طبعا هالايام كل ما دشيت بلوق و الا قريت جريده و الا دشينا في حوار عن الكويت و حال الكويت و تردي الاوضاع في الكويت .. لازم يضرب المثال في دبي .. و شلون صارت دبي و التطور اللي الامارات و و و و ..
ما ننكر ان طفره """عمرانيه""" كبيره صارت في دبي بالذات مو الامارات ككل يعني ..
الكل متحسر على حال الكويت و غابط اهل دبي على ما يحيونه من تطور عمراني و تكنلوجي ..
لكن المتفكر في حال دبي و ما آلت عليه .. صراحه اتمنا الكويت ترد بيوت طين و غوص و و و و لا ان تصير على ما صارت له دبي ..
ذبحتونا بدبي و دبي ! شنو دبي؟ مولات؟ عمارات شاهقه؟ تكنلوجيا مالها داعي؟ سياحه ؟ فنادق خياليه؟ فخامه فاحشه؟ مشاريع حديثه تنفذ بسرعه البرق؟ كانوا يشوفون الكويت جنه مقارنه باللي عندهم و الحين ماله داعي اعلق؟ .. لكن شنو ورا هذا ؟ من بنا هذا ؟
وين روح البلد؟ و عيال البلد؟
صديقه من دبي لي علقت من جم اسبوع و كانت في زياره لبوظبي .. تقول استانست يوووم رحت هناك انشرح صدري ! شفت مواطنين !! شفت دشاااديش ! شفت عبي !
شافت اهل ديرتها ..
تشوفون اماراتي في دبي؟
هذا شي .. شي ثاني البلاوي اللي تصير في دبي .. "عاصمة الدعارة في الشرق الاوسط"
شنو فايده السطح اذا كان يلمع و الجوف فاسد؟
فيلم نوعا ما قديم و انتشر بالنت .. لكن الكثير بعد ما شافوا ..
فيلم واقعي .. صوروة ناس من ارمينيا بالخفاء يصور ما وراء كواليس دبي ..
http://video.google.com/videoplay?docid=-6150836860448657774&pr=goog-sl&hl=en
و ممكن تحميله من نفس الصفحه ..
الفيلم مترجم للانجليزيه ..
يقابلون فيه بنات ليل من دبي ..
شلون وصولوا الى دبي؟
شلون ارغموا على هذا الشغل؟
طبعا بعضهم برضاهم و بعضهم لا
لجوئهم للشرطه؟ الشرطه تعاملها مع الموضوع؟
اماكن مووووووووووبوووووووئه تشيب الراس و تدمع العين عليها من هذا الحال !!!
على 10 دولار ت و 5 دولارت !!! 10 دقايق !
الشرطه تدري .. الامن يدري .. بمباركه الحكومه و حمايتها بالخفاء كل شي يصير !
شوفوا الفيلم .. والله يتصكم روسكم من اللي بتشوفونه ..
بتحمدون ربكم تليون مره على النعمه للي احنا فيها .. يا زين فسادنا زيناه بس
عندما تم ابلاغ السلطات في دبي عن فضايح دبي اللي نشروها موقع
http://hetq..com
كل ما تم عمله هو حجب الموقع لا اكثر و لا اقل
دخول بنات الليل السجن و العودة :
http://hetq.am/eng/society/0612-dubay.html
تجارة الجنس في دبي
http://hetq.am/eng/society/0502-dub-1.html
لقاءات ليليه فدبي !
http://hetq.am/eng/society/0502-dub.html
المحكمه تقف بصفهم
http://hetq.am/eng/society/0507-mar.html
و كثير من البلاوي في الموقع !
نبي نتطور .. نبي مكانة ديرتنا ترد .. بس بايد عيال الديره نرد .. بحبنا حق هالارض .. لا نقعد حاطين ايدنا على خدنا و نطالع عوير و زوير و المنكسر و اللي مافيه خير و نتحسر على حالنا!
حالهم مو احسن من حالنا ..
لازال حالنا الافضل و لله الحمد ..
مدونه اماراتيه مريت عليها من يومين .. عباره اثلجت صدري .. فيديو كويتي حاطه و التعليق "لو كان مواطن عندنا قايل هالكلام جان راح ورا الشمس"
كل ما تم عمله هو حجب الموقع لا اكثر و لا اقل
دخول بنات الليل السجن و العودة :
http://hetq.am/eng/society/0612-dubay.html
تجارة الجنس في دبي
http://hetq.am/eng/society/0502-dub-1.html
لقاءات ليليه فدبي !
http://hetq.am/eng/society/0502-dub.html
المحكمه تقف بصفهم
http://hetq.am/eng/society/0507-mar.html
و كثير من البلاوي في الموقع !
نبي نتطور .. نبي مكانة ديرتنا ترد .. بس بايد عيال الديره نرد .. بحبنا حق هالارض .. لا نقعد حاطين ايدنا على خدنا و نطالع عوير و زوير و المنكسر و اللي مافيه خير و نتحسر على حالنا!
حالهم مو احسن من حالنا ..
