بسم الله الرحمن الرحيم
فقد روى البخاري ومسلم عن عبد الله بن أبي مليكة أن المسور بن مخرمة حدثه أنه سمع رسول الله صلى الله عليه وسلم يقول على المنبر:
'إن بني هشام بن مغيرة استأذنوني في أن يُنكحوا ابنتهم من عليّ بن أبي طالب، فلا آذن, ثم لا آذن, ثم لا آذن إلا أن يريد ابن أبي طالب أن يُطلق ابنتي وينكح ابنتهم, فإنما ابنتي بضعة مني يريبني ما أرابها ويؤذيني ما آذاها' وفي رواية: 'إن فاطمة مني وأنا أخاف أن تُفتن في دينها' ثم ذكر صهرًا له من بني عبد شمس فأثنى عليه في مصاهرته إياه فأحسن قال: 'حدثني فصدقني ووعدني فوفّى لي, وإني لست أحرم حلالاً, ولا أحل حرامًا, ولكن والله لا تجتمع بنت رسول الله وبنت عدو الله في مكان واحدٍ أبداً'
قال ابن القيم رحمه الله: فتضمن هذا الحكم أمورًا: 'أن الرجل إذا اشترط لزوجته ألا يتزوج عليها لزمه الوفاء بالشرط، ومتى تزوج عليها فلها الفسخ، ووجه تضمن الحديث لذلك أنه صلى الله عليه وسلم أخبر أن ذلك يؤذي فاطمة ويريبها، وأنه يؤذيه صلى الله عليه وسلم ويريبه' .
'إن بني هشام بن مغيرة استأذنوني في أن يُنكحوا ابنتهم من عليّ بن أبي طالب، فلا آذن, ثم لا آذن, ثم لا آذن إلا أن يريد ابن أبي طالب أن يُطلق ابنتي وينكح ابنتهم, فإنما ابنتي بضعة مني يريبني ما أرابها ويؤذيني ما آذاها' وفي رواية: 'إن فاطمة مني وأنا أخاف أن تُفتن في دينها' ثم ذكر صهرًا له من بني عبد شمس فأثنى عليه في مصاهرته إياه فأحسن قال: 'حدثني فصدقني ووعدني فوفّى لي, وإني لست أحرم حلالاً, ولا أحل حرامًا, ولكن والله لا تجتمع بنت رسول الله وبنت عدو الله في مكان واحدٍ أبداً'
قال ابن القيم رحمه الله: فتضمن هذا الحكم أمورًا: 'أن الرجل إذا اشترط لزوجته ألا يتزوج عليها لزمه الوفاء بالشرط، ومتى تزوج عليها فلها الفسخ، ووجه تضمن الحديث لذلك أنه صلى الله عليه وسلم أخبر أن ذلك يؤذي فاطمة ويريبها، وأنه يؤذيه صلى الله عليه وسلم ويريبه' .
طبعا الحديث و الحادثه لها شرح طويل و غيره .. لكن اللي نفهمه ان فاطمة بنت الرسول عليه السلام رفضت ان لي بن ابي طالب رضي الله عنه يتزوج عليها و شكت للرسول عليه السلام و رفض و اخذ موقف من هالشي ! مع ان شي حلال و مباح و الرسول عليه السلام بنفسه مسويه ..
يعني رفض المرأه ان ريلها بتزوج عليها و تخيره بين الطلاق او البقاء عليها بروحها حق مشروع مباح للمرأه !
ليش ينقدون الحين على الحرمه اللي ترفض ان زوجها يهدم بيتها !!
ليش يجبرون الحرمه على أن ترضى بنصف رجل بحجه ان هذا شرع الله و حق مشروع و مباح له !!
شاللي يدفع الريال يتزوج من حرمه ثانيه اذا مرته مو مقصره بشي و عايش حياة مستقره معاها ! خطين تحت مو مقصره و حياة مستقره!
أنانية؟ عنتره؟
اللي يرفع الضغط لي قال تطبيق لسنه الرسول عليه السلام ! ياااااااااااريال روح طبق سنته عليه السلام في اشياء ثانيه يات على الزواج بالله؟؟ تلقاه يتسحب تسحب للصلاة و الصبح يصليها قبل الدوام و المسيد ما يعرفه الا من يمعه لي يمعه و يسوي بلاوي و آآآآآل أيه بيتزوج ثانيه عشان يطبق السنه !!
