البريد و ما أدراك ما البريد!

السلام عليكم

فيني تحلطم له أول و ماله اخر على بريدنا العتيد !!

في الآونة الأخيره صارت لي تعاملات شبه يوميه مع البريد .. طبعا
خلوا البريد السريع من طقة دي اش ال و فيدكس و ربعهم

بريد الدوله سواءا

First class
او

EMS البريد الممتاز
ملوت الطرود .. آآآآآآه

1- المكان

للبريد الممتاز .. و خلافا لكل دول العالم المتحضره .. مكان
الارسال غير و مكان الاستلام غير

ناهيك ان الدولة كلها مافيها مكان استلام طرود الا واحد بمبنى
البريد الرئيسي بشارع فهد السالم

و الاستلام ايضا مكان واحد بكيفان !

طبعا خلوا الزحمه و الفوضى لهذا السبب .. المكان اشبة بمكان
مهجوووور .. تييك قمتة غير طبيعيه بمجرد ما تعتب عتبة باب المبنى

الاستلام في السرداب .. تحسه مكان ما تطور من ايام 1950..دثاره و
ساخه و فوضى

رفيجتي مره نزلت و انا انطرها بالسياره دقت علي من تحت تقولي
شنووو هذا ريحة فيران فيران !!

2- نظام يدوي

في دولة من دول النفظ الغنيه و اللي تعتبر من أغنى بلدان العالم
لازلنا اذا بنستلم الطرد .. ايبوون دستة ملفات و يدورون الرقم
فيها ..

و بما ان الملفات السود شكبرهم و بدون اي تنسيق فالهندي اييب 3 4
ملفات يقعد يدور بواحد و يقط عليك ملفين ثلاثه يقولك دور معاي

و الموظف العقيدي يا يشرب جاي و الا يخزز بالاوادم

و نادرا ما يمد يد العون و دايما على الفاضي الهندي افهم و ابرك
منه بمليون مره

ماكو شي اسمه كمبيوتر و قواعد بيانات و استعلام الكتروني و
هالخرابيط ! وين قاعدين؟

3- Tracking number

دولتنا التي تناطح السحاب .. بريدها ماعنده اونلاين سيستم عشان
الواحد يستعلم الكترونيا عن شحنته
عندك
Tracking number

بس ما منه فايده !! كل دول العالم البريد الممتاز له موقع
بالانترنت تدخل تتابع شحنتك وين وصلت و شصار عليها

ماعدااااا بريدنا

تبون تكحلون عيونكم بالويب سايت الرسمي مال بريدنا الممتاز؟

تفضلوا

http://www.mockw.net/post/
المشكله ما يستحون على ويوهم بعد حاطين لينكات البريد في الدول
المجاورة !!
شوفوا مال قطر
http://www.qpost.com.qa/

و الا مال الامارات
http://www.emiratespost.co.ae/

تبون السعودي؟
http://www.sp.com.sa/saudipost/arabic
و الا الامريكي؟
www.usps.com

الصيني ؟
www.ems.com.cn

طبعا كلهم فيهم اونلاين تراكينق و خدمات وانت قاعد ببيتكم و
البريد يوصلك لي باب البيت !

مو احنا يوصل البريد اليوم عقب عشر ايام يدقون عليك يقولون لك في
طرد لك تعال كيفان استمله!

و اوقف بهالطابور و الريحه و القمته و شوف من يعطيك ويه!

4- الجمارك

طبعا بعد طلوع الروح يطلعون لك طردك تاخذه من موظف البريد تروح
للجمارك

طبعا الجمارك عندنا ماشي على البركه و الأمزجه

نعم عادي جدا نفس الغرض اليوم تدفع عليه جمارك .. العصر مع موظف
ثاني يكون رايق يقولك ماعليه جمارك

عادي اذا بنهاية الدوام و موظف الجمارك ماله خلقك يقولك خلاص امش
امش و حتى ما يطل بالطرد و شنو فيه

و عادي اذا متعسر و متهاوش مع احد يطلع حرته بطردك و يفججه تفجج !

5- ساعات الدوام

طبعا الدوام الرسمي من 8 الى 1:30
ثم من 3:30 الى 7:30

بما ان ماعندنا نظام الكتروني و لا اكو اختراع اسمه كمبيوتر

فروحه العصر ما منها فايده

90% من روحات العصر

يقولك هاه؟ تعال الصبح مادري .. و طبعا ماكو دفع جمارك العصر فاذا
موظف جمارك العصر متعسر عليك
يحجز الطرد و يقولك تعال الصبح يشوفونه لك

اذا الطرد في الغرف اللي داخل يقولك تعال الصبح مو مسموح لما نفتح
الغرف

اذا ماكو و لاية او منطقه يقولك مادري تعال الصبح

اذا شافوا زول هندي سايق مطرشينه شي طبيعي يقوله ماكو ماكو ما وصل
و بقدره قادر لو اروح و اقوله دور انا متاكده واصل يطلع الطرد
محذوف داخل !!
و ما تفرغ الموظف ليلحين يسجله بالملفات السودا العملاقة !

طبعا شي ثاني .. شي طبيعي و عادي جدا تروح الساعه 12 باقي على
الدوام ساعه و نص يقولك لا ماقدر اطلع
شحنتك موظف الجمارك خلاص طلع
الدوام مو باقي عليه ساعه و نص؟
اي
ليش طلع؟
مادري !! جان زين مره و الا مرتين
لا هذا العادي .. اللي مو عادي انك تحصلهم بعد صلاة الظهر !!

جني وايد تحلطمت؟ بس والله هذا فيض من غيض على بريدنا !!

قريت في الجرايد انهم بيخصخصون البريد .. طبعا لازال قرار
بالادارج .. و حبر على ورق .. و قراراتنا يبيلها سنوات و سنوات عشان تطبق
فيبقى الحال على ماهو من سوء الى ان يشاء الله !

طواريها تهد الحيل

السلام عليكم

طائر بلا وطن : كا احمد رجع

على ذاك الرصيف أسهر وأنادي بكل الجنون القار...

أكلم شارع خالي سواده من سواد الليل..



ترى ماهو فلس ولا بقلبي قلت الأشعار..

ولكن واقعي يفرض علي أكتب بلا تعديل..



أنا راح العقل مني وعندي للجنون أعذار..

معاناتي إذا بوصف يفوق الوصف والتعليل..



من اللي قد وقف مثلي يواجه لعنة الأقدار؟!

رضى يبقى ويتحمل ...عشر أضعاف همه يشيل ..



من اللي ثبت أقدامه يقاوم شدة التيار؟!

ويعرف ان النخل وهو النخل راح وجرفه السيل..



من اللي حب له طفله وحلم من يوم كانوا صغار..

يتوج حبه بفرحه وأمه تحضنه بتهليل..



يمر الوقت وسنينه تمر ويستوون كبار..

ويتغرب لجل حلمه يسابق كل شباب الجيل..



ويرجع رافع راسه بعد ما صار هو طيار..

وبقى من حلمه الوردي زفاف يرفض التأجيل..



يجيها يقول حان الوقت تعالي نكشف الأسرار..

طفح كيل الصبر ماعاد في صبري وصبرك كيل..



ويذكرها بوقت صار مع مر الزمن تذكار..

بأيام الطفوله يوم يغرقها غلا وتدليل..



يمازحها وتردد له (ترى الكذاب يروح النار)..

يجافيها وتهمس له (أعرف أن الجفا تمثيل!)..



وتدمع عينهم لثنين يهلون الدمع مدرار..

ترى الذكرى ولو حلوه طواريها تهد الحيل..



وتسرح في وسط عينه ..تفكر .. ترتجف..تحتار..

يسألها عسى ماشر؟ ويطيح من ايديها المنديل..