لازال حالنا الافضل و لله الحمد ..
مدونه اماراتيه مريت عليها من يومين .. عباره اثلجت صدري .. فيديو كويتي حاطه و التعليق "لو كان مواطن عندنا قايل هالكلام جان راح ورا الشمس"
الزبدة من الموضوع .. نحمد ربنا على ما فينا .. نصلح اخطائنا .. احسن من مجابل دبي و التحسر على حالنا .. حالهم اردى من حالنا بالاف المرات .. شسوي بمول شكبره و الوسخ مالي ديرتي؟ فساد يهز عرش الرحمن .. عندنا خراب و عندنا فساد صح .. لكن ما يوصل ربع قذارة هناك ..
و لا تشوفون قطر و ركضتها .. ايضا ما خفي اعظم !
يكفينا فخر ما وصلنا له و اللي سويناه و مكانتنا اللي كانت
كانت بشرف .. نظافه .. بشغل عيال الديره و حبهم للبلد .. !
اللهم احفظ الكويت و اهلها من نوابها و حثالتها
45 comments:
اللهم احفظ الكويت و اهلها..
احلى شي لما تكون البلد مبنية بسواعد
ابنائها و مواطنيها..
نفس الشعوور يالي اول مرة ارووح دبي
فعلا فساد ودعارة
بس هذا مايمنع ان نتطور مثلهم بالمجالات الزينة ونترك الي مايناسبنا
وشكرا
الحمدالله على كل حال
شوفي احنا لو مو الواسطة
لو مو سياسة التنفيع
لو كل واحد يشتغل عنده ضمير ويحلل معاشه
راح نكون بخير من ناحية التطور
والله لا يبلينا باللي قاعدين نشوفه بدبي
دعارة وخمور و هنود
وكملي الباجي
laish et7asrena lain tekteben mawthoo3? :P
ama 3an salfat Dubai, low mo 2-8-1990 chan lain el7een ga3den eb khaima oo bait sha3ar wel '3aney bait men 6een. ba3dain floos el 7aram ma edoom ('3aseel amwal, da3ara, khomor, etc.).
oo entay ma gasartay baradtay eglobna. theb7ona Dubai oo Dubai.
mo gader a3aber. :P
تكلمتي عن الكويتين كلهم
بس ما همني قالوا عن دبي و الا ذبحونا فيها .. كلش ما يأثر فيني
لاني ارد عليهم .. اوكي بفلووسهم يابوا من يطلع ديرتهم فوووق
بس احنا غير .. الحمدالله
:)
و ندري ان خصوصية الكويت في شعبها
دولة بنوها اهلها على اللي فيها بس هم غير
و هذا اللي ذابح بعض الناس الله يسلمج
و احلى ما فينا .. الثقة
عارفين القصور وين و ديرتنا شنو فيها
غيرنا تووه شاف الدنيا .. قولي كلمة حق ناقدة يدري عنها بعد ..و شوفي العواصف و المنطق الغريب .. و و و و
ما ابي اشرح اكثر عشان ما اجرحهم وعليه
:)
و ان شالله ما احد يفهم كلامج غيرة او حسد لان هابين من احد ينطق قالوا ههه
عليهم بالعافية جانهم متهنين
و كل ديرة فيها نماين و خراب
بس في من يشرعه بلا تشريع
و في من يصيدهم كل يومين و يحطهم بالرأي العام يعني شي احسن من شي
هذا و انا ما ابي اشرح ههههههههه
:* يسلمووو
كلام صحيح و واقعي
الله لا يغير علينا إلا الى الافضل
محمد بن سالم
اللهم امين امين
تسلم صحيح كلامك
----------------
Tresten
صحيح .. نتطور بكيفنا باللي نشوفه صح و مناسب ديرتنا
حياك الله
------------------
Pearl
مافي شي كامل بالدنيا
و ما في مكان يخلو من الفساد و الخراب
لكن خراب عن خراب يفرق وايد
الله يفكنا من نوابنا الخمه و بنكون بالف خير ان شاء الله
NoVeL
heheheh 7aram 3alaik 3ashan ma itmilooni (:
bas i didnt get what do u mean by low ma 2-8-90 chan lil7en uhma bikhyam o ibyot sha3ar? ishdakhal hatha ib hatha?
o sa7e7 asas-hum mo qawi batatan ..sahil il inhiyar ma yasmid ..
hhhehe 7ayyak allah
---------------
a7La eNG
و انا اقرا ردج قاعده اقول ياربي احنا كلنا شلون جذي؟
شلون تفكيرنا يال الكويتين واحد؟
شعورنا واحد؟
نفسسسسسسسسس الشعور و نفس الاحساااااس و الكلام اللي بالقلب قلتيه
صحيح ميزتنا فينا فيناا
غيره على شنو يا خلاف؟
حسد على عفن؟
الله يكافينا الشر بس :|
حيااااج الله
---------------
حسام بن ضرار
اميييين يارب
الله يحفظنا و يحفظ ديرتنا
أختي الفاضلة
تمنيت أن تكونين أكثر عقلانية و أكثر موضوعية عندما تتحدثين عن دولة شقيقة أخرى ..