الرسول عليه السلام ما تزوج على السيدة خديجه رضي الله عنها .. ليش؟ احتراما و حبا لها و تقديرا لمشاعرها .. هل هذي مو سنه الرسول عليه السلام؟
الرسول عليه السلام رفض لعلي يتزوح على السيده فاطمة تقديرا لمشاعرها و خيره بين الزواج بثانيه و الطلاق انو البقاء على فاطمة هل هذي مو سنه الرسول عليه السلام؟
و الا السنه على كيفكم تفصلونها ؟
الأدهى و الأمر اللي هابين لها هاليومين فيه .. يتزوح ثانيه و ثالثه للقضاء على العنوسه .. مادري شقول الصراحه !! الحين القضاء على العنوسه يا عنتر زمانك يا المصلح الاجتماعي ما يات الا على خراب بيتك و جرح مرتك ؟
هالشباب اللي يوصلون لي 30 و 40 ما تزوجوا مو أولى يحلون مشكله العنوسه !
المطلقين و الارامل اللي مقعدين بدون حريم خل يتزوجون !!
سهلوا على الشباب الزواج و يسروه لهم و زوجوا شبابكم بسن صغير و اقضوا على العنوسه
الواحد يلعب و يشبع و لي شيب صار قال بتزوج ! لا و ابيها صغيره و فيها و فيها و شروط مالها اول و لا تالي
عدلوا هذيل خل يتزوجوون!
مو تيون على المتزوج و تقولون له هين مرتك و تزوج عليها للقضاء على العنوسه ! شهالحجي شهالعبوا !
و اللي يقول عدد النساء اكثر من الرجال .. روحوا زوجوا الشباب و العزوبيه و المطلقين و الارامل و هاللي يتزوجن لنا من برا و اذا زوادوا حريم يبون يتزوجون يصير خير زين؟
و على فكره اخر احصائيه بالكويت العدد متقارب جدا جدا بين الكويتيات و الكويتين ..
أناني انت يا رجل ! تبي تشبع غرورك و تعيش عيشه شهريار على حساب هالحرمه المسكينه .. و اعذارك اقبح من ذنبك
خاصة اذا المره سنعه و مامنها قصور!
ياريت كل ريال يفكر يتزوج على مرته لمده 10 دقايق بس يحط نفسه مكانها .. و ان اهيه قايلتله بتزوح عليك .. و ابي اغير !
شبيصير فيك !!
اللي يسمع يقول اني متزوجه و ريلي بيتزوج او متزوج علي : مو متزوجه بس الموضوع بحد ذاته يرفع ضغطي :S
و ما اقول الا
اليـوم لـك ثانـي مـع راحـة البـال ................وانا بعـد همـي لـه اليـوم ثانـي..
اليـوم تاركنـي انـاظـر بـالاطـلال ................صورة,, رساله ,,حلم ,,جرح واماني !
ليلـي قضيتـه بيـن هـمٍ وغـربـال ...............واقول فـي نفسـي حبيبـي نسانـي!!
غنيت انا عقبـك مـن الضيـق مـوال ..............يومك تسمـع للطـرب والاغانـي!!
.. لي دمعةٍ من فـوق الاوجـان تختـال .............يومـك تلاعـب مترفـات المبانـي
.. وبـي عبـرة منهـا المخاليـق تهتـال .............ياعبرتـي لاتفضحينـي عشـانـي!
: ياعبرتي خلـي لـك الصـدر منـزال .............لاهوب بـك داري ولاهـوب عانـي!!
مشغول لـه فـي ترفـة حالهـا حـال ..............ماهوب فاضـي لعبرتـي او جنانـي!!
في يوم واحـد نستـه كـل الامـال!! .............وش عاد لو يـدري بشـوق غشانـي؟؟
ماهوب مثل اول هـذاك الغـلا زال!! ............عزاه كيـف الـود زال بثوانـي؟؟؟؟؟؟
اربع سنيـنٍ طـوال ياكيـف تنـزال؟؟ ...........وتحط في قلبك هنـوف مكانـي؟؟!!