وتنزل عالركب وتقول تسامحني على اللي صار؟

حشا والله ماخنتك ولكنه حصل تبديل..



تراها غيبتك طالت وتدري وقتنا غدار..

كبرت وخفت تتأخر وخير البر بالتعجيل..



ويشهق يلمح الخاتم ..يحس القاع تحته دار..

ولا يستوعب الموقف بليا شرح أو تحليل..



يسود الصمت..ولاكلمه ونظره كلها استنكار...

شلل صاب اللسان وصاب كفين العتب تكبيل..



دقيقه تمر..طعمها مر..نهاية عمر..موت أزهار..

خسارة حب ..ضياع فدرب..نار تشب..عذاب و ويل..



ويسرح لو بعيده تهون ولكن كيف بنت الجار..

ويكسر صمته بصرخه تعدت في مداها سهيل..



ويفقد وعيه وينزل على قاع الثرى منهار..

مصيبه كيف يتحمل؟! ترى ما بالأمر تسهيل..



مابينه وبين غرفتها ...ممر ونخله وجدار..

وهذا اللي يعذبه و يزود طينه بتبليل..



يشوف اللي سرق عمره سكن وياها نفس الدار..

غدى جار وله حق نزل في محكم التنزيل..



ويتخيله يغازلها ويقول أنه عليها يغار..

ويتردد صدى همسه ولمسه وضحكه وتقبيل..



يناظر دارها وفكره ورا ذيك الستاير حار..

وشباك الهوى عتمه بعد مازادوا التظليل..



يقرر زوجها يبني ويرفع مستوى الأسوار..

ويتصرف على كيفه عنده منهم توكيل..



ومكسور الجناح اللي بلا ذنب يذوق أمرار..

يصارع حسرته ويجر بعد ذيك الهزيمه ذيل..



يفكر كيف طاوعها الضمير تكون شي ضار..

بعد ما كانت لعمره عمر يحسب مداه طويل..



خذت كل مابقي منه ومن عقله خذت الأفكار..

وبرواز الوعد مايل خذته تخاف قال وقيل..



عطت بروازه لغيره وخلت في الحشا مسمار..

وآخر كلمه قالتها رجاءا ماأبيك تعيل..



ورد بكل غضب يسأل تحسبيني من أهل الثار؟!

أنا وقتي غدا ملكي ولا يتحمل التعطيل..



وداع الله وإذا بعدك مرض ايماني العطار..

أنا لي رب ما يهمل بقرا كتابه بترتيل..



وإذا كانت مسافات المنازل بيننا أشبار..

لخليها سفر أيام وأساوي كل شبر بميل..



وإذا قالوا علي مجنون أو ملبوس أو صابه زار..

لناجي شارع خالي لوحده في توالي الليل..



بقول ان الجنون أرحم كتبت من الجنون أشعار..

وصدق شعري يتحدى الذي قال الشعر تمثيل..



وأعيش العمر أرددها (ترى الكذاب يروح النار)..

براءة كانت الجمله ولكنه حصل تبديل..



حكاية عمري من يوم الطفوله لين صرنا كبار..

في هذي الصفحه شفتوها وعايشتوها بالتفصيل..



أبي شخص ينورني ومن أبياتي بس يختار..

حرف ماشكى من هم ويبشر مني بتعديل..



بعدها بعلن افلاسي وبترك عالم الأشعار..

لأني ماقدرت أعطي لحزني في الشعر تعليل..



وبرجع للسرير اللي من غيابي شكى محتار..

واريح عين شوهها سواد يشبه التكحيل..



وفي آخر بيت بسألكم عرفتوا ليش أناجي القار؟!

قولوا للثريا من تناجي لو خذلها سهيل؟!

العود أحمدو ..

بسم الله الرحمن الرحيم

السلام عليكم

أول شي .. مبارك عليكم الباقي من الشعر .. مبارك عليكم العشر الأواخر . الله يعينا و اياكم على صيامها و قيامها و اعطاءها حقها .. و جعلنا الله و اياكم من عتقاء شهره و بلغنا و اياكم قيام ليلة القدر ..

كل عام و انتوا بخير .. و كل عام و انتم الى الله اقرب و اليه أحب

اشكر كل من سأل عني .. بالبلوق و بالايميل و حتى لو بقلبه .. اشكركم من اعماااق قلبي على الاهتمام و السؤال .. بس صج انشغلت الفتره اللي طافت غيرت وظيفه و على وشك التغيير الثاني هههه .. سافرت و رديت و سافرت و رديت و على وشك سفره خلال ايام ان شاء الله .. وانشغالات ثانيه و الايام تركض ..

عموما اشكر كل من سال و تطمن مره ثانيه .. و عدنا :)

مقتطفات

هذا الموضوع كتبته من فتره في موقع ما .. مادري شذكرني فيه اليوم .. رديت قريته و قلت انزله هني مره ثانيه :)

إحترت في إختيار عنوانا لموضوعي .. مقتطفات قرأتها من هنا و هناك .. أثرت في خاطري .. و كان لها كبير الأثر في نفسي .. و قفات أعجبتني و أسأل الله أن يفيدني و يفيدكم بها ..

*- ذكر في الصحيحين .. أن رجلا أسرف على نفسه في الخطايا فلما حضرته الوفاة قال لأبنائة : إذا مت فاجمعوا لي حطبا ثم احرقوني بالنار ثم إسحقوني و ذروني مع الريح .. فلما توفي الرجل و فعل أولادة بوصيته

قال له الله :" يا عبدي ما حملك على ما فعلت؟ قال: يارب..خفتك و خشيت ذنوبي..قال: يا ملائكتي أشهدكم أني قد غفرت له و أدخلته الجنة و في لفظ غفرت له " .. أخرجة البخاري و مسلم ..

ياااااااا الله .. يا من رحمته وسعت كل شيء .. إرحمنا .. إرحمنا .. إرحمنا و إغفر لنا خطايانا ..سبحان الله .. والله بعد قراءتي لهذا الحديث وجدت قلبي يتراقص .. و الهمه تعلو ..

سبحان من يعفو و نهفو دائما .. و لم يزل مهما هفا العبد عفا يعطي الذي يخطي و لا يمنعه .. جلالة عن العطا لذي الخطا

*-هو الموت ما منه ملاذ و مهرب .. متى حط ذا عن نعشه ذاك يركب

نؤمل آمالا و نرجو نتاجها .. و عين الردى مما نرجيه أقرب

فقط لو فقط لو أدركنا معنى الموت .. و إننا سائرون إليه .. و مقبل علينا .. لو فهمنا هذا المعنى و أدركناه .. لكنا من الفائزين .. أين عقولنا؟

*- عمر بن الخطاب رضي الله عنه و أرضاه .. وقف على المنبر يوم الجمعه و قد لبس قميصا مرقعا .. و بطنة يقرقر من الجوع .. في عام جاع الناس .. و أصابهم القحط فيه .. فقال لبطنة : قرقري أو لا تقرقري والله لا تشبعي حتى يشبع أطفال المسلمين !

هذا حال عمر بن الخطاب .. لكم أن تقارنوا بين حاله .. و حالنا بعد الغداء أو العشاء .. و التخمه التي تصيبنا و تثقلنا .. لا يخلوا بيت من الاينو و المهضمات .. بسبب زيادة الأكل و التخمه !!! و أطفال المسلمين في أنحاء العالم .... ؟؟؟ يا الله ما أغفلنا ..


*- قال أحد دعاة الإسلام : 20 الف فتاة حبلى من الزنا في أمريكا وحدها .. هذه هي الحضارة التي توفر للإنسان الماء و الكهرباء و السيارة و الطيارة .. ثم بعد ذلك تسحق روحه .. فلا إيمان و لا توحيد و لا طاعه لله عز و جل ..


