السلام عليكم
بعد المآسي في البوست اللي طاف و التهديدات اللي ياتني :P
.. قلت اكتب بوست خفيف
أول شي أحب اقدم لكم صديقتي
Desert Fragrance
اللي انظمت لعالم البلوقات مؤخرا
و طبعا كاتبه في بوستها الأول شلون صارت بلوقر .. و الصديقه النحيسه اللي مارضت تعطيها بلوقها اهيه انا طبعا
البنت موصلتني السما .. عيزت اقنعها اني
Not perfect as she thinks
و مع ان علاقتنا داشه في السنه الثالثة الآن تقريبا
الا انها لا زالت على عماها :P
ابرك
طبعا قصة صداقتي مع هالبنت من أغرب قصص صداقاتي لو تسمح لي بقولها بالتفصيل الممل بس ادري مستحيل بترضا :P
المهم هذا أول بوست لها اللي في اجابة على سؤال بوست اليوم .. و من العيله عقبه بدقيقتين نزلت بوست ثاني هههه
-----------------------
بالنسبه لي انا
How did i become a blogger ..
في ليله من ليالي رمضان المنصرم .. و بعد الأفطار و التراويح .. كنت اقرق بالتلفون و اللي على تلفون كانوا يكلموني عن "بيت ديما" .. السالفة كانت قاهرتني و باطة جبدي و مفورة دمي ..
but i was acting as if i dont care
فردودي كانت .. ايه .. لا .. اها ..
و كنت اطقطق بأي شي يمي افرغ شحنتي هههه .. كنت فاجه قوقل عاد .. جان أكتب .. بيت ديما !
فجوا قوقل و كتبوا بيت ديما شوفوا بلوق منو اللي يطلع لكم أول شي .. ! ههههه كان يطلع رقم واحد بالنتايج الحين الثاني
بلوق لووووير !
دشيت اقرا .. سكرت التلفون على بو انه احد ناداني و انا لا احد ناداني و لا شي .. اندمجت بالبلوق !
و اقعد عاد اجاااابله كله .. هههه ما بقا بوست ما قريته .. كله ورا بعض .. اللي شدني في بلوقها العفويه طبعا و الصراحه و الاسلوب و كل شي .. بس شي ثاني
it was that we have things in common in a weird way hehehe
so
قمت اتابع .. و من بلوق لي بلوق اقرالهم لما تشجعت افتح بلوق عشان اعلق و اذا نزل الالهام جود اكتب .. و صارت
قبل هالسالفة كنت اعرف البلوقات .. مثل بلوق عذوب و حمدان و الصفاة و ماد .. بس ما كانت تشدني السالفة مادري شتغير فجأه ..
so ..
How did u become a blogger?
40 comments:
mmm .. i became a blogger 3an 6areeq my bestfriend "NuNu-The One"
this is how i beacame a blogger ..
o salamatkum :P
loooool cute post!!!! hahah 7ady indemajt fil maw'9oo3 ;)
I became a blogger after I kept visiting blogs and commenting..bloggers kept asking me if I had my own blog, so I guess that made me running in the blogging business.
I'm semi-addicted to it now :)
ana allah esalmich bedayat'ha kan okhooiiyy ya36eeni mwatheee3 seyaseya wegreeeeehum wo ana kilissh mo hal style LOL fa aroo7 agraa waroo7 seda elcomments
wo kil ma7a6ait 3la wa7id ham seyasiii lamma shway shwayyyy legait fe nas yaktebooon mawathee3 baraneya:P kayaft 3al wath3 lamma shway shwayyyyy wo feta7t my own blog;)
همم سنة 2004..كنت بامريكا مع ام العيال وكانت رحلتنا طويلة حبتين
ووقتها ماكو الا الانترنت مسليني اشوف اخبار الكويت
عاد بالصدفة دشيت على موقع ماد ام وكان بلوق..عجبتني الحركة شي يديد واحسن من المنتديات..وسويتلي بلوغ وتميت فيه فترة وإنقطعت ورديت مره اخرى
خوش سؤال ..
دشيت عالم البلوق شهر ديسمبر 2006 .. كنت أكتب في منتديات و أشرفت على منتدى .. شفت السالفة صعبة و لازم أتابع وايد .. فقلت بجرب البلوقر لاني أسمع فيه من زمان بس ما يشدني .. مع اني دشيت جم مرة لبلوقات و قريت منهم مواضيع لكن ما شدني .. ما أدري شنو اللي خلاني أدش و أسويلي بلوق خاص فيني ..
الفكرة يت بعد ما دشيت عالم التصوير و دشيت فلكر
www.flickr.com
كانت الفكرة من البلوق .. ان الصور اللي أحطهم في فلكر .. ساعات تحتاج أكتب عن صورة معينة موضوع كامل و القصة الي خلتني ألتقط هالصورة .. و أكتب مواضيع أوثقها بصوري فقط .. و هذي هي :)
وييييي نسيتج و رحت علقت عند رفيجتج هههههه
اييييي عفيه
هذه المواضيع الشرحه الخفيفه الظريفه اللطيفه اللي تشرح الصدر
انا اكتشفت عالم المدونات من خلال صديقتي العزيزه رفليكشن
رفلكشين قامت تحوووس بين المدونات تقرا اللي يعجبها و تعطينا اللينك نقرا
اول بوست قريته كان حق ريمااا
ثاني بوست لويررر
و تميت على ريما و لوير و ادمنت عليهم ادمااااااااااان
و اكتشفت حبيبة قلبي كيتيييييي والله حدييييي فاقدتهااااااا
الله وكيلج شطبت على بوستاتهم كلللللللللللهااااااااا
من اول بوست الى اخر بوست
كنا انا و رفلكشن نعلق باسماء مستعاره (ام خماس و ام سلوم )
ههههههه
و عقب رمضان قررنا نفتح بلوق حق كل واحده.. اول وحده سنوفليك و انا عقب و لحقتنا رفلكشن و عشتو
و الله بيني و بينج ما كنت متحمسه
ولا شدني الموضوع
كنت متحمسه للقراءة و التعليق بس
ماكو شي اكتبه
بس سنوووو حبيبتي شجعتني
و الحمدالله الله فتحها علي و الالهام نزل
وما زال البلوق مستمر حتى اشعار اخر
هههههههه
صورة في احد المنتديات
كانت لنائب من نوابنا
لاعبين فيها وكان راكب سيكل هارلي
تتبعت اللينك اللي كان على الصورة
وترارارارااام
قعدت اقرا وصارت مثل شبكة العنكبوت مدونة اتودي للثانية
فا كانت أول مدونة لي
فيلجا
وحاليا نون
Honey™
Allah eysalmich wit3esheen :D nawwarty .. chan 3a6eetina link blog nunu :)
------------
..g..
hehehehe glad u liked it ..
i liked "semi-addicted" heheh
7ayyach allah
----------
shakshaka
hehehehe aham shay inich ma tegrain ilmawtho3 bas tigrain il comments!
mafahamt shino baraneya :s as outta seyasa?
-----------------
Krakatoa
صح وايد احسن من المنتديات .. و يلا من حظنا صارت رحله امريكا و الملل عشان تتحفنا ببلوقك :)
Ghasheema
wow u were anti-internet! lol
trips has alot to do with blogging althaher hehe
dont forget to give us ur husband's blog soon inshalla ;)
-----------------
Kuw_Son
نفس تاريخي تقريبا .. منتديات و إشراف .. بعدين تفضيل البلوق
ثانكيو فليكر دلاك لنا :)
--------------
Purplecious
أفاااااااااا انا تنسيني .. انا مخففه الجرعات عشانج
ماكانش العشم :P
ان شاء الله يتم بلوقج على طول بلا اشعارات و لا غيره
--------------
نون النساء
اوه كان في بلوق قبل نون يعني
وينه؟
موجود و الا ذهب مع الريح؟
وااو
طلع اسسسسسسسمي
طلللللللللللع
كشششششششخه انااااااا حدي
كشششششخت
هههههههههههههههه
هههههههههههههههههه
انا كنت في الدوام و تعطيني رفيجتي لنك
حناحينو بلوج
و تعليقاتهم
و كانت تقولي ترا الي احلى من المكتوب تعليقات الناس
كل شوي سوي ريفرش
و اقرا الكومنت
و شوي شوي قمت احووس
تالي قررت افتح
و اكتب
لان انا جذي جذي في لاب توبي عندي فايل كامل كلا قصص
و كلا كولمز
لاني من كنت صغيره و انا اكتب
امي تكتب
خوالي كلهم يكتبون بس في الجرايد
مو في النت
خالي الصغير عنده موقع كامل في الدعوه الاسلاميه باالغات الاجنيه
صج فرق ههههههههههههه
فالظاهر هوايه الكتابه يارتها من خوالي :))
Hehhehe Nice story .. :) ..
Hmmmmm, about me .. someone i knew gave me her blog address fa kent agralaha Bestemraar o0 kent motabi3 jayid laha .. then e3jebatny el fekra cuz ana ensana wayid AKBET .. o0 sometimes ma a7ib akteb eb my diaries cuz akhaf et6ee7 eb eed a7ad maly khelg seeen jeeem .. fa gelt yuba afta7 ly BLOG as a diary o0 ham web site kha9 feney :) ..
That's all .. ;)
اول ما فتح ماد م بلوقه
سويت أكاونت
و طنشت
لما جانا اخونا بو طارق
Krakatoa
وقعد اخذ اخباره وووو
و ماكو الا يو ميين وانا مسوي البلوق
و كل يوم ضغط انا و Krakatoa
كل اشوي مغيير بشكل البلوق و احط جرافيكس
و اهو مادري شنو يسوي
كانت حلوة
و اشوي اشوي
صار لنا ربع مقربين حيل
ونتواصل معاهم
من فتره اشهر علمونا الشباب على البلوقات بدينا بالصفاة و ماد و لي البقيه
كنت اعلق بدون اسم بس اغلب البلوقر سكروا هالخاصية قلت افتح لي اسم بروحي
و هذا اللي صار
والله انتي لازم تغيرين اسمج:P
اقول رفيجتج تدري عنج ولا للحين مصرة
;P
بداياتي .. ماكانت شي
:)
وحدة من البنات دلتني على بلوق وقالت اقريه
ما شدني وايد
سألت عن البلوق وشيطلع واشرحتلي
عقبها فتحت لي واحد وبس كتبت افتتاحية وخليته
عقب مدة بديت افتر بين البلوقات
بديت انزل بوست بوست
وصار بلوقي مكاني
:)
well first i had a xanga and i got it cuz my friend nagged me til i got it, then i met CeCe there but she had a blogger and she wanted me to get one bes i told her il only get it if i close xanga and so as soon as i did i made her make me a blogger and here i am.
cr8ivia eeeh ya3niii barra mwathe3 el seyasa lanna ana moleya malee feehum wo astanis 3al comments lol a7san mn elmawthooo3 nafsa:P
لاااا موجووووود
اتلاقينه بأول القائمة اللي عندي
فيلجا
:P
كنت أدوّر شغله بقوقل ، بالصدفه فتحت على موقع المدونين في الكويت
أثار فضولي ، و قمت أتطمّش
أول بلوق فتحته حيييل حبيته
كان اسلوبه يضحّك
:))
ومن هالبلوق عرفت وااايد بلوقات
أدمنت القراءة دون التعليق
..
شوي
شوي
تملكتني رغبة
الإنضمام
و صرت عضو فعال بهالمجتمع
ولازلت مستمره
..
إلى ما شاء الله
^_*
مبروك لصديقتج ويشرفنا المرور على بلوقها...:)
====
انا اول شيء كنت اسمع عن البلوق من عمتي كانت تحب تقرا وايد ودايما تقرا البلوقات وتسولفلي عن اكثر من بلوق ومن بينهم حناحينوو ومرت الايام وفي يوم كنت قاعده مع اختي
Smile
وتقولي انها سوت لها بلوق وقالت اشرايج تسوين مثلي ...
وصج على طووول سويت لانها تدري فيني احب اكتب واسولف لاني قبل كنت ادش المنتديات وااايد...بس البلوق ريحني اكثر ومن خلاله تعرفت على اصدقاء وااايد ...:)
انا عندي صديق يكتب بس مو وايد
...ويدري اني احب الكتابه ...جم مره يعطيني لنك لبلوق بوست وانا بس كنت اقرى وارجع ورى ...تالي قلت له شلون اعلق ..قعد يعملمني جك بوم ولا بدال ما احط اني ون ..حطيت ساين اب ...قلت يالله خل ايرب ...دشيت ومادري اكتب عن شنو ولا شحقى ولا ليش ...قمت اعلق مني ومناك ...تالي كتبت اول موضوع لي ...وادمنت وسلامتش
اشلون بديت البلوق
؟
من عمتي .. واول شخص كنت اقراله .. حنحينو
انا صراحة عرفت البلووق من اخوي عنده من زمان وانا تخصصي اعلام وكبتو الابداع اللي فيني
ومن زمان ودي اكتب واكتب
واحس نفسي ناقدة لكل شي
فقاللي اخوي سهالة 3خطوات
واو ودشيت وقرقت اشوي
وطلع لقرقتي قراء
ولمن اكتب بوست ارتاح واكون سعيدة بالتعليقات
ومااذكر اول البلوقات اللي قريتها
بس ادري انه من بعد تاثيري القوي طلعت فلم جرل
اندشماندش
دي بي23
هوب
افياء
والمخفي اكثر
:)
الله لايخلينا من البلوق والناس الطيبة اللي تعرفنا عليها من البلوق
كنت بحاجة لمساحة خاصة..لي وحدي .. لي أنا !!
لمـ يساعدني الواقع فاستعنت بالأحلامـ و قررت إن يكون لي عالماً و إن كان بحدود الإنترنت
أبداً ما توقعت أظل كل هالفترة .. أبداً ما توقعت إني أستمر ..كل اللي كنت أبيه " مساحة لهذياني " ..ههه كل من له قصة بهالبلوقر =))))
أنا حديث عهد بالبلوقات
كنت أسمع بها لكن لم أرها
حتى سمعت حوار في إذاعة لندن
عن نمو ظاهرة البلوغات في الوطن العربي
مما أثار فضولي ودخلت شفت
وبنفس الوقت ساعدني أحد الأصدقاء
بتشجيعه لي فكتبت
;)
haw ibecome abloger?
كنت ادخل ع بلوق صديقتي البندري بس ما اعلق ..
حاولت جم مره بس ما نجحت ..
واستمريت اتابع بلوقها وارد عليها بمسج طبعا تقولي علقي .. ع البلوق ..
واقترحت جم مره علي اني افتح بلوق كنت اعتذر اني مشغوله وايد وعندي كتابات كثيره بمنتديات ..
ومره حبيت افرحها ففتحت بلوق عشان اعلق ع بوستاتها ..
وووووووووووووووو بس حسيت اني اكتب في بلوقي احسن من الكتابه في المنتديات ..
لان ما فيها قيود ..
وتوته توته خلصت الحتوته
أنا بصراحة لا أدري كيف صرت مدونا عظيما يعلق في مدونتي باليوم الواحد أكثر من مئة مدون ومئتي مدونة، يعني قمت أتحدى مدونتج، اللهم لا حسد
:)
طبعا أنا أتغشمر، والله يبارك فيج وفي مدونتج، فمدونتك من المدونات التي يجب أن أقرأ كل جديد فيها
موضوع حلو والردود ممتعه
:)
بالنسبه لي كنت اتابع بلوقات معينه بدون التعليق عليهم.. منهم بلوبوز، استكانه، ابريز.. وغيرها
بعد فتره سويتلي بلوق.. مع ان بالفتره الاولى حسيت اني طخيت ومالقيت نفسي بالبلوق لاني كنت بين منتديات وبين البلوق.. بس بالاخير لقيت ان متعتي اكثر بالبلوق كونه مكان خاص فيني انا، لاتزال لي مشاركات بالمنتديات بس قليل
lawyer
لا لا لا .. انا برسل كتاب شكر خاص لحناحينو :)
اتحفينا بالموقع و يبيلنا الفولدر هذا
-----------------
Breeze
thanks to her walla khaltna inta3arf 3alaich ;)
---------------------
enter-q8
اول شي نورت البلوق بأول تعليق لك و ان شاء الله مو الاخير :)
ماد م له الفضل بكثير من فطاحلة البلوقات شكله !
-------------
mudhaf
ليش اغير اسمي :|
ماد م و الصفاة مره ثانيه لا لا يبيلهم خطاب شكر رسمي
-------------
alather
لا ليلحين ما تدري ههههه .. :|
و ان شاء الله تتحفينا ببوستاج
for good :)
do0da
shino xnanja hatha :s awwal marra asma3 feeh!
ashwa inik hadaita o yeetna :P
---------------
shakhsha
hehehe laboda 3ad min shaye'n mina ilseyasa !
---------------
نون النساء
انا اشوف اللي كاتب هناك اسمه بو طارق :|
حسته حوس امس
---------------
78o8eYa
ههههههههه بدايتج نفس بدايتي
السيد قوقل المحترم
للأبد ان شاااء الله
---------------
Q8ya
الله يبارك فج و تسلمين والله
عمتج لها بلوق؟
وينه
و ثانكس لعمتج و سمايل ;)
3ateeja
شكر خاص للصديق اللي ماعطيتينا بلوقة :)
و الحمدلله انج رعصتي على سان اب ;)
---------------
smile
حناحينو دخل وايد ناس والله
و شكرا لعمتج
--------------
albandry
مشكور لأخوج شكر خاص .. و عطينا عاد بلوقة :)
و هم شكر لج على اللي يريتيهم وياج
----------------
KeChie-ChaN
الحمدلله عجبتج السالفة و يالله انها دوووم :)
تتحفينا بهذيانج
-----------------
لطيف
أول شخص يدخل عالم البلوقات عن طريق اذاعه!
حياك الله و شكرا اذاعه لندن :)
afyaa2
ههههههههههه حلوة سالفة الكومنت بالمسج!
نشكر البندري صراحه :)
---------------
Saakhir
انا اشهد انك مدون عظيم ! استمتع بقراءه بوستاتج من الاف الى الياء :)
و اخجلتونا والله
----------------
Nescafé
صح اول شي تحسبن مالج سالفة بعدين كل شي يطلع :d
hii there..
simply, a friend asked me to visit his blog, i didnt even know what that was!!
since i write poems, i thought why not publish them in a blog :D
best of luck to all bloggers..
To challange some losers :P
reem
welcome in :)
7ayyach Allah o happy to see u here and visit ur blog :)
-------------
zizotime
and ofcourse u won ;)
قوة شخباركم شعلومكم انشاءالله طيبين تدرون اني مادري شسالفته هاذي ا لشي الي انه داشته بس جذي رزيت ويهي انشاءالله معى الايام ادري شنو سالفته ههههههههههههههههه
Great work.
[url=http://www.23planet.com]online casino[/url], also known as accepted casinos or Internet casinos, are online versions of celebrated ("buddy and mortar") casinos. Online casinos capitalize gamblers to make believe and wager on casino games with the grant-money the Internet.
Online casinos superficially around make intelligible on the ridicule heinous odds and payback percentages that are comparable to land-based casinos. Some online casinos signify on higher payback percentages payment performance gismo games, and some mutate known payout smashed similar audits on their websites. Assuming that the online casino is using an fittingly programmed unsystematically hundred generator, room games like blackjack clothed an established edifice edge. The payout measure voyage of finding of these games are established wind up to the rules of the game.
Numerous online casinos sublease or sense of foreboding their software from companies like Microgaming, Realtime Gaming, Playtech, Cosmopolitan Pull the wool over someone's eyes Technology and CryptoLogic Inc.
Post a Comment