نحن حينما نتحدث عن الكويت لا نقول عنها الا كل خير ..و للعلم فالكويت ليست مدينة أفلاطون أو دولة لا تشوبهاالضبابية في بعض الامور ..و بامكان ايا كان معرفة ما يجري في الكويت من خلال مجلاتكم و وسائل الاعلام المختلفة
و لكننا نحن لا شأن لنا في سياستكم و ما يجري فيها ان كان من سلبيات او ايجابيات ..علينا فقط بالعلاقة الاخوية التي تربطنا واياكم
أما اذا كان هناك فساد او دمار او ما شابه ذلك من الرذائل فانتم من ستتحملونه و ليس هنا
كما هو الحال عندنا ..ان كنا عاصمة الساقطات و الدعارة و بنات الليل ..فنحن من سنتحمل ذلك ..نحن ابناء هذه البقعة من الارض
و أعلم تماما حينما يضربون المثل بدبي ..فهي تستحق ليس لاني أنتمى اليها و انما لانها استطاعت في فترة وجيزة أن تحدث تغيرات عمرانية و تكنولوجية و تعليمية لأبنائها ..
و أنا اقول لك بان دبي أيضا ليس بمدينة أفلاطونية ..و كل ما على وجه الارض فيه اللون البيضاوي و السوداوي ..و من المستحيل أن يكون ناصع في البياض
بالتالي من يقوم بمبادرات سوداوية او خاطئة "في ذمته و رقبته" صح و لا غلط؟
و كلا ينام على الينب اللي يريحه ..
اذا البعض يضرب لكم المثل في دبي..ترى نحن بعد ننضرب المثل فيكم ..لكن عمرنا ما تهجمنا عليكم بهذه الصورة
هدفنا التعلم من الغير و الاستفادة اذا كنا ناقصين في هاي النقطة ..
يعني باختصار في الرياضة ..الحرية اللي عنكم في التهجم نحن ما نتجرأ ..قد نتهجم و لكن بشكل مقبول ..دون الاشارة لرموز بعينها
و لازلنا و لازلنا نقول باننا لا ننسى دور الكويت في الماضي من ناحية تقديم المواد الاولية لأجدادنا
صدقيني نحن ناس ما نذكر الناس الا بخير :)
و لكن لو حسينا غيرنا تهجم بالطريقة هاي..ما نقول غير كلمة شكرا
أبونا زايد و مكتوم هذا اللي علمونا :)
|:| DUBAI |:|
اولا حياج الله :)
ثانيا ابدا موضوعي مو تهجم على دبي او اشخاص دبي بتاتا
بالعكس نكن لكم كل حب و احترام
من ناحيه التدخل في شؤونكم الداخليه فهذا لا يعنيني من قريب او بعيد ابدا :)
الموضوع موجه للكويتين بشكل اساسي ابدا مالي دخل بدير ثانيه
بالنسبه للخراب و الفساد فانا ذكرت ان مافي ديره تخلو منها .. عندنا و عندكم خير
لكن كنت اقارن نقاط معينه و اعرض حقائق مصورة لاهل ديرتي لمناقشتها و الاتعا منها لا اكثر و لا اقل
بالنسبه لتحليكم بالمثاليه و كلمة شكرا على اي كلمة يقولها الغير عنكم
1- ما ذكرت شخصكم بسوء .. هي حقائق تقارن اشياء عندنا لا سبيت و لا تعديت
2- اعتقد ان هذي المثاليه الاخلاقيه غير موجوده عند كل شخص
في تصرفات فرديه عامه طبعا :)
و اذا تبين روابط لمواضيع كتبت باقلام اماراتيه بحته عن دول اخرى شقيقه و عنا فبشري :)
بالنسبه لذكركم بالخير لنا فاحنا بعد ما نذكركم بسوء !