يقدسون الكلب و الخنزير .. و يبصرون غيرهم حقير

ما عرفوا الله بطرف ساعة .. و ما أعدوا لقيام الساعه

فهم قطيع كشويهات الغنم .. جد و هزل و ضياع و نغم

منهم أخذنا العود و السيجارة .. و ما عرفنا نصنع السيارة

همسه : يقول إبن عمر "والله لو صمت النهار لا أفطره .. و قمت الليل لا أنامة .. و أنفقت أموالي غلقا غلقا في سبيل الله ثم كنت لا أحب أهل الطاعه و لا أبغض أهل المعصية لخشيت أن يكبني الله في النار على وجهي"
لم أتمالك نفسي .. دمعت عيناي ..

اللهم اغفر لنا جدنا و هزلنا .. خطأنا و عمدنا .. إنك الغفور الرحيم ..

*- " كان في بني إسرائيل رجل قتل تسعة و تسعين إنسانا..ثم خرج يسأل فأتى راهبا فسأله فقال له: هل من توبة؟ قال : لا .. فقتله .. فجعل بسأل .. فقال له رجل :ائت قرية كذا و كذا .. فأدركة الموت .. فناء بصدرة تحوها .. فاختصمت فيه ملائكة الرحمه و ملائكة العذاب ..فأوحى الله إلى هذه أن تقربي .. و أوحى الله إلى هذه أن تباعدي و قال : قيسوا ما بينهما فوجد إلى هذه أقرب بشبر .. فغفر له" .. أخرجه البخاري و مسلم ..

رجل قتل 99 نفسا .. و غفر الله له كل هذا .. لرغبه و إقدام في نفسه على التوبه ..هل من توبة تطهر نفوسنا؟ .. هل من توبه نستحق أن يغفر الله لنا بها كل خطايانا؟اللهم إرزقنا توبة نصوحة خالصة لوجهك الكريم يارب .. يااارب ..

*- قال تعالي في سورة النحل آية 97 :"من عمل عملا صالحا من ذكر أو أنثى و هو مؤمن فلنحيينه حياة طيبة و لنجزينهم أجرهم بأحسن الذي كانوا يعملون"

ياااا الله .. إنه وعد حق .. من الذي لا يخلف الميعاد .. من الله تعالى .. وعد لنا يا من حملنا هم الدنيا و قيدتنا بقيوددها .. نقضي ليلنا و نهارنا جريا خلف متاع الدنيا و نعيمها و سعادتها الفانية .. إنه وعد من الله عز و جل إن أصلحنا أعملنا يتكفل بسعادتنا في الدنيا و الآخره .. وعد صريح حق أمامنا .. مالنا لا نعمل به ..؟؟!! .. ياااا لغبائنا .. أين عقولنا ؟؟ .. نذنب و نعصي .. غافلين .. لا هين في هذه الحياة .. و نشكو الهم و الفقر و الضيق .. و الله يعدنا السعاده في الدارين و الحياة الطيبة فقط نصلح أعمالنا .. و لا نصلح .. عجبا لنا ..!!

*- صلاة الحاجة .. منتشرة بين الناس .. و كنت ممن يظنون بجوازها .. و إنها سنة عن الرسول صلى الله عليه و سلم .. إلا إني قرأت فتاوي لكبار المشايخ .. و بحثت عن تخريج حديث صلاة الحاجة .. فوجدته ضعيفا .. فلكل من يعمل بها جهلا .. هذه الفتوى ..

سئل فضيلة الشيخ ابن عثيمين سمعت عن صلاة الحاجة وصلاة حفظ القران فهل هاتان صلاتان أم لا ؟ الجواب : كلتاهما غير صحيحة لا صلاة الحاجة ولا صلاة حفظ القران لان مثل هذه العبادات لا يمكن إثباتها إلا بدليل شرعي يكون حجة وليس فيهما دليل شرعي يكون حجة وعليه تكونان غير مشروعتين ..

أطلت الكلام أعتقد .. آمل أن تجد هذه المقتطفات وقعا في أنفسكم..

Computerism

 

ييت بكتب عن ذكريات ايام الدراسة بالقاهره الجزء الثالث بي تعييزت :|

 

بعد اكثر من 14 سنه مجابل و تعبث بالكمبيوتر و النت .. و دراستي هندسة الكمبيوتر .. شغلي كسبورت مده طويله .. اشرافي على موقع متخصص بالدعم الفني لاكثر من سنتين .. شغلي في صميم تخصصي .. صاروا الناس من يوقف عندهم شي بالكمبيوتر و الا يبون شي و الا بالنت على طوووول ترن ترن علي .. طبعا يا كثر المواقف اللي فطستني ضحك بهالمجال سو كل ما ييت بكتب بوست كمبيوتري بقولكم موقف من هالمواقف :P

 

ايام مصر .. الساعه 2 او 3 الفير .. توني حاطه راسي بنام .. و التلفون يرنع فوق راسي .. و الا مكالمة الكويت .. ياساتر ! اشيله و انا مخترعه و الا رفيجتي تدرس وياي هناك و لكن رايحه الكويت اجازه جم يوم عندها

كرييييييييتيفيا ترا بين بين ! اقولها ليش؟ تقولي النت صارلي ساعتين احاول فيه مو راضي مو راضي

يا بنتي شلون مو راضي؟ السيرفر داون؟ الاشتارك منتهي؟ الموقع اللي تبينه ما يشتغل؟ شنو بالضبط؟

لا لا مادري كله ما يشتغل !

شنو يطلع لج؟ موصله التلفون عدل؟ يشبك و الا لا ؟

هاااو شدراني شكو التلفون ؟ اقولج الانترنت مو التلفون

اي اي الانترنت دخلتي اليوزر و الباسورد؟ و صلتي التلفون عدل؟ يقولج ماكو تون و الا شنو؟

واااااااي شفيج شتقولين انتي اقولج ما يشتغل كلش شلون ادخل ايميلي و الباسورد و اهوه ما يشتغل !

حاولي تشبكين و قوليلي المسج اللي يطلع لج؟

شنو يعني اشبك؟ شلون؟

هااااو انتي شتسوين عيل؟

و لا شي فجيت الكمبيوتر و اكتب هوتميل دوت كوم و ما يطلع لي !

ما وصلتي اللاب توب بالتلفون؟ و لا عندكم واي فاي؟ و لا دي اس ال؟ و لا شريتي كرت؟

كرت شنو؟ من وين اشتريه و ليش اشتريه

انتي شلوووووووون بتدشين الانترنت !! من الهوا !!

هااااو نفس مصر ننزل النت نفجه كل شي يشتغل ليش هني غير !!

 

آآآآآآآآآآآآآآآآآآآآه شقولها هاذي :

 

-------------

 

 

على الطاير

 

 

1- How to download vedio from youtube?

 

مثال :

 

http://videodownloader.net/get/?url=http://www.youtube.com/watch?v=shRODAOrqjc

 

مجرد وضع رابط الفيديو مكان الرابط بالاحمر اللي فوق

الفيديو بينزل بصيغة

flv

 

لتشغيل هذي الصيغه تنزيل برنامج صغير من الرابط

http://www.download.com/FLV-Player/3000-2139_4-10467081.html

 

 

---

 

2- How to download flash "swf" from a webpage?

 

من خلال برنامج

FlashGet

http://www.flashget.com/en/download.htm

 

 

right click any place on the page and choose Download with flashGet

 

---

3- How to convert a vedio tape to a CD or record from TV ?

