were caused by me .. So i am looking for a new better ME in 2009.

كل عام و انتو بخير .. كل عام و انتوا اسعد .. كل عام و انتوا اكثر رضا عن انفسكم و حياتكم