موضوعي عن شي معين .. يرى بالعين المجرده لكل من تطأ قدماه دبي :)
و الموضوع قراه اثنين من ربعي اماراتين امس
وحده قالت صج قطعتينا بس كلامج ما عليه غبار
و الثانيه قالت عورتي قلبي بس هذا الصج
اللي بنا دبي فلوس وسخه بايادي غريبه و احنا مالنا حق نتكلم او نتدخل
الكلام من اماراتيين انا مالي شغل اقولج التعليق بس
يعني محد فهم كلامي طب او سب فيكم او تدخل في شؤونكم :)
اقريه بحياديه و موضوعيه مره ثانيه
بتعرفين ان ماله شغل فيكم
الموضوع كويتي بحت ;)
|:| DUBAI |:|
على فكره
اشكرج على اطراء ذكرتيه بين السطور :D
تعرفون اي خراب او شي يصير بالكويت من وسائل اعلامنا و اخبارنا
ان دل هذا على شي يدل على شفافيتنا و الحريه و الوضوح الديمقراطي و الجو النظيف اللي نتمتع فيه
اللهم لك الحمد
شكرا :)
أختي الفاضلة
قد تناقضين بعض الشيء حينما تقولين بانك تتحدثين لابناء بلدك ..و في الجهة الاخرى تقولين أخوتك من دبي قالوا "قطعتينا" ..فهذا دليل على ان الكلام موجه ايضا لنا
و تكفي اسم دبي و الفيديو المطروح في صفحتك ..ليدل بأن الكلام ايضا موجه لنا
أنت لا تضربين مثال في الهواء ..أنت تستخدمين كلمة "دبي" و لهذا وجب علي أن أضع ايضا ردي البسيط
و قلت لك لا ارى دبي مدينة أفلاطونية كي اكذب حديثك ..و لكن ما يجري قلت لك بالحرف الواحد في "ذمة" من يقوم به
في الاخير لدينا عقول نميز الصح من الخطأ
أعتقد الامر مساوي اذا الرذيلة كانت تمارس بشكل علني أو في الخفاء في البيوت
فأرى مدينة أفلاطونية امام الناس ليست مهمة بقدر ان يكون البيت ايضا افلاطوني
يعني دولة اسلامية على سبيل المثال تمنع كل ما يجري في دبي على سبيل المثال ..و لكن بيوت مواطنيه لا يخلو من كل انواع الفساد
فالحالة واحدة
نحن نعيش في فترة من الزمن ..تسمى بآخر الزمان ..كل شيء ستجديه
و لن و لن يحاول ايا كان رفض اي شيء
و لكن حصانة النفس هي التي ستلعب دورنا في هذه المسألة
لا ندعي المثالية ..و لا نتقمص دوره..و لكن ندرك تماما بأن مثل ما في الخير هناك الشر
و لا نحن مب في دنيا
نقطة أخيرة
حينما قلت نقرأ ما يجري عندكم لا امتدح في الشفافية و انما ابين بأن من سابع المستحيلات ان تكون اي بقعة تطبق دين محمد :)
لو وجد ..لكنا اقوى من اعداءنا و لكن هيهات
Dubai
بالتاكييييد دين محمد صلى الله عليه و سلم لو طبق لكنا ويه ويه ويه !
بالنسبه للتناقض ما ناقضت نفسي .. قطعتينا كلمه و تنقال
لكن محد اخذ الموضوع بحساسية
ذكرت دبي كمثال .. لا كنقد لاهل دبي ابدا :)
و مدينة افلاطون لا وجود لها
بالنسبه لما يحدث بالخفاء .. ففرق كبير بينه و بين ما يحدث بالعلن و بمباركه الجميع :)
شوفي عقاب المجاهر و عقاب المتستر بالشريعه؟
هناك فرق السما عن الارض :)
عموما لنا في موضع نقاش بالنسبه لهذا الموضوع
اكرر و لو اني ذكرت دبي فهي المثال الواضح و الكلمة الدارجه هاليومين .. حديثي لابناء ديرتي بعدم الاغترار بالغير .. ليس الا
لا نقد لشخصكم و لا لكم :)
و حياج الله مره ثانيه
و دبي لن تقوم الا بأهلها ..و ما يقوم فيها الا بمواطنيها فالكلام لا يوجه الى حفنة تراب او بقعة ..و انما لمن يقوم فيها و هو الانسان
هذه من وجهة نظرك ..لكن من وجهة نظري الان و في هذا الزمن المباركة الجماعية مثل المتستر
و علينا ان نحدد كيف هي المباركة ..و من يبارك و من يرضى و لا يرضى ..فالتعميم لا يجدي
و أهل مكة ادرى بشعابها..مع هذا نحن راضين بكل شيء ..لأن لدينا عقول نفرق الصح من الغلط
في وايدين في دولتهم ما يسون شيء..لكن لما يسافرون مكان ثاني يسونها و بعلانية
المسألة واحدة في نظري
الله يحيج ..و شكرا لافساح المجال للتعبير
مساؤك سكر اختي العزيزة...موضوعج ممتاااااااااااااااااز فعلا....و في وقته لان كثر الكلام و المقارنات بين الكويت و دبي... احنا فعلا لازم نعترف ان دبي و الخليج عموما تطور عمرانيا عن الكويت... و هذا وضع طبيعي في ضل الظروف اللي نعيشها في البلد... لكن و الحمد لله تبقى شخصية الانسان الكويتي مختلفة..منفتحة... يكفي في هالبلد ان نصارخ و ننتقد و ننام في بيوتنا ..مو في السجون...
اختنا دبي
اذا تسمحين لي اشارك برأي
:)
و امون على صاحبة المدونة عادي
;*
بداية لازم تعترفين انج مستحيل تقدرين تصرحين بشيء يسيء لبلدج و الدليل شبه تخفيفج من الموضوع .. بكلامج : ان تمارس في الخفاء و البيوت هيه هيه نفس الحال عندكم
!!
مجهارة بالمعصيبة نفس من يستر نفسه
!!