 

http://www.geocities.com/ducklet_cat/wmm.htm

 

---

 

4- Best online sites for Virus,Trojans,Hackers scan

 

a- لمعرفة اذا ما كان جهازك مخترق او لا .. و اذا كان معرض بسهوله للاختراق او محمي

 

http://probe.hackerwatch.org/probe/probe.asp

 

البورت اللي بطلع يمه

OPEN : مخترق

CLOSED : مقفل أي لم يخترق و لكن معرض للإختراق

SECURE : آمن و غير معرض للإختراق

 

b- فحص الجهاز و تنظيفه من التروجانات و السبايويرز و الفايروسات اونلاين

 

Panda Active Online Scan

Symantec Online Scan

BitDefender Online Scan "من أقوى الانتي فايروس"

TrendMicro Online Scan
" أنصح به شخصيا فوي جدا بالكشف و التنظيف"

McaFee Online Scan

PcPitstop Online Scan

SpywareInfo Online Scan
"للكشف عن ملفات التجسس"

Adware Online Removel
"لازالة الادوير و الملفات الضاره"

A Squared2 Online Scan

TrojanScan Online
"متخصص بالكشف عن التروجونات"

Dubai ..

طبعا هالايام كل ما دشيت بلوق و الا قريت جريده و الا دشينا في حوار عن الكويت و حال الكويت و تردي الاوضاع في الكويت .. لازم يضرب المثال في دبي .. و شلون صارت دبي و التطور اللي الامارات و و و و ..
ما ننكر ان طفره """عمرانيه""" كبيره صارت في دبي بالذات مو الامارات ككل يعني ..
الكل متحسر على حال الكويت و غابط اهل دبي على ما يحيونه من تطور عمراني و تكنلوجي ..

لكن المتفكر في حال دبي و ما آلت عليه .. صراحه اتمنا الكويت ترد بيوت طين و غوص و و و و لا ان تصير على ما صارت له دبي ..

ذبحتونا بدبي و دبي ! شنو دبي؟ مولات؟ عمارات شاهقه؟ تكنلوجيا مالها داعي؟ سياحه ؟ فنادق خياليه؟ فخامه فاحشه؟ مشاريع حديثه تنفذ بسرعه البرق؟ كانوا يشوفون الكويت جنه مقارنه باللي عندهم و الحين ماله داعي اعلق؟ .. لكن شنو ورا هذا ؟ من بنا هذا ؟
وين روح البلد؟ و عيال البلد؟
صديقه من دبي لي علقت من جم اسبوع و كانت في زياره لبوظبي .. تقول استانست يوووم رحت هناك انشرح صدري ! شفت مواطنين !! شفت دشاااديش ! شفت عبي !
شافت اهل ديرتها ..
تشوفون اماراتي في دبي؟
هذا شي .. شي ثاني البلاوي اللي تصير في دبي .. "عاصمة الدعارة في الشرق الاوسط"
شنو فايده السطح اذا كان يلمع و الجوف فاسد؟

فيلم نوعا ما قديم و انتشر بالنت .. لكن الكثير بعد ما شافوا ..
فيلم واقعي .. صوروة ناس من ارمينيا بالخفاء يصور ما وراء كواليس دبي ..

http://video.google.com/videoplay?docid=-6150836860448657774&pr=goog-sl&hl=en

و ممكن تحميله من نفس الصفحه ..
الفيلم مترجم للانجليزيه ..

يقابلون فيه بنات ليل من دبي ..
شلون وصولوا الى دبي؟
شلون ارغموا على هذا الشغل؟
طبعا بعضهم برضاهم و بعضهم لا
لجوئهم للشرطه؟ الشرطه تعاملها مع الموضوع؟
اماكن مووووووووووبوووووووئه تشيب الراس و تدمع العين عليها من هذا الحال !!!
على 10 دولار ت و 5 دولارت !!! 10 دقايق !
الشرطه تدري .. الامن يدري .. بمباركه الحكومه و حمايتها بالخفاء كل شي يصير !
شوفوا الفيلم .. والله يتصكم روسكم من اللي بتشوفونه ..
بتحمدون ربكم تليون مره على النعمه للي احنا فيها .. يا زين فسادنا زيناه بس

عندما تم ابلاغ السلطات في دبي عن فضايح دبي اللي نشروها موقع

http://hetq.am
اللي كان في السابق

http://hetq..com
كل ما تم عمله هو حجب الموقع لا اكثر و لا اقل

دخول بنات الليل السجن و العودة :
http://hetq.am/eng/society/0612-dubay.html

تجارة الجنس في دبي
http://hetq.am/eng/society/0502-dub-1.html

لقاءات ليليه فدبي !
http://hetq.am/eng/society/0502-dub.html

المحكمه تقف بصفهم
http://hetq.am/eng/society/0507-mar.html

و كثير من البلاوي في الموقع !

نبي نتطور .. نبي مكانة ديرتنا ترد .. بس بايد عيال الديره نرد .. بحبنا حق هالارض .. لا نقعد حاطين ايدنا على خدنا و نطالع عوير و زوير و المنكسر و اللي مافيه خير و نتحسر على حالنا!
حالهم مو احسن من حالنا ..
لازال حالنا الافضل و لله الحمد ..
مدونه اماراتيه مريت عليها من يومين .. عباره اثلجت صدري .. فيديو كويتي حاطه و التعليق "لو كان مواطن عندنا قايل هالكلام جان راح ورا الشمس"

الزبدة من الموضوع .. نحمد ربنا على ما فينا .. نصلح اخطائنا .. احسن من مجابل دبي و التحسر على حالنا .. حالهم اردى من حالنا بالاف المرات .. شسوي بمول شكبره و الوسخ مالي ديرتي؟ فساد يهز عرش الرحمن .. عندنا خراب و عندنا فساد صح .. لكن ما يوصل ربع قذارة هناك ..
و لا تشوفون قطر و ركضتها .. ايضا ما خفي اعظم !
يكفينا فخر ما وصلنا له و اللي سويناه و مكانتنا اللي كانت
كانت بشرف .. نظافه .. بشغل عيال الديره و حبهم للبلد .. !