.. ماكنت اظنـك تجحـد الـود لا طـال! ..............اثرك علـى طريـف وتبينـي اعانـي!
قـد قالـوا ان البعـد والصـد قـتـال ...............وانـا اشهـد انـه علـة بالمحانـي!!
يومي اشوفك لابس بشـت وعقـال!!!! ..........والشـارب الاسـود وزول سبانـي
.. وعروستك من الحيـا ترخـي الشـال: ...........( وترسل لهـا بسمـه تزيـد امتحانـي
دمعي بلا علمي على وجنتي سـال!!!! ..........اشتقت لـك ليتـك تحـس بحنانـي
.. ليتك تشوف الحـال يامتلـف الحـال!! ............بس التفت لـي شـوف شالله بلانـي
.. نصيتها تضحـك لهـا لاهـيٍ سـال،، .............واقـول ياليتـه حبيبـي نصـانـي!!
: (الله يادنيـا التعـاسـه والاهــوال،، .............الله يستـر وش يخـبـي زمـانـي
.. غلطانه اللـي تعشـق اليـوم رجـال: ...........(مهمـا حلـف بالـود يبقـى انانـي
.. وقلب الرجل مابه من الحـب مثقـال!! ..........والبنـت ترفـه قلبـهـا مايـدانـي
: حاولت اعبر والقلم فـي يـدي مـال،، ............من هـول مابـي انعقـد بـي لسانـي
24 comments:
مساء الخير بيتين شدوني :
غلطانه اللـي تعشـق اليـوم رجـال
مهمـا حلـف بالـود يبقـى انانـي
انا اقول :
غلطان اللي ياخذ المرة بدون عقال
تفلت الامور منه ويلخبط العجيني
العقل للمرة زينة وهو حشمة للرجال
يطوف بكيفه اذا اشتهى بدون انيني
وسعي صدرج ولا تشيلين الماي بغربال
الناس اجناس ومو كل رجال يعيني
ناس توقف مع راعي الخير دامه بتال
وناس تخلي الاصيل وتعطيه الفرد والثنيني
وناس للناس اعداء ومشاكل وقتال
وناس تعطي ما درت شمال عن يميني
الكل بالكل والله بالناس عدال
وان جت على المخلوق تراه ظالم ويهيني
الحكمة خذوها من صافي الخلق نظيف المال
ما خذوها من تشمت بالاصيل وطرد الزيني
واخرتها يا خوج السموحة من الكلام والامثال
اللي بالقلب ما طلعه الا قاسي السنيني
بوصالح
أنا دايمان اسمع كلمة القضاء على العنوسة... بس أول مرة أسمع الرياييل اللي أعمارهم 30 الى 40 خلوهم يقضون على العنوسة هيهيهي اعجبتني
:P
bo_sale7
صح لسانك .. ابياتك فيها شي من الصحه .. لكن العقال ما ينفع .. و لو خليت خربت .. لكن هذا الوضع الغالب للاسف :|
the simper
طبعا 30-40 و ليلحين اعزب مو بو عيال و عنده بيت و مره :P
فعلا صح كلامج
موضوعج وايد حلو
والله شي يحر و يحز بالنفس
احنا بشر من لحم و دم
و اذا المرا مو مقصره
ليش يجازي نعمه الله بالنكران
the simper
fik shadda etfech 3 or 4 byooooot !!!!??
موضوعج عجيييب....:)
احسج بردتي قلبج وليلحين فيج حجي لوووول
انا مع الزواج الثاني لكن بشرط ان يعدل بين الثنتين وهالشيء طبعا مستحيل يصير في زمانا وان صار يكون نادر او الاثنين ميانين لوووووووووول
سالفة اللي اعمارهم 30 - 40 سنه والله صدقتي يبطون جبدي والله لي اشبعوا والعبوا قالوا يلا نبي نتزوج ...لا ونبيها صغيره وعلى كيف كيفهم لا قلتيله ليش؟؟؟ يقولج لانها صغيرة ودلوعه واقدر اقلبها يمين ويسار على كيفي على بونه يربيها على ايده اقول بس مالت عالباميه بسسسسسسس !!
