Monday, December 10, 2007

البريد و ما أدراك ما البريد!


السلام عليكم

فيني تحلطم له أول و ماله اخر على بريدنا العتيد !!


في الآونة الأخيره صارت لي تعاملات شبه يوميه مع البريد .. طبعا
خلوا البريد السريع من طقة دي اش ال و فيدكس و ربعهم

بريد الدوله سواءا

First class
او

EMS البريد الممتاز
ملوت الطرود .. آآآآآآه

1- المكان


للبريد الممتاز .. و خلافا لكل دول العالم المتحضره .. مكان
الارسال غير و مكان الاستلام غير


ناهيك ان الدولة كلها مافيها مكان استلام طرود الا واحد بمبنى
البريد الرئيسي بشارع فهد السالم


و الاستلام ايضا مكان واحد بكيفان !


طبعا خلوا الزحمه و الفوضى لهذا السبب .. المكان اشبة بمكان
مهجوووور .. تييك قمتة غير طبيعيه بمجرد ما تعتب عتبة باب المبنى


الاستلام في السرداب .. تحسه مكان ما تطور من ايام 1950..دثاره و
ساخه و فوضى


رفيجتي مره نزلت و انا انطرها بالسياره دقت علي من تحت تقولي
شنووو هذا ريحة فيران فيران !!




2- نظام يدوي

في دولة من دول النفظ الغنيه و اللي تعتبر من أغنى بلدان العالم
لازلنا اذا بنستلم الطرد .. ايبوون دستة ملفات و يدورون الرقم
فيها ..

و بما ان الملفات السود شكبرهم و بدون اي تنسيق فالهندي اييب 3 4
ملفات يقعد يدور بواحد و يقط عليك ملفين ثلاثه يقولك دور معاي


و الموظف العقيدي يا يشرب جاي و الا يخزز بالاوادم

و نادرا ما يمد يد العون و دايما على الفاضي الهندي افهم و ابرك
منه بمليون مره

ماكو شي اسمه كمبيوتر و قواعد بيانات و استعلام الكتروني و
هالخرابيط ! وين قاعدين؟


3- Tracking number

دولتنا التي تناطح السحاب .. بريدها ماعنده اونلاين سيستم عشان
الواحد يستعلم الكترونيا عن شحنته

عندك
Tracking number

بس ما منه فايده !! كل دول العالم البريد الممتاز له موقع
بالانترنت تدخل تتابع شحنتك وين وصلت و شصار عليها

ماعدااااا بريدنا

تبون تكحلون عيونكم بالويب سايت الرسمي مال بريدنا الممتاز؟

تفضلوا

http://www.mockw.net/post/
المشكله ما يستحون على ويوهم بعد حاطين لينكات البريد في الدول
المجاورة !!

شوفوا مال قطر
http://www.qpost.com.qa/

و الا مال الامارات
http://www.emiratespost.co.ae/

تبون السعودي؟
http://www.sp.com.sa/saudipost/arabic

و الا الامريكي؟
www.usps.com

الصيني ؟
www.ems.com.cn

طبعا كلهم فيهم اونلاين تراكينق و خدمات وانت قاعد ببيتكم و
البريد يوصلك لي باب البيت !


مو احنا يوصل البريد اليوم عقب عشر ايام يدقون عليك يقولون لك في
طرد لك تعال كيفان استمله!


و اوقف بهالطابور و الريحه و القمته و شوف من يعطيك ويه!


4- الجمارك

طبعا بعد طلوع الروح يطلعون لك طردك تاخذه من موظف البريد تروح
للجمارك

طبعا الجمارك عندنا ماشي على البركه و الأمزجه

نعم عادي جدا نفس الغرض اليوم تدفع عليه جمارك .. العصر مع موظف
ثاني يكون رايق يقولك ماعليه جمارك

عادي اذا بنهاية الدوام و موظف الجمارك ماله خلقك يقولك خلاص امش
امش و حتى ما يطل بالطرد و شنو فيه

و عادي اذا متعسر و متهاوش مع احد يطلع حرته بطردك و يفججه تفجج !

5- ساعات الدوام

طبعا الدوام الرسمي من 8 الى 1:30
ثم من 3:30 الى 7:30

بما ان ماعندنا نظام الكتروني و لا اكو اختراع اسمه كمبيوتر

فروحه العصر ما منها فايده
90% من روحات العصر

يقولك هاه؟ تعال الصبح مادري .. و طبعا ماكو دفع جمارك العصر فاذا
موظف جمارك العصر متعسر عليك

يحجز الطرد و يقولك تعال الصبح يشوفونه لك

اذا الطرد في الغرف اللي داخل يقولك تعال الصبح مو مسموح لما نفتح
الغرف

اذا ماكو و لاية او منطقه يقولك مادري تعال الصبح

اذا شافوا زول هندي سايق مطرشينه شي طبيعي يقوله ماكو ماكو ما وصل
و بقدره قادر لو اروح و اقوله دور انا متاكده واصل يطلع الطرد
محذوف داخل !!

و ما تفرغ الموظف ليلحين يسجله بالملفات السودا العملاقة !