قانون رباني الهي من يستر نفسه ربه يستره
و ولاة الأمر المسلمين عليهم واجبات تنمية دولته بشكل مفتوح الا فيما يغضب الله
شلون يكون راضي و ميسر لهم بعد
:)
اما ان يترك الأمر و يتحكم فيه أغراب عن البلد و السبب الفلوس العائدة من هذي التجارة النجسة
فاااا شي يعور القلب
دبي أنجح تجربة تطوير بالعالم يمكن
نظرا للفترة الزمنية اللي حققت فيه كل هذا .. هالشي ما ينكره احد
لكن .. المقال تقول ما نبي نصير دبي
لان مقابل الطفرة هذي .. كان التنازل عن شي عظيم .. على الاقل بالنسبة لنا
رغم ان الكويت .. تعد اكثر شعوب الخليج انفتاحا
لكن ما يتجرأون يتصرفون على هواهم
تدرين ليش ؟ لانه احنا مو بحاجتهم
و القانون عندنا واضح بخصوص الأمور
اللا اخلاقية لا تهاون
و اذا فكر احد يلعب فيه .. فا كلنا نقدر نوقفه عند حده
في فساد و استثناءات و تجاوزات و عماة عين ما ننكر .. لكن ما نبرر عجزنا عن اصلاحه و حفظ ديرتنا .. بأي شي ثاني
شعب صريح الحمدالله
و شوفي على الفوضى السياسية الوقتية
الا ان الكويت ربج حافظها
ما دخلها (قانونيا) لا كازينو و لا
nightclub
عاد واحد يسوي في بيته في شالييه
شي ثاني
:)
اتمنى تفهمين شي واحد
انه احنا نحبكم و ما نرضى عليكم
وانا اعرف وايد اماراتيين من اهل العين وابو ظبي و راس الخيمة
و يتهووولوون من دبي و صج خافيين على بلادهم يرد عليها كل هاللي فاتحته
عسى الله يحفظنااجمعين
انتوا المسؤولين انتوا الشباب لا ترضون احد ايي و يشووه طيب اهلكم الأوليين
ما يخفى عليج حديث النبي عليه الصلاة والسلام
غفر الله لجماعة من الذاكرين
و المسيءالعاصي الجالس معهم
و خفس بقوم عاصيين
رغم الصالحين فيهم
:)
9a7 elsaneech! ana 3ayeesh fe dubai keeel shay mo zeen eeha keel el a6awer ely ohma fee wa ra7 e9er keel ara7 yengooloob 3aleeehoom cuz el deera mo lohom el dera lel 2ajaneb! etha temasheet be mall aw ga3at eb ma63am 90% ajaneb wa 5% kuwaiti wa 3% from ksa bas 1% local! lish weenhoom min 7aga ga3ed yabnoon wa thany shay ohma sheeno wa e7na sheeno ! le yoomna hatha ohma ya7sedoon el kuwait ya7seedoona 3ala kel shay aham shay ya7seedoona 3alee ohwa EL dogra6a ey 3endeen cuz ma ya7lmoon feeha ana ma a7seedhom bas atmana ena el kuwait etreed mithel gabeel wa a7san bas beedoo 5arabeee6 cuz ma3a el 5arabee6 alla ma ebareek bel deera walla ewafeeg ahalha LIKE DUBAI!
a7la eng
:)
وجهة نظر أحترمها
و لكن ردي لا اود ان اعيدها مرارا و تكرار فهو واضح وضوح الشمس
ان رغم السلبيات يبقى المواطن الاماراتي عاقل ..قادر ان يفرق بين الخطأ و الصواب
ان كان في وطنه او اي وطن يذهب اليه
أنت في منزلك "بخبطة" زر ستشاهد الفساد ..فما بالك في العالم الخارجي
نحن لا نسكت عن حقنا او ابداء آرائنا
فاذا كنت تود التنويه و الاخوة ايضا في اننا لسنا في بقعة ديمقراطية
استمع الى البث المباشر..اقرأ وسائلنا المكتوبة..
ستجد بأن الاصوات لا تسكت..و لولاه لم تغيرت بعض الاحداث عندنا
و ستتغير الى ما هي احسن
عليك ان تعلم اخي بأن رغم كل التطورات التي تحصل لدينا و التي تصب ايضا في مصلحة الاجنبي عندنا..الا في المقابل شيوخنا لم يقصروا مع ايا كان
لهذا نحن لا نتحدث و لا نثرثر ..يصورونه الباقون على اننا لا نمتلك الحرية
و لكننا بحق و حقيقة مدينون لولاة امورنا في عدة أشياء
ام ما يفعل الان من أشياء مخالفة ..ف قلتها و انا اقولها للمرة الثالثة في رقاب و ذمم من يقوم بها..
فنحن لا نعيش في بوتقة صغيرة او حفرة ..كي نتحكم في العالم ..
العالم هنا ..محيطنا و لا اقصد العالم الخارجي
مواطنون امارة دبي ايضا يتذمرون من كثرة السياح من دول الخليج و ايضا الاجانب ..فما بالك بمواطنون الامارات الاخرى؟
يعني الحل نطردهم؟
بعد هذا الشيء غير معقول..الجميع من السهل ان يتحدث..لكن التطبيق صعب
خلاص نحن خطونا خطوات و قفزات كبيرة ..و علينا ان نكون على قدرها ..