اللهم احفظ الكويت و اهلها من نوابها و حثالتها

أعجبتني

سولفت للغيم بعض اللي تحملته

لجت بروقه بصدره.. ضيق من حالي

قلت القليل وكثير اهملت ما قلته

واشوفه ارخى جفونه يبكي قبالي

هذا وانا راحمه ومطوف اسئلته

وشلون لو جبت قصة همي بالتالي

-----------

اضحـك واداري عباد الله واجاملهـا

والله علـى نعمـة الكتمـان قـاردني

دورت بالخلق ؟ ضايعهـا وعاقلهـا

ولا لقيت اللي لامـن تهـت يرشدنـي

حتى اللي ! بديته مـن الناس بأكملهـا

راح وغدربي ؟ ولاكـنه معاهـدنـي

مافيه احـد يحفـظ العشـره ويبجلها؟

هـذي الحقيقـه..وشكـي مايراودنـي

-----------

لا تجادلنا تصنعت الغضـب

ماتبي تسمع حقيقة لك تبان

دايم باللوم تلهبني لهب

تكتم احساسي وتسلبني الأمان

كنت أبيك العون صرت أبو لهـب

يا كفاني الله شرك والزمان

-----------


يا معمر الدنيا عمارك خرايب

محدن ورث جدرانها غير الأيام

العمر شده والليالي ركايب

والرمل يمحي الرمل والموت قدام

-----------

ياصاحبي في خاطري اسألك شي

شي ٍ معكرّ كل صافي حياتي

ان كان انا مدري بغلاتي وانا حي

وش مكسبي كانك حزنت بوفاتي؟

-----------

بعض الفرح يا صاحبي باطنه هم

وبعض الهموم افراح لو هي حزينة

-----------

بقوات عينه قاللي لا تضمنيني

قلبي ينسى لو ثواني تهملينه

خان اول ما غفت بالنوم عيني

سيده ما كذب خبر ولد اللذين

اليت كان الحب شي بيديني

كان ماحطيت قلبي في ايدينه

وليت ما ضيعت في حبه سنيني

ولا وثقت الين ما ضيع حنينه

ايه يا نفسي عن الرجل اسأليني

صدق ما غير التراب يسد عينه

-----------

لولا المعزه جبت عاليك واطيك

أركد حبيبي لاتغرك غلاتك

-----------

الحال في غيبتك تصعب على الكافر

لو قلت لي إشلون!؟ أقول الله من الضيقه

القلب مسكين عقبك يكسر الخاطر

يارب وشلون شالنه معاليقه

سافرت عني وعقلي ودع وسافر

لو شفت غصن الحشا عقبك نشف ريقه

-----------

الى متى وانا أوقد النار بالنار

مليت من عظم ارتكاب المعاصي

-----------

يمين الله لاعلمك التحدي كيف

واعلمك القصيد شلون يخضعلي وانا بنيه

واعلمك السما وشلون تمطر والليالي صيف

واعلمك المذاهب الاربع وتبيت النيه

انا بقولها لك جد ترى ماينفع ياحيف

واذا انك انس ياعمي تراني ساس جنيه

انا ماردلك شوري وشوري مثل حده السيف

ليامنه بتر يبتر بوقت السلم والهيه

-----------

لا ترخصين النفس يابنت تكفين

بعض البشر مايستحق الموده

يلعب على كل العذارى بحبلين

والدرك الاسفل يا العزيزه مرده

-----------

تزعل واراضيك واتلذذ بتزعيلك

تبي الصراحه انا مجنون زعلاتك

لاقمت تبعد وانا اقرب وادنيلك

وامسك طرف غترتي وامسح دمعاتك

وتبدي تعاتب وانا كلي انتباهي لك

ماني بيمك انا عيني على شفاتك

-----------

شفت المقفي وربي ما اتبعـه لـو خطوتيـن

و أصبعي وهو أصبعـي لا غدرنـي أقطعـه

و بسألك سـؤال واحـد و الجـواب كلمتيـن

لا صار قدرك والهوى خصمين من تاقف معه

ياخي العزة كرامه و انت دايـم مستهيـن

ياخي ضرسك لا اوجعك بذمتك ما تخلعـه ؟؟

-----------

يابنت كبي عنك واحد مايصلي

تارك عمود الدين مالك وماله

-----------

بعادي هو سبب همك؟

جعل يفدونك الاحباب

تعال وشرهتك عندي

وباب البعد ينسدي

تعال وخل احاسيس الغلا في خافقي تنساب

ترا ما اقدر على بعدك انا احاكيك من جدي

خلاص اليوم ماني حاسبة لاحدن سواك حساب

ماعاد ابعد عن عيونك ولو هالكون ينهدي

خلاص اليوم..لاحيرة..ولا لوعة.. ولا استغراب

انا اتحدى البشر لاجلك ولاجلي انت متحدّي

-----------

ليتني مارحت اقايس قيمتي عند ابدويه

رجعت لي كل عرق حبها والا نهبها

وعلمتني كيف انجح وانتصر وابقى ضحيه

وعلمتني كيف قلبي لو غلبها ما غلبها

وعلمتني يوم صدت عنفوان الاجوديه

ماتلوح للمقفي لو سلبها ما سلبها

نونية القحطاني

رحم الإلة صداك يا قحطاني

 

 

نونية القحطاني قصيدة طويلة اكثر من 500-600 بيت

لكن عظيمه بكل ما تحمل هذي الكلمة من معنى

 

 

هي درة من درر أهل السنة و الجماعة فيها جمع و بيان عجيب لأحكام و شريعة الإسلام و المواعظ و الزهد و العقيده و الفقه بأسلوب جذاب رائع

 

 

بحق هي قصيدة صيغت حروفها من ذهب أولى بها أن تحفر على جبل من الماس

صج اتمنى الكل يقراها بيت بيت و اللي ما يحب يقرا يسمعها بصوت الشيخ خالد الشليمي

 

 

يقول القحطاني في مقدمة نونيته :

 

 

يا منزل الآيات والفرقان
.. بيني وبينك حرمة القرآن

إشرح به صدري لمعرفة الهدى
.. واعصم به قلبي من الشيطان

يسر به أمري وأقض مآربي
.. وأجر به جسدي من النيران

واحطط به وزري وأخلص نيتي
.. واشدد به أزري وأصلح شاني

واكشف به ضري وحقق توبتي
.. واربح به بيعي بلا خسراني

طهر به قلبي وصف سريرتي 
.. أجمل به ذكري واعل مكاني

واقطع به طمعي وشرف همتي
.. كثر به ورعي واحي جناني

أسهر به ليلي وأظم جوارحي
.. أسبل بفيض دموعها أجفاني

أمزجه يا رب بلحمي مع دمي
.. واغسل به قلبي من الأضغاني

 

 

احترت في اختيار بعض الأبيات لعرضها راح اظلم ابيات فيها ! بس من الأبيات اللي حافظتها منها :

 

 

يقول في مناجاته لرب العالمين :

 

 

أنت الذي آويتني وحبوتني
.. وهديتني من حيرة الخذلان

وزرعت لي بين القلوب مودة
.. والعطف منك برحمة وحنان

ونشرت لي في العالمين محاسنا
.. وسترت عن أبصارهم عصياني

وجعلت ذكري في البرية شائعا
.. حتى جعلت جميعهم إخواني

والله لو علموا قبيح سريرتي
.. لأبى السلام علي من يلقاني

ولأعرضوا عني وملوا صحبتي
.. ولبؤت بعد كرامة بهوان

لكن سترت معايبي ومثالبي
.. وحلمت عن سقطي وعن طغياني

فلك المحامد والمدائح كلها
.. بخواطري وجوارحي ولساني

 

 

و عن يوم القيامة :

 

 

يوم القيامة لو علمت بهوله
.. لفررت من أهل ومن أوطان

يوم تشققت السماء لهوله
.. وتشيب فيه مفارق الولدان

يوم عبوس قمطرير شره
.. في الخلق منتشر عظيم الشان

والجنة العليا ونار جهنم
.. داران للخصمين دائمتان

يوم يجيء المتقون لربهم
.. وفدا على نجب من العقيان

ويجيء فيه المجرمون إلى
.. لظى يتلمظون تلمظ العطشان

ودخول بعض المسلمين  جهنما
.. بكبائر الآثام والطغيان

والله يرحمهم بصحة عقدهم
.. ويبدلوا من خوفهم بأمان

وشفيعهم عند الخروج محمد
.. وطهورهم في شاطئ الحيوان

حتى إذا طهروا هنالك أدخلوا
.. جنات عدن وهي خير جنان

فالله يجمعنا وإياهم بها
.. من غير تعذيب وغير هوان

 

 

و عن محمد صلى الله عليه و سلم و صحبه رضي الله عنهم و أرضاهم :

 

 

