Wednesday, January 14, 2009

شكرا الازرق

Thank you Al-azraq !

نعم شكرا من القلب .. ضاقت خلوقنا اكيد .. غلقنا .. اكتئبنا
بس الفوز و الخساره نصيب .. و الحمدلله علي كل حال و ربي ما كتب لنا الفوز

لكن هذا ما يعني نلوم اللاعبين و الا المدرب مثل اللي قاعد يصير !

اللاعبين مابيدهم شي اكثر من اللي سووه .. و المدرب ما قصر .. كفوا ووفوا ..

فريق لي قبل الدوره بايام ما يدري بيشترك و الا لا .. موقف من الفيفا بذنب الكبار و هواشهم ..
لا دعم .. لا تشجيع و لا شي ! شتبون منهم يسوون يعني ؟!

شكرا محمد ابراهيم .. شكرا لاعبين الازرق واحد واحد
و الحمدلله علي كل حال

و سكوب .. عيب عيب عيب .. الاغاني و التسجيلات اللي اشكره باين مزهبينها من زمان عيب .. فعلا قناه واطيه و القائمين عليها حثاله و زباله ..

الحمدلله و الله كريم

12 comments:

ZooZ "3grbgr" said...

معاج بكل كلمة

ما قصروا

كافي نكون من الاربعة الكبار

هذا بحد ذاته انجاز

بس شسووا سكوب؟؟

Cr8ivia said...

ZooZ

اول ما خلصت المباراه بخسارتنا
حطوا مقاطع اغاني حزينه قديمه
شمتوا العالم فينا !

الاغاني من طقه
محال
اجر الصوت
عافك الخاطر
ناس بتاخد كل حاقه
مع مقاطع و صور للمنتخب و المدرب و الاداره و الخساره !

فشلونا

ZooZ "3grbgr" said...

هذا فن الاعلام المحترم

وما بقى علم بالسوق ما شروه

اخرتها جذي

انا مستغربه والله لها متابعين

انتي والمهندس

ترى نسبه كبيرة!!؟

Cr8ivia said...

انا ماتابعهم !!
اسم الله علي

بس بعد المباراه كانوا يفرون علي القنوات يشوفون ردات الفعل و انصعقنا باللي حاطته سكوب

ZooZ "3grbgr" said...

تهقين لي دزيت مسج قلتلهم

"
انتوا طايحين حظ وما تمثلون الكويت لان الكويت فخوره بعيالها وان خسروا وهذا شي ما تحسون فيه ولا راح تعرفونه
"

تهقين بينشرونه؟؟

Cr8ivia said...

جربي ! انا لو ما استحي جان دقيت

nikon 8 said...

لاعبينا ... شكرا ويعطيكم العافية
ومبروك لعمان والسعودية
:)

Kaadi said...

سكوب هيلقية !! مافي ولاء ولا وطنية !! جلة حيا والله ..


اكو احد يتشمت بأهل ديرته !! صج لفو !

tweety said...

سكتي أنا ميتة قهر
دزيت أكثر من 4 مسجات مانشروا ولا واحد فيهم
مصيبة أن قبل يومين كانوا يحتفون بالازرق بشكل هيستيري وبعد المباراة على طول ما مداهم شبوا على المنتخب

مادري قناة سعودية والا كويتية انزين احترموا مشاعر أهل الكويت يا ...

Anonymous said...

امبيه صج الاغاني بسكوب مو صج

عافك الخاطر
اجر الصوت وفي اغنيه مصريه


كلش مو من صجهم على طول ورا المباراه

lawyer said...

انا حااااااولت ادق عليهم بس اكيد بيرقعووووون لالخط في ويهي


كنت راح اكلمهم بكل هدووووووء
و بدون تعصب
بقووولهم اشكر الازرق شكر كبير على كل ما قدمووووه



و اشكر مشجعين المنتخب و اشكر كل كويتي وطني ساهم في نجاج وصول المشجعين


ولكن يؤسفني ان تكون قناه سكوب محسوبه على الكويت

و الكويتين



انا ما استغرب ان في خكره مثلكم ماعندهم ولاء لاي رمز كويتي سواء الرمز هذا كان لاعب او كره او فريق

ولكن استنكر ان لما تسبون احمد الفهد
و تحطون الاغنيه المصريه القليله الادب
يكون هذا التصرف منكم و انتو تدرون ان في نهايه اليوم تحبون ريوول الشيوخ
و اتقلقسون عندهم


و انتوا الي 24 ساعه تحبون خشومهم



بغض النظر ان كنا نختلف مع سياسيه الكره الكويتيه
و من يديرها


بغض النظر عن ملاحظاتنا عليها

ما يهم الان هو الكويت و مشاعر منتخبنا الطيب




شكرا لكم



هذا الي كنت بقوله


لانهم قاهريني هالخمه

enter-q8 said...

و الله لو مو اليوم 15 لكنت نزلت الفيدو عليهم

و عيالنا بيض الله وجوهم