و لعلي ازيدك من الشعر البيت ..بان كل الامارات فيها ما فيها من دبي ..فأتاسف لك حين اقول بأن اصدقاءك من دولتي ليس في قدرتهم النظر جيدا أو لاسباب عاطفية قالوا ما قالوه
في النهاية..نحن راضون عن نقاط و مستاءين من نقاط اخرى ..و لنا مساحة من الحرية في التعبير اما بالوصول الى اصحاب النفوذ و القرار او من خلال الوسائل المتاحة مثل الاعلام
و هم يعون اهمية وجودنا و يكفي بأن بوراشد دائما يردد "شعبي" و "ِشعبي"
المشكلة تكمن ليس في أن تحبونا أو تكرهونا..المشكلة في انتقاء الكلمات حينما توجه لدولة شقيقة
:)
allah ye7ayech. :P
ama 3an 2-8-1990, low etqarnen dowal el khalej gabel el '3azow etlagen el kuwait benesba lohom las vegas oo yenthereb feha el mathal bel ta6awer el me3marey wel eqtesadey, bas men ba3ad el '3azow 7esal el 3aks wel sebab ena el sharekat el me3mareya el ajnabeya kelaha ensa7bat men el kuwait oo etejhat ela dowal el mojawera. ya3ney Dubai 1990 nafs Dubai 2000, Qatar 1990 nafs Qatar 2000? akeed la'a. (hatha qasdey eb 2-8-1990) :P
etha ako nas begolon ena 2-8-1990 malha she'3el bel ta6awer eley 7ayesh el khalej, ana bas bagool tekhayelaw low el kuwait ma dashat 7arb chan el kuwait shloon sarat?
el 7arb (7ata low fatra wajeza) takel el khathar wel yabes, el 7amdellah el Kuwait radat wegfat 3ala relha men '3air menat el nas, oo hatha eb 7ad thata enjaz.
let me say first allah ya36eech el 3afya shaklech worked hard 3ala hal post ..totally agree with u
|:| DUBAI |:|
اتفهم غيرتج على ديرتج و حبج لأرضج :)
لو كنت مكانج اعترف ايضا سأنحي الموضوعيه جانبا و ادافع مستميته عن ديرتي :)
----------------
عثماني
صح لسانك .. بالتاكيد .. الله يديمها علينا نعمه يارب :)
نورت البلوق
-----------------
a7La eNG
تمووونين يما تومنين بيتك و مطرحك
و ما قول الا
يسلم تمك
اوحيتيلي ببوست يديد :D
loco
6ab3an
ma boniya 3ala ba6il fa hiwa ba6il
yes ihnood ihnood ghazow
true !
--------------------
NoVeL
Ahaaaa i got it now
hmmm u have a point
7ayak allah again :)
-----------------
cozy
Allah iy3aafeek yarab
o min 6awwal il ghaibat :D
7ayyak Allah nawwart again
يوم كتبت ذاك اليوم عن نفس الموضوع اكو اخ من الامارات شلخنى الله يسامحه وسوى دبى المدينة الفاضلة
ولكن ما نقلتيه هو الواقع
ويعطيج العافية وحسافة على ان التطور يفهم بهالصورة
Dubai
المشكلة انني لم اتكلم عن الحرية او الديمقراطية في ردي
و لا حتى اقارن بيننا و بينكم
و كل الردود منك .. تكرر بشكل غير مفيد .. فكرة واحدة
خارج نطاق النقاش
:)
و الجدل مكروه خاصة اذا الطرف الاخر
يرد على نقاط غير مطروحة بالنقاش اساسا
!
لمن يقرأ .. حجة الاخ او الاخت
ان الفساد موجود .. و كلنا نوافق
دبي .. شرعته الا قليلا و الادلة موجودة
:)
هنا فقط نستنكر فقط و فقط
شعبي شعبي
!