قل إن خير الأنبياء محمد
.. وأجل من يمشي على الكثبان

وأجل صحب الرسل صحب محمد
.. وكذاك أفضل صحبه العمران

رجلان قد خلقا لنصر محمد
.. بدمي ونفسي ذانك الرجلان

فهما اللذان تظاهرا لنبينا
.. في نصره وهما له صهران

بنتاهما أسنى نساء نبينا
.. وهما له بالوحي صاحبتان

أبواهما أسنى صحابة أحمد
.. يا حبذا الأبوان والبنتان

وهما وزيراه اللذان هما هما
.. لفضائل الأعمال مستبقان

وهما لأحمد ناظراه وسمعه
.. وبقربه في القبر مضطجعان

كانا على الإسلام أشفق أهله
.. وهما لدين محمد جبلان

أصفاهما أقواهما أخشاهما
.. أتقاهما في السر والإعلان

أسناهما أزكاهما أعلاهما 
.. أوفاهما في الوزن والرجحان

صديق أحمد صاحب الغار الذي
.. هو في المغارة والنبي اثنان

أعني أبا بكر الذي لم يختلف
.. من شرعنا في فضله رجلان

هو شيخ أصحاب النبي وخيرهم
.. وإمامهم حقا بلا بطلان

وأبو المطهرة التي تنزيهها
.. قد جاءنا في النور والفرقان

أكرم بعائشة الرضى من حرة
.. بكر مطهرة الإزار حصان

هي زوج خير الأنبياء وبكره
.. وعروسه من جملة النسوان

هي عرسه هي أنسه هي إلفه
.. هي حبه صدقا بلا أدهان

أوليس والدها يصافي بعلها
.. وهما بروح الله مؤتلفان

لما قضى صديق أحمد نحبه
.. دفع الخلافة للإمام الثاني

أعني به الفاروق فرق عنوة
.. بالسيف بين الكفر والإيمان

هو أظهر الإسلام بعد خفائه 
.. ومحا الظلام وباح بالكتمان

ومضى وخلى الأمر شورى بينهم
.. في الأمر فاجتمعوا على عثمان

من كان يسهر ليلة في ركعة
.. وترا فيكمل ختمة القرآن

ولي الخلافة صهر أحمد بعده
..  أعني علي العالم الرباني

زوج البتول أخا الرسول وركنه
.. ليث الحروب منازل الأقران

سبحان من جعل الخلافة رتبة 
.. وبنى الإمامة أيما بنيان

واستخلف الأصحاب كي لا يدعي
.. من بعد أحمد في النبوة ثاني

 أكرم بفاطمة البتول وبعلها
.. وبمن هما لمحمد سبطان

غصنان أصلهما بروضة أحمد
.. لله در الأصل والغصنان

أكرم بطلحة والزبير وسعدهم
.. وسعيدهم وبعابد الرحمن

وأبي عبيدة ذي الديانة والتقى
.. وامدح جماعة بيعة الرضوان

قل خير قول في صحابة أحمد
.. وامدح جميع الآل والنسوان

دع ماجرى بين الصحابة في الوغى
.. بسيوفهم يوم التقى الجمعان

فقتيلهم منهم وقاتلهم لهم
.. وكلاهما في الحشر مرحومان

والله يوم الحشر ينزع كل ما
.. تحوي صدورهم من الأضغان

والويل للركب الذين سعوا إلى
.. عثمان فاجتمعوا على العصيان

ويل لمن قتل الحسين فإنه
..  قد باء من مولاه بالخسران

لسنا نكفر مسلما بكبيرة
.. فالله ذو عفو وذو غفران

 

 

و يعظ بقولة :

 

 

وإذا خلوت بريبة في ظلمة
.. والنفس داعية إلى الطغيان

فاستحي من نظر الإله وقل لها
..  إن الذي خلق الظلام يراني

 

 

و لكل الفلاسفة ممن يشككون في وجود الله تعالى و اللي كنت اظنهم غير موجودين ابدا في هذا الزمن و افاجا بوجودهم حتى في البلوقات :

 

 

قل للطبيب الفيلسوف بزعمه
.. إن الطبيعة علمها برهان

أين الطبيعة عند كونك نطفة 
.. في البطن إذ مشجت به الماآن

أين الطبيعة حين عدت عليقة
..  في أربعين وأربعين تواني

أين الطبيعة عند كونك مضغة
.. في أربعين وقد مضى العددان

أترى الطبيعة صورتك مصورا
.. بمسامع ونواظر وبنان

أترى الطبيعة أخرجتك منكسا
.. من بطن أمك واهي الأركان

أم فجرت لك باللبان ثديها
.. فرضعتها حتى مضى الحولان

أم صيرت في والديك محبة
.. فهما بما يرضيك مغتبطان

يا فيلسوف لقد شغلت عن
.. الهدى بالمنطق الرومي واليوناني

وشريعة الإسلام أفضل شرعة
.. دين النبي الصادق العدنان

 

 

و يقول واعظا ناصحا :

 

 

لا تعص ربك قائلا أو فاعلا
.. فكلاهما في الصحف مكتوبان

جمل زمانك بالسكوت فإنه
.. زين الحليم وسترة الحيران

كن حلس بيتك إن سمعت
.. بفتنة وتوق كل منافق فتان

أد الفرائض لا تكن متوانيا
.. فتكون عند الله شر مهان

 

 

و نصيحه ذهبيه اخرى :

 

 

واحفر لسرك في فؤادك ملحدا
.. وادفنه في الاحشاء أي دفان

إن الصديق مع العدو كلاهما في
.. السر عند أولى النهى شكلان

لا يبدو منك إلى صديقك زلة
.. واجعل فؤادك أوثق الخلان

لا تحقرن من الذونوب صغارها
.. والقطر منه تدفق الخلجان

وإذا نذرت فكن بنذرك موفيا
.. فالنذر مثل العهد مسئولان

لا تشغلن بعيب غيرك غافلا
.. عن عيب نفسك إنه عيبان

لا تفن عمرك في الجدال مخاصما
.. إن الجدال يخل بالأديان

واحذر مجادلة الرجال فإنها
.. تدعو إلى الشحناء والشنآن

وإذا اضطررت إلى الجدال ولم
.. تجد لك مهربا وتلاقت الصفان

فاجعل كتاب الله درعا سابغا
.. والشرع سيفك وابد في الميدان

والسنة البيضاء دونك جنة
.. واركب جواد العزم في الجولان

 

 

يا الله :

 

 

صن حر وجهك بالقناعة إنما
.. صون الوجوه مروءة الفتيان

بالله ثق وله أنب وبه استعن
.. فإذا فعلت فأنت خير معان

وإذا عصيت فتب لربك مسرعا
.. حذر الممات ولا تقل لم يان

وإذا ابتليت بعسرة فاصبر لها
.. فالعسر فرد بعده يسران

 

 

و من الشعر لحكم :

 

 

أعرض عن الدنيا الدنية زاهدا
.. فالزهد عند أولي النهى زهدان

زهد عن الدنيا وزهد في الثنا
.. طوبى لمن أمسى له الزهدان

 

 

اسمع :

 

 

قم في الدجى واتل الكتاب
.. ولا تنم إلا كنومة حائر ولهان

فلربما تأتي المنية بغتة
.. فتساق من فرش إلى الأكفان

يا حبذا عينان في غسق الدجى
.. من خشية الرحمن باكيتان

 

 

درة من درره :

 

 

لا تجزعن إذا دهتك مصيبة
.. إن الصبور ثوابه ضعفان

فإذا ابتليت بنكبة فاصبر لها
.. الله حسبي وحده وكفاني

 

 

و يختمها بقوله :

 

 

والله أسأله قبول قصيدتي
.. مني وأشكره لما أولاني

صلى الإله على النبي محمد
.. ما ناح قمري على الأغصان

وعلى جميع بناته ونسائه
.. وعلى جميع الصحب والإخوان

بالله قولوا كلما أنشدتم 
.. رحم الإله صداك يا قحطاني

 

 

رحم الإله صدااااك يا قحطاني !

 

 

القصيدة كاملة على 5 أجزاء : مع روابط استماع و حفظ بصوت الشيخ خالد الشليمي

 

 

http://islam.mnq8.com/part1.htm

 

 

و بملف وورد :

http://www.4shared.com/file/13338224/9ee7ca12/qahtani.html

 

اعذروني على طول البوست و الابيات المعروضة اندمجت

Vista, ie, Kaspersky

windows vista

سنين و اهمه يعلنون عن هالفيستا و غيروا اسمه و شي عجيب و و و
و .. الحين ماشوف فيه شي زود !!