يعطيج العافيه...:)
mulan
ee walla :S walaw inni ma fahamt ur last part :P
lawyer
selfish they never thought of us kil ili hamhum 7alalna kaifna :S
Q8ya
tara intay iili eb teb6again !! haw shako zawaj thane itha mo imgassera ilmara shako haaaaa?
:|
كل اللي اقوله .ز واللي قلت كل اللي ابي اقوله
صح لسانك
بس ابس ارد على كويتيه لانها اختي
هههههههههههههههههه
ترضين انه يتزوج وحده ثانيه عليج
لا لا لا لا لا لا لا لا لا لا
انتي مو اختي
هههههههههههههههههههههههه
انا دايما اقول .انفصل عن زوجي واحسن انه يتزوج علي وعناته ان انا مو كافيه له ومو تارسه عينه
تحياتي لج
smile
حضورج الكافي :d
ماعليج منها لي صارت الصجيه بتقوم الدنيا تقعدها :|
و بالنسبه لردة فعلج بالضبط هذا اللي ممكن اسويه الله لا يبلانا
اندمجت ..عورتي قلبي
صح صح صح معاج باللي تقولينه
شي صعب جدا..
بالنسبة للحديث توني ادري فيه اول مرة يمر علي
وهالناس اللي بتطبق سنة الله ..خلتطبقها باشياء ثانية
والله مو عذر
انا فكرت بردة فعلي..بس ويع الله لا يقوله
اصلا انقلب اكره الريال !!
اللي يفضل غيري علي ما اقعد عنده
وبعد صح هالرياييل خل يفكرون فيها لو انه المرة فكرت تتزوج عليك ..!!؟ شنو ردة فعلك.. واحسبها يا شاطر انه المرة حساسة اكثر وعواطفها اكبر واكثر منك..
اهه سالفة تعور القلب
ياساتر ياساتر يالله صباح الخير
الناس اجناس يا اختي و أصابع ايدج ماهي سوى مو كل الرياييل تزوجو على حريمهم الي مرتاح عمره مل يدور الشقى بيده الا اذا اهو ناقص.ومو كل الرياييل ناقصه تذكري يااختي انه عندج ابو و اخو وانشاءالله ريل و ولد وخصوصا الولد اهتمي بتربيته على الخلق الحسن لان التربيه اساسيه وكوني له قدوه. عبالج زواج من الثنتين راحه؟ غلطان الي يقول اي والله لايخلونه مثل كرة التنس مايدري وين الله قاطه ي ومو كل زواج خساره بالعكس وايد الي مرتاحين وراضين بالزوجه الوحده ولا يفكرون بالثانيه فلاتكونين قاسيه على الرجال لان مو كل الرجال سوى
ماقول الا الطييب مع الطيب تجاره والطييب مع الردي خساره
kitty
اي والله خنت حيلي انا:|
هذا انا و ما تزوجت الله يعين لو عندي ريل الله يعينيه!
يالله حيه :|
Alather
يا هلا و غلا نورتي
اي والله ياريت يحسون!
Ensan basee6
اكيد طبعا مو الكل .. لو خليت خربت .. و الخير في أمتي الى يوم القيامة
اانا اتكلم عن فئه غالبه هالايام و ظاهره منتشره بشكل فظيع مع الاسف الشديد
لكن لازال في فئه فيهم الخير ان شاء الله
ماقول الا الطييب مع الطيب تجاره والطييب مع الردي خساره
صح لسانك :)
شمالله هاللغوه..شحقه عوار هالراس..اذا انت عندك خير والله مرهي عليك وعندك طاقة حُصانية تبي تطيرها يبا ماكو مشكله
بس اذا انت منتف ولاحالتك الا معاشك يبا لاتفتح عليك بيبان مسكره..وتتلف معاك بنت الناس وتحوسها حوس..