يستاهل شعبه .. على نسق ردودك
اقول .. احنا بعد
عندنا حملة فيه كويتي
;)
تجارة الجنس هذا ما يحدث في دبي
و بمباركة السلطات
هذا الموضوع فقط لا غير
:)
راجعي كلامي كله .. ما تشعبت الا بهالفكرة فقط .. و انتي دشيتي بشي و طلعتي بشي
فااا السموحة .. رأيي واصل و واضح
انتهى النقاش بالنسبة لي
و اتمنى تزورين الكويت بيوم فيها قلوب تحبكم و اهل الكويت معروفين بالذوق
الحمدالله
:)
إي والله الحمدلله على كل حال وديرتنا من أحسن مايكون عن غيرها من الدوله والله يحفظها يارب ويحفظ أهلها :)
Mishari
اتفهم ردة الفعل هذي .. الوطن غالي .. و غالبا تعصبنا لاوطانا يعمينا عن الموضوعيه و الحيادية في اي موضوع ضده :)
حياك الله
--------------
a7La eNG
صحيح كثره الجدال لا تفيد
الرسول عليه السلام قال
انا زعيم ببيت في ربض الجنه لمن ترك المراء و لو كان محقا :)
منورة
--------------
Dana__23
الحمدلله الف والله
و اميييييين
حياج
شى على حساب شى كريتيفيا
اذا نبى عمران وانفتاح لالالازم هالسوالف ادش
استغفر الله جنها انربطت الحضاره والتقدم مع الانحلال
وايد مجالس اقعد فيها يقولون تبون الكويت تتقدم واتجارى هالبلدان
لالازم تنفتح على الاخر
وقبضاى عاد
احناا جذىىىىىىىىىىىى
ولا احنه ملحقيييييين
الله يستر علينا وعلى ديرتنا ياا رب
صاجه والله حبيبتى انتى
أمبييييييييييييييييه شنو هذا والله ماقدرت أكمل
أعوذ بالله
يعيبون على غيرهم والعيب ويييييين فيهم
ومثل ماقلتي كرتيفيا السطح يلمع والجوف فاسد
اللهم احفظنا وحبايبنا من كل مكروه واحفظ الكويت وأهلها يارب وابعد عنها كل حاسد
Cr8ivia
Nope :)
اقرأي جيدا في ردي ..انا لم اكذب بعض نقاطك ..
لكن العتب لمن يأخذ بشيء و يترك الاخر
a7la_eng
لأن هناك فكرة في عقلك لا تريدين أن تغيريها هذه هي نقطة النهاية..
لدي أهل و معارف في الكويت :) في الفترة الاخيرة لأكثر من مرة زرتها ..و ليس لهذا الشيء شأن في المحبة ..اذهبي لاي دولة خليجية ستلقين الترحاب..لكن الاهم من كل ذلك النية خلوها طيبةو صافية حتى في المواضيع ..
دفاعكم ايضا عن الكويت يفتقد للموضوعية ..ليس بامكانك من الاساس مقارنة دولة بامارة :)
و فرضية "لو" لا تجدي الان ..نحن نرى المستقبل و لا نلتفت للماضي..
بعدين نقطة ثانية يا حلوة
بمباركة السلطات تقولين ..ايوا وصلنا خير ..خلاص في رقابهم ..نحن راضين :)
لأن هم اللي بيرقدون في قبورهم مب نحن
قلتلكم ان اي شيء غلط يتسوى في رقبة اللي سواه
خلاص نحن راضين :)
و ماله داعي للاستهزاء برموزنا :)
أحيي فيج هذي الحرقة ..
هذا يدل ما شاء الله على اهتمامج و حبج لديرتج ..
الله يكثر من أمثالج ..
صحيح .. كل ما طرحت مشكلة في الديرة قلنا ديرة بطيخ و كل شي بالواسطات و قوانين تعرقل التنمية .. و آخر التحلطم نختمها .. شوفوا دبي و وين صارت !!
أذكر سمعت أن الدكتور طارق السويدان قال:
دبي ليست حضارة ..
فالحضارة تقوم على قيم و مبادئ و تقاليد و تاريخ ..
أين تلك العناصر في دبي !!؟
الله يحفظ لنا ديرتنا و يكثر من أمثالج
السلام عليكم
اول شي شلونج وشخبارج لاني من زمان عن بلوقج :)
اكبر مصيبه لما تكون السياحه تعتمد على الدعارة مثل تايلند وبعض الدول الخليجيه الله يكافينا الشر نعيش في بيوت طين وبيوت شعر اشرف مليون مره من حضاره وتطور من ورا الدعاره والفساد
الف شكر على الموضوع
chak chak chak chak chak chak chak chak chak chak
*tsafeg min galb*
wallah sajah bekel kelmah kelteeha
Dubai ow dubai...ow ba3deen
hathie kelah mbneyah 3ala fsaad
ow e7na mo msadgeen khabar...shefna 3marat 7elwah yaneenah....chena alkuwait nagsah
yuba allah y7afeth deeratna...wallah e7na fi ne3mah wayed wayed kbeerah
احيي فيج صراحتج مثل ما احيي وطنيتج
وفعلا انت حطيت ملح على جرح كبير
هذا الي رجعنا ورا ان احنا نطالع غيرنا ونقول شوفوا فلان وشوفوا علتان
بدل لا نطالع ايجابياتنا وسلبياتنا وترى فعلا الكويت احسن مليون مره من غيرها يكفينا فخر الي بنوه اجدادنا وان شاء الله الي احنا نبنيه وان كان عندنا عيوب فاحنا بشر ومو معصومين عن الخطأ ونتعلم من اخطانا والاعتراف بهالشي مو غلط الا نقطه تحتسب لصالحنا
الله يا كرتيفيا والله وانا اكتب احس الدمع بعيوني حرقة من نظرات الكل لنا
هالنظره الدونية الي تخليج تحسين انج اقل من البشر
بس طول ما الكويت فيها من امثالج ان شاء الله بنتقدم ونتطور حتى لو طحنا بنقوم
الله يحفظج ان شاء الله
نفس نظرتي لها
ما أحب عيالي يعيشون بهالجو
الله يحفظنا يا رب
بس عاد بيني و بينج
سوقهم زووووغه
charisma
مو لازم كاريزما والله مو لازم
كنا وين وين بالسبعينات و الثمانينات و الحمدلله مادشت هالاشياء عندنا
ترا ما بني على باطل يبقى باطل مو شرط هالوصخ عشان نترقا !