مافرق وياي عن الاكس بس بوايد

كلها تطورات شكليه و طريقه عرض و الوان و شفافيات .. و تنظيم
و ترتيب داخل النظام .. اوكي ممكن السيكيورتي يكون زاد بدرجه اكبر

بس توقعته يكون نقله كبيره بينه و بين الاكس بي !

مثل ما بين 98 و 95 و الاكس بس

المهم

في 4 نسخ للفيستا

Home basic

Home Premium

Ultimate

و الرابعه مالت البزنس

طبعا النسخه الواو اهيه الultimate

هذي اللي فيها خصائص و مميزات تسوا .. مثل

http://www.microsoft.com/windows/products/windowsvista/editions/choose.mspx

اول شي بط جبدي بالفيستا البوتينق بطيييء ..
فاول شي سويته شلت كل الستارت اب بروقرامز .. و كل السيرفرسز و البروس اللي تشتغل
اوتوماتيك .. صار عادي الحين

ثاني شي وايد يعلق و ماقدر افتح التاسك مانجر
و لا اي فولدر او رايت كليك اي شي .. بس اكتشفت بعدين ان بسبب اكسبلورير 7 مو
الفيستا

ثالث شي السيدي 3 4 مرات تغيير ورا بعض يعتفس
و يروح الدرايف بكبره و اضطر اسوي ريستارت عشان يرجع

بكيفه ساعات يسوي ان انستول حق بعض الدرايفز
و اضطر اسوي انستول اقين او ريستارت عشان يسوي بروحه

طبعا جربت على اكثر من جهاز مو عندي بس

مادري يعني شكله حلو الفيستا بس ما ياز لي
وايد توقعته شي غير : و الا شرايكم؟

------------

بالنسبه لمشاكل الاكسبلورير

صج ie7 غير و
استانست عليه اول شي و التابز و ان يفتح بروسيس وحده حتى لو 100 صفحه و ال
RSS

بس ستيل تعليق غير طبيعي .. و مشاكل .. و
ببطيء و عل قلبي غير ان اللابتوب كان 24 ساعه حار و اصوات تينن .. راحت كلها مع
الافانت

فرديت لبراوسري العزيز Avant Bowser

The fastest browser!

لا مشاكل و لا ثقل و لا تعليق و كل مميزات
الاكسبلورير اليديده فيه من سنه الطفحه

وسريع و الانترفيس تختار اللغه اللي تبيها

و ميزه يديده بالفيرجن اليديد 11 .. يقدر
الواحد يختار وين يخزن البوكماركز و غيره اونلاين !

احسن من الفايروركس و الاي ايه و غيرهم

To download it

http://www.download.com/Avant-Browser/3000-2356_4-10150342.html

its very small in size ba3ad

------------------------

The best protection system!

لا نورتون و لا مكافي و لا نود32 و لا تريد

Kaspersky! و عن تجربه شخصيه الافضل و الاقوى
و الاخف على الجهاز و نظام كامل

انتي فايروس - انتي سباي وير - فايرول "انتي
هاكر"

نسخه كاملة :

KIS602614.rar

----------------------------------

و بس بوست كمبيوتري على الماشي :D

يا جود الحزن

أعترفلك ما بقى من عالي الهـمه سفـوح

إنحدر كـلي كما طـفل تـحدر مدمـعة

أه يا جود الحزن وياي والفـرحة شحـوح

ضايع بهمومي الغبراء بوسط المعمعة

أشتكي لوسـادتي دنياي وأسمـعها تـنوح

كنها بعضي وبعضي وين هو من هو معه

مختلط في عبرتي حبر الشقى ودم الجروح

مستوي في نظرتي غرب الوجود ومطلعه

عودي المبري بقابه من عطايا الوقت روح

فصل خامس حاير بين الفصـول الأربعة

راس مالي ذكـريات وحلـم وآمال وطمـوح

لا صديـق ولا رفيـق ولا طريـق أتبـعه

دمنـــــــــــــــــــــــــــا

كويتي احتاج نقل دم بسرعه من اسبوع تقريبا

 

قالوا حق اهله يدورون على فصيله دم مطابقة بأسرع وقت ..

 

الحاله طارئه و مافي وقت ..

 

ماعندكم دم؟

 

لا والله مافي اي دم متوفر حاليا شوفولنا احد يتبرع

 

و بنك الدم ؟ و حملات التبرع بالدم و القلوب الطيبة؟

 

مافي والله كله خلص

 

بسم الله الاااااف تبرعوا وينهم؟!!!

 

تم التبرع الدم كله للعراق من اسبوعين مادري اشكثر عقب الضربات والله و حق مادري منو

 

نعممممممممممم!!!!! و احنا موتوا بالطقاق؟ و احنا نتبرع حق عوير و زوير و عيالنا يطرون اللي يتبرع لهم؟

 

ليش؟ ليش؟

 

رحت سألت أشخاص عارفه .. هل صج تم التبرع بالدم؟

 

اي نعم كله راح العراق !!

الحمله و الاف المتبرعين و الدم كله طلع برا الديره؟

اي طلع ! عقب الضربات و اللي صار

 

ابي اجابة .. لي متى احنا ديرتنا جذي؟

 

 

لحد يقولي خير ما خير و اهما محتاجين اكثر منا و كلنا مسلمين و عرب و اخوان .. اللي تعليقه من هالنوع يوفر على عمره و لا يعلق!

 

 

 

مضحكه هالجمل في موقع القلوب الطيبة :

 

 

في الكويت شخص كل ثلاث دقائق يحتاج لنقل دم.♥

 

 

سنوياًً أكثر من 140 ألف شخص في الكويت يحتاجون لإنقاذ حياتهم بنقل الدم لهم.♥

 

 

شخص من بين كل تسعة أشخاص يدخلون المستشفى في الكويت يحتاج لنقل دم.♥

 

 

أوقفت الكويت استيراد الدم من الخارج وهي تعتمد اعتماداً كليا على المتبرعين في الداخل

Could this be love?

If you only knew

What I've been going through

Waiting and wanting you

Could this be love?

How, tell me how will I know ?

Will my heart make me believe it so ?

Or can I trust the way I feel ?

If you could read my mind

You see how hard I've tried

Still I can't decide



If you only knew

What I've been going through

Waiting and wanting you

Could this be love

Oh, tell me could this be love



Do you know if it's true

That real love lasts a lifetime

Does it shine like the stars up in the sky

And do you know if you can fall for

Just a moment

Is a moment for all time

Why, why am I so unsure

Is that love knocking at my door

Or the sound of my beating heart

If you could read my mind

You know I just can't hide

What I feel inside





Oh, tell me could this be love?

How did u become a blogger?

السلام عليكم

بعد المآسي في البوست اللي طاف و التهديدات اللي ياتني :P

.. قلت اكتب بوست خفيف

 

 

أول شي أحب اقدم لكم صديقتي

Desert Fragrance

http://desertfragrance.blogspot.com/

 

 

اللي انظمت لعالم البلوقات مؤخرا

و طبعا كاتبه في بوستها الأول شلون صارت بلوقر .. و الصديقه النحيسه اللي مارضت تعطيها بلوقها اهيه انا طبعا

 

 

البنت موصلتني السما .. عيزت اقنعها اني

Not perfect as she thinks

و مع ان علاقتنا داشه في السنه الثالثة الآن تقريبا

الا انها لا زالت على عماها :P

ابرك

 

طبعا قصة صداقتي مع هالبنت من أغرب قصص صداقاتي لو تسمح لي بقولها بالتفصيل الممل بس ادري مستحيل بترضا :P

 

 

المهم هذا أول بوست لها اللي في اجابة على سؤال بوست اليوم .. و من العيله عقبه بدقيقتين نزلت بوست ثاني هههه

 

 

http://desertfragrance.blogspot.com/2007/01/blog-post.html

 

 

-----------------------

 

 

بالنسبه لي انا

How did i become a blogger ..