Krakatoa
ee walla ee walla
meen besam3 bas
7ayyak allah
نسبة الحريم الى الرياييل بالمجتمع 3 الى 1 يعنى لا يمكن كل ريال يتزوج مرة وحدة وتنتهى العنوسة اذا فى بالج هالشى
وعلي بن ابى طالب كان متزوج غير
فاطمة بنت الرسول عليه الصلاة والسلام
وعند اولاد منهم
لكن يمكن المسألة كانت مسألة نسب
الزبدة يا عزيزتى
لا تفهوون مسائل موجودة بالشرع بسبب امور شخصية واجتماعية الواحد ما يقدر يتقبلها
وانا قلتها من قبل
لو المرة بايدها تتزوج اربع جان طلقت كل يوم اربع واتزوجت كل يوم اربعه غيرهم
والسبب عدم سيطرتها على المواقف بسبب عاطفيتها
بردتي قلبي
ورد ورد ياربي اتحجين انتي مو كلاام ينكتب
:*
الله سبحانه يقول
ى فانكحوا ما طاب لكم من النساء مثنى وثلاث ورباع، فان خفتم ألا تعدلوا فواحدة أو ما ملكت ايمانكم ذلك أدنى ألا تعولو
صدق الله العظيم
بس البعض ياخذ من الدين إللي يعجبه
ولا ياخذلج الكلام ناقص
او يحرفون بالمعنى
mishari
علي بن ابي طالب تزوج و انجب بعد وفاة فاطمة مو بحياتها
و الحديث صحيح و الرسول عليه السلام رفض زواج علي على فطامه بحايتها ابدا
بالنسبه لاقحام الشرع في الحياة الاجتماعيه الشرع في كل شي في حياتنا
و مشكله العنوسه مو حلها باني اخرب بيت وحده عشان الثانيه تتزوج!!!
في رياييل عزابيه شكثرهم خل يحلونها اهمه
انا اتكلم عن الوضع الحالي في مجتمعنا احنا مالي شغل بغيرنا او في ازمان ثانيه
حياك الله
نون النساء
هلا و غلا :D
اي يمشون كل شي على هواهم و اللي ببالهم !! آآآل ايه آل سنه الرسول عليه السلام و اهوه المسيد ما يدله !
نورتي
وااي مشكورة عطيتيني معلومة
كانت ناقصة جدااا جدااا
زواج علي بن ابي طالب
:)))
هالقصيدة تطحن القلب طحاااااان معبرة
جان قرتها له جود يفهم احساسها
اااااااه يا قلبي زمن
ايه
ذكرتيني بمسلسل الحج متولي
ما عليه بس بطق رصيف و أدخل
wrong side
علشان أقولج
مبروك على الـ
New Look
عجبتني حركة علم الكويت
بس ناقصج بنر سنع
و تكمل الكشخة
^_*
a7La eNG
هلا و غلا .. ايي والله تعور القلب شتسوي بعد نصيبها :|
حياج الله
عاجل
الله يكافينا شره و شر ربعه :P
78o8eYa
ههههههههه طحتي علي و انا اخبص :| عفست الشكل فوق تحت و ما عرفت ارجعه بالموت تعدل ههههه و البنر بالطريج بس اي كلام :|
موضوع يحر بصراحة ويقث
ما ينرفزوني الا اللي يبون يسوون نفسهم خوش ناس و يبون يسوون شي لخدمة الانسانية
واهوه اصلا مع اهله ما يتعامل على هالاساس
رياييل ما يستحون بصراحة
مادري شلون يرضون يسوون جذي بوحدة تحملتهم وخدمتهم و ريحتهم
والعذر اسخف من السخافة
يا يبي يسوي عمل خير
يا يبي يقضي عالعنوسة
يا ان البنت شكلها يكسر الخاطر بدون ريل
يا ان يبي وحدة تساعد مرته
مادري يقصون على منو بالضبط
pearl
على انفسهم :| على شبهخ الضمير اللي داخلهم :|
يالله لا تبلينا
حياج الله
معاج في كلمة قلتيها تقريبا
ولكن أحب اركز ان العبرة من الموضوع أن البنت تتعلم كيف تختار وعلى اي اساس توافق او ترفض الخاطب .. او تترك العاطفة وسوالف الافلام على جنب .. وما تنخدع بمظهر الرجال وشكل الرجل وسيارته وكشخته وفلوسه واسمه و اسلوبه. لازم البنت تتعلم شلون تكشف معدن الرجل وتقيمه .
Expatriate
ya hala walla 7ayyak allah
6ab3an ilwa7da lazim etshoof iljawhar before ilmanthar o 6ab3an ilahal too
Post a Comment