و اذا السالف جذي
بيوت طين و حصير و يربه ماي اشرف مليون مره
-------------
ana_sokkarah
اميييين يارب
نبي نتطور
بس بشرف
---------------------
|:| DUBAI |:|
ماذكر اني قلت خذيتي بشي و خليتي شي
المهم الديره ديرتكم مو ديره السلطات بس ترا :D
احنا الكويتين جذي فينا طبع من يومنا
مايسيرنا احد
و لا نرضا نكون امعات لاي احد
صوتنا ما ينكتم
و محد يفرض علينا اللي يبي
جذي ربج خلقنا نكره نكون سلبيين بأي شي يخص ارضنا بعذر كيفهم اهمه يشيلون الذنب
هااو ديرتنا
حياج الله :)
Kuw_Son
صحيح كلامك عدل
التحلطم و السلبيه و النقد عمرهم ماراح يفيدونا والله
بس اللي يدور في البلوقات و يشوف شغل الشباب و حرقه القلوب يستبشر بالخير
ان ما تعدل الوضع اليوم باذن الله بيتعدل باجر
و للافضل دايما يارب
------------------
عبدالرحمن
منووور
فقدنااك
بخير الله يسلممممك مو جذي يقطعووون
اي والله صاج مليوم بالاميه
----------------
Ghasheema
اي والله يا غشيمه
خلونا بحالنا
ليلحين حالنا الافضل بمليوم مره
حياج الله
magnoonah
وطنيتنا
هذي الكلمة
الكويت بتبقا الافضل فيها باذن الله
و كل كلمة قلتيها صح
بس اسمحيلي
محد يقدر ينظر لنا نظره دونيه !
اسفه على الكلمة
بس يخسون اللي بينظرون لنا نظره دونيه!
-----------------
Яeema
اي والله .. على اللي فينا .. بس هم احسن مليونين مره الحمدلله
هههههههههههههه ريما انتي ماكل قلبج السوق
كل من في قلبه شقان ليله
i cant live with out it!
i mean shopping , part of it is a hobby
one of my dreams to open a shop enshallah .
;)
may be when all my kids go to school???
والله وانتي صاجه .. انا شفت هالفلم ومن العجيب انه بعض البنات يقولون انه الرئيس مالهم اهو شييخ واهو اللي ماخذ جوازاتهم وما يردهم الا بعد ما يتموون اجر معين
الله يستر على ديرتنا من هالبلاوي
Mako 3ala el q8 o hathy eb shahadat el ghreeb gbel ahl el deera.. Ee Dubai 7elwa for visiting bs not in living.. O ghair chethy ehya naj7a seya7eyan 3alashan el shaghlat ely gelteha.. Wela aked be6e7 sog'ha methelna ;)
التطور ليس بالبنيان..!! ولا بالتحرر ..!! ولا بالأنفتاح...!! ولا بأتباع الغرب ..!!ولا بفتح البلاد لكل من هب ..!! ولا بجلب السياحه الرخيصه ..!!؟
بل هي بتحرير العقول من عبادة الملذات والأهواء ..!! وعبادة العباد الى عبادة رب العباد ..!!؟
أللهم احفضنا وأسترنا بسترك ..!!؟
Яeema
considering having a partner? :D
---------------
Common_Sense
اي الله شي يشيب الراس
امين ياارب
--------------
ZizoTime
Exactly, Allah eyhdeemha 3alina ni3ma :D
-----------------
2 u ALL
اللهم امين امييين
صاااج
كلام واقعي 100% امارة ليس بها نفط وقائمة على السياحة الجنسية
الاخ او الاخت دبي لا تزعلون ترى الحجى واقعي
كل دولة فيها خراب من دول الخليج لكن في دول الخراب اللي فيها بمباركة السلطات؟؟؟؟ اقل شي تسوية الامارات ابعاد الداعرات لكن لا؟ ليش؟ لان الامارة راح تروح بشربة ماي اذا راحوا
البحرين ودبي وقطر خراب بماركة السلطات والحكام
السعودية انغلاق وكثر الضغط يولد الانفجار؟؟؟
الكويت الوسطية
ونحن لا نقول ان الكويت هي ارض منزهه عن الغلط ولكن ارجعي لتفكيرج والتامل المنطقي وستجدين ان الخليج هو الكويت مهما كان حجمها صغيرا
الســـؤال الموجة الى الكويتين ,اين كان الكويتين والجيش الكويتي فى سنة 1990 ,واين الرجولة اما كان نصفكم يولول ويزعبل فى دولة الامارات السعودية , اما كلامك عن دبي فهذا شي بديهي لمدينة فيها اكثر من 3 ملايين شخص
Post a Comment