طبعا شي ثاني .. شي طبيعي و عادي جدا تروح الساعه 12 باقي على
الدوام ساعه و نص يقولك لا ماقدر اطلع

شحنتك موظف الجمارك خلاص طلع
الدوام مو باقي عليه ساعه و نص؟
اي
ليش طلع؟
مادري !! جان زين مره و الا مرتين
لا هذا العادي .. اللي مو عادي انك تحصلهم بعد صلاة الظهر !!

جني وايد تحلطمت؟ بس والله هذا فيض من غيض على بريدنا !!

قريت في الجرايد انهم بيخصخصون البريد .. طبعا لازال قرار
بالادارج .. و حبر على ورق .. و قراراتنا يبيلها سنوات و سنوات عشان تطبق

فيبقى الحال على ماهو من سوء الى ان يشاء الله !

27 comments:

Kuw_Son said...

looooooooooooooooool !! al3qaidi !! ha ha ha

------------------------------

amoot 3la the animated earth fe el site ele yfashel !! shno hal design walla 3aib !!

---------------------------------------

9ara7a mal qa6ar .. mawqe3 yahhal !!?
laish 7a6een animated santa claus !!?

------------------------------------------

UAE .. shay raqi .. u know there r a good staff behind it !!

-------------------------------------------

KAS post too .. great web site :)

----------------------------------------

USA .. speachless .. b3d ma yabeela !

-------------------------------------

China .. chin chan chon .. ma fahamt shay .. bs el design is beautiful and simple :)

----------------------------------------

القصة انه إهمال بشي خيالي !!

بريد - مخافر - وزرارت !! كل شي حكومي !!

Q80 Blogger said...

هههههههه

توني ادري انه في بريد بالكويت

انا الي اعرفه في البريد هذا مال مكاتيب الخدم .. الي المكتوب ابيض وحوالينه اخطوط بالاحمر والازرق

توني ادري في شي غيره !!!

ثاني شي
تره اهي خطه مو معطينج التراكينج
لو يعطونج اياه وفي اونلاين جان ضغط الدم كله فوول
اتوقع تلقين طالبة الشي من امريكا
بالغلط يوصل بومباي
وراها باريس
وشوفي وين يروح وراها .. بعدين يوصل الكويت
فاحسنلج ماتدرين وين يروح وخلاص

تدرين انا كل تعاملاتي بالبريد .. مو من كثر العيز .. مالي خلق اشتري شي .. كله على النت
بس بحكم اني عايشه بديره من العالم الاول
مو زين اشرحلج الدقه والسرعه بالموضوع

خليها على الله بس
وهذي الكويت صل على النبي

بوست رائع
تحياتي

حسام بن ضرار said...

ما فيه حل لمشكلة البريد إلا بالتخصيص و جحت 90% من العاملين فيه

7osen said...

شكلهم مطلعين روحج

:))

بس والله أكثر شي صج وبكل مكان
اهو الشغل لمزاجي

يعني اذا الموظف بيخلصك تخلص بكل سهولة

واذا مايبي لو شنو ما تخلص

يعني بالمختصر مافي أي نظام


والله يعينج عليهم

Eng_Q8 said...

اهو بس البريد الدايخ بالديره كل شي ماشي على البركه
الله يستر

qesat_5ayal said...

عيل بشرتينا
وهم عطيتينا لمحة عنه


يلا عسى يتسنع
يبيله ناس فيها ذمة وصحوة

magnoonah said...

اولا بما انه البوست الي طاف كان نقل راقي ويعور القلب الا انه فرحني برجوعج

welcome back Sweeeety
:)

ثاني شي عن بوستج اليوم
انتي قلتي عقيدي تخيلي عاد عقيدي وقاعد على كمبيوتر والله جان تموتين من القهر

وبعدين اشووه انج تحلطمتي هني دايما كنت ابي اعرف في هالخدمه بالكويت ووين صايره وشلون طريقتها

واشووه اني ما اعرف
اما المزاج وشغل على البركه ترى بكل مكان للاسف واعترف انه موجود حتى بدوامي


تحياتي

الاء سعود المجيبل said...

اول مرة اسمع فيه ؟؟!!

بس سايتهم حده تعبااان فشله :\

charisma said...

ههههههههههه
شااايفه بعينى هالمكاان
ظيييييييم وظلالالايم

://

loco said...

e7na 3endeena mooshkeela ekberah ehya el jamareek !
etha 6alabt shay min el net for example iPod etha wa9al el jamareek ya5thoon 20 KD lish ma adry!!!!!

wa ham 6alabt iPod bas 5aleta yoo9al dubai el jamarek ma a5athat walla shay ela sharekat el taw9eel lish cuz el kuwait fee 7ala yortha laha !

عثماني said...

انها الكويت ...صل على النبي

:)

خليها على الله

tweety said...

أبدا كلش ملش مو متفاجئة هذي الكويت صل على النبي خلي نوابنا الافاضل بس ولبهم يلبحون على نورية من عينت ومنو أقالت ومنيرة عاشور منