أعجبتني

سولفت للغيم بعض اللي تحملته

لجت بروقه بصدره.. ضيق من حالي

قلت القليل وكثير اهملت ما قلته

واشوفه ارخى جفونه يبكي قبالي

هذا وانا راحمه ومطوف اسئلته

وشلون لو جبت قصة همي بالتالي

-----------

اضحـك واداري عباد الله واجاملهـا

والله علـى نعمـة الكتمـان قـاردني

دورت بالخلق ؟ ضايعهـا وعاقلهـا

ولا لقيت اللي لامـن تهـت يرشدنـي

حتى اللي ! بديته مـن الناس بأكملهـا

راح وغدربي ؟ ولاكـنه معاهـدنـي

مافيه احـد يحفـظ العشـره ويبجلها؟

هـذي الحقيقـه..وشكـي مايراودنـي

-----------

لا تجادلنا تصنعت الغضـب

ماتبي تسمع حقيقة لك تبان

دايم باللوم تلهبني لهب

تكتم احساسي وتسلبني الأمان

كنت أبيك العون صرت أبو لهـب

يا كفاني الله شرك والزمان

-----------


يا معمر الدنيا عمارك خرايب

محدن ورث جدرانها غير الأيام

العمر شده والليالي ركايب

والرمل يمحي الرمل والموت قدام

-----------

ياصاحبي في خاطري اسألك شي

شي ٍ معكرّ كل صافي حياتي

ان كان انا مدري بغلاتي وانا حي

وش مكسبي كانك حزنت بوفاتي؟

-----------

بعض الفرح يا صاحبي باطنه هم

وبعض الهموم افراح لو هي حزينة

-----------

بقوات عينه قاللي لا تضمنيني

قلبي ينسى لو ثواني تهملينه

خان اول ما غفت بالنوم عيني

سيده ما كذب خبر ولد اللذين

اليت كان الحب شي بيديني

كان ماحطيت قلبي في ايدينه

وليت ما ضيعت في حبه سنيني

ولا وثقت الين ما ضيع حنينه

ايه يا نفسي عن الرجل اسأليني

صدق ما غير التراب يسد عينه

-----------

لولا المعزه جبت عاليك واطيك

أركد حبيبي لاتغرك غلاتك

-----------

الحال في غيبتك تصعب على الكافر

لو قلت لي إشلون!؟ أقول الله من الضيقه

القلب مسكين عقبك يكسر الخاطر

يارب وشلون شالنه معاليقه

سافرت عني وعقلي ودع وسافر

لو شفت غصن الحشا عقبك نشف ريقه

-----------

الى متى وانا أوقد النار بالنار

مليت من عظم ارتكاب المعاصي

-----------

يمين الله لاعلمك التحدي كيف

واعلمك القصيد شلون يخضعلي وانا بنيه

واعلمك السما وشلون تمطر والليالي صيف

واعلمك المذاهب الاربع وتبيت النيه

انا بقولها لك جد ترى ماينفع ياحيف

واذا انك انس ياعمي تراني ساس جنيه

انا ماردلك شوري وشوري مثل حده السيف

ليامنه بتر يبتر بوقت السلم والهيه

-----------

لا ترخصين النفس يابنت تكفين

بعض البشر مايستحق الموده

يلعب على كل العذارى بحبلين

والدرك الاسفل يا العزيزه مرده

-----------

تزعل واراضيك واتلذذ بتزعيلك

تبي الصراحه انا مجنون زعلاتك

لاقمت تبعد وانا اقرب وادنيلك

وامسك طرف غترتي وامسح دمعاتك

وتبدي تعاتب وانا كلي انتباهي لك

ماني بيمك انا عيني على شفاتك

-----------

شفت المقفي وربي ما اتبعـه لـو خطوتيـن

و أصبعي وهو أصبعـي لا غدرنـي أقطعـه

و بسألك سـؤال واحـد و الجـواب كلمتيـن

لا صار قدرك والهوى خصمين من تاقف معه

ياخي العزة كرامه و انت دايـم مستهيـن

ياخي ضرسك لا اوجعك بذمتك ما تخلعـه ؟؟

-----------

يابنت كبي عنك واحد مايصلي

تارك عمود الدين مالك وماله

-----------

بعادي هو سبب همك؟

جعل يفدونك الاحباب

تعال وشرهتك عندي

وباب البعد ينسدي

تعال وخل احاسيس الغلا في خافقي تنساب

ترا ما اقدر على بعدك انا احاكيك من جدي

خلاص اليوم ماني حاسبة لاحدن سواك حساب

ماعاد ابعد عن عيونك ولو هالكون ينهدي

خلاص اليوم..لاحيرة..ولا لوعة.. ولا استغراب

انا اتحدى البشر لاجلك ولاجلي انت متحدّي

-----------

ليتني مارحت اقايس قيمتي عند ابدويه

رجعت لي كل عرق حبها والا نهبها

وعلمتني كيف انجح وانتصر وابقى ضحيه

وعلمتني كيف قلبي لو غلبها ما غلبها

وعلمتني يوم صدت عنفوان الاجوديه

ماتلوح للمقفي لو سلبها ما سلبها