 

 

في ليله من ليالي رمضان المنصرم .. و بعد الأفطار و التراويح .. كنت اقرق بالتلفون و اللي على تلفون كانوا يكلموني عن "بيت ديما" .. السالفة كانت قاهرتني و باطة جبدي و مفورة دمي ..

but i was acting as if i dont care

فردودي كانت .. ايه .. لا .. اها ..

 

و كنت اطقطق بأي شي يمي افرغ شحنتي هههه .. كنت فاجه قوقل عاد .. جان أكتب .. بيت ديما !

 

فجوا قوقل و كتبوا بيت ديما شوفوا بلوق منو اللي يطلع لكم أول شي .. ! ههههه كان يطلع رقم واحد بالنتايج الحين الثاني

 

بلوق لووووير !

 

دشيت اقرا .. سكرت التلفون على بو انه احد ناداني و انا لا احد ناداني و لا شي .. اندمجت بالبلوق !

و اقعد عاد اجاااابله كله .. هههه ما بقا بوست ما قريته .. كله ورا بعض .. اللي شدني في بلوقها العفويه طبعا و الصراحه و الاسلوب و كل شي .. بس شي ثاني

it was that we have things in common in a weird way hehehe

 

 

so

 

قمت اتابع .. و من بلوق لي بلوق اقرالهم لما تشجعت افتح بلوق عشان اعلق و اذا نزل الالهام جود اكتب .. و صارت

 

 

قبل هالسالفة كنت اعرف البلوقات .. مثل بلوق عذوب و حمدان و الصفاة و ماد .. بس ما كانت تشدني السالفة مادري شتغير فجأه ..

 

 

so ..

 

 

How did u become a blogger?

خيـــــانــــــــــــة !

مسااء الخير

!

I MISS YOU ALL

 

! كالعاده اكتب بوست و تطلع سالفة ثانيه بتاتا تكون اولى

 

 

 

 في وحده صار لها فوق ال 16 سنه متزوجه .. ريلها ظيم و متحملته اهوه و بلاويه عشان عيالها و بيتها .. و الاجر !

 

خالتها أم ريلها وياها بالبيت .. اهيه الل قايمه فيها و مراعيتها ..

الخاله كبيره و صارت وايد تنسا و تقط خيط و خيط الله يعطيها طولة العمر

المهم .. المره هاذي من سنين متعوده يوميا تروح احد دور القرآن تحفظ و تسمع و دروس

صار لها مدة ترد البيت خالتها أم ريلها تقولها اختج شتسوي عندنا بالبيت ! كل يوم رازوه ويها عندنا شتبي

المره مسكينه قالت هذي احد قطات و تخاريف خالتها فكانت تمشي وياها

في يوم المره حست انها مو اوكي بالدرس قالت برد البيت .. مع انها عمرها ما سوتها

 

صدمة عمرها يوم ردت و الا سيارة اختها ام 30 سنه و الغير متزوجه عند الباب!!

ماقدرت تنزل من السيارة .. حست !

 .. تمت تلف لما طلعت اختها ..

 

نزلت بيتها و الا ريلها بالشور بدلت و حطت الغدا و ناموا الظهر و كل شي كأنه عادي و اهيه طبعا تموت و تحيا من داخلها

 

العصر دقت سياراتها سلف و راحت بيتهم حق اختها ..

دشت عليها الدار و لا شعوريا ايدها على رقبتها

تقولها انتي اختي؟؟

من لحمي و دمي؟؟

مع ريلي؟؟

انا مابي شي؟

مو مصدقه قوليلي ان اللي شفته و حسيت فيه غلط و بصدقج!!

 

الاخت انهاااارت .. صياح و حاله و اعترفت انها على علاقة بريل اختها من مدة مدة!

صكت فيها الدنيا المره قامت تطقها لا شعوريا .. بينها و بين الينون شعره !!

 

 

اختها ! مع ريلها بو عيالها!

عيالها اللي بالجامعه!

و اختها اللي ربتها ويا عيالها!

يخونونها في بيتها .. في دارها .. على فراشها!

 

 

تحرم علي ريلها جذي !

 

 

أي عذر في الدنيا ممكن يغفر للإخت و الزوج فعلتهم؟

هذي أشياء تصير عندنا في الكويت؟؟

شنو هالحيوانيه اللي فهالحقير و الحقيره؟

قلوا الرياايييل تروحين حق ريل اختج؟

قلوا الحريم مالقيت الا خالة عيالك؟

شلون تحطين عينج بعين اختج و عيالها؟؟

شلون تحط راسك على المخده و تنام؟

 

 

ليلحين ماني قادره استوعب السالفة .. و لولا انها من ناس ثقه و معرفه شخصيه و الا والله ما صدقت !

 

 

---------------------

 

 

 

واحد ثاني .. طلق مرته أم بنته و ولده ..

ليش؟

صادها مع واحد!

منو هالواحد؟

هندي يشتغل عامل !!!!!!!

 

 

ينوا و قعدوا !! ينوا !!

 

 

مالقيتي الا هندي تخونين ريلج و بيتج و عيالج عشانه؟

هندي و الا غيره شلون شلون تخونين ريلج!

ريلها عاد سنع سنع!

 

 

-------------

 

 

 

واللي كان يكلم رفيجته الفير و طايحين له مغازل !

و يوم أذن الأذان صخ .. يقولها سبحان الله

صوت هالمؤذن عجيب عجيب

على كثر ذنوبي و اخطائي

صوته ينقيني ! و يخليني غصب اقوم اصلي

 

 

قالت له عاجبك صوته؟

قالها اقولج ماشاء الله عليه الله يحفظه عجيب و اعرفه ساكن بنفس شارعنا ريال و النعم تشوفين ويهه بس تحسين برااحه يا بخت اهله فيه

 

 

قالتله ترا هذا ريلي !!

 

 

سد التلفون و اهوه بعالي صوته الله يلعنح الله يلعنج!!

 

 

------------------

 

 

 

عياله طوله .. و مرته بالبيت .. و اهوه كل صبح في قهاوي هالمولات يرقم و يضبط !

الشيب تارس راسك و ريلك بالقبر و انت غرقاااان غرقاان!

 

 

توه متزوج ماصار له سنه .. و ليلحين شغله الشاغل البنات و مواعد البنات !!

 

 

-----------------

 

 

 

لحد يقولي مرته مو مهتمه فيه ..

مرته مو معطيته حقه

مرته حنانه

مرته نسره

 

 

مافي أي عذر بالدنيا يبيح له خيانة مرته !!

 

 

عقوبته بالشرع الرجم !! يعني متساوي مع القاتل !!

الشرع حلل لك 4 ..

حط فوقها 3

اشرف لك مليون مره من انك تنزل الى مستوى الحيوانات هذا !

عز الله الحيوانات عنهم!!!!

 

 

---------------

 

 

 

و اهيه بعد

لا تقولين ريلي مهملني

ريلي ما يدري عني

ريلي و ريلي

فعلته و تركته!

تطلقي !!

صبري !!

حاولي !!

اشرف لججججججججججج من خيانة زوجج !!

المرأه اللي في زمن الرسول عليه الصلاة و السلام بعد الحديث عن النهي عن الزنا و عقوبه الزانيه

تعجبت تعجبت

اوتزني الحره؟؟

 

 

ليتها تيي تشوف !!!!

 

 

الله يهدينا و يهديهم .. و يستر علينا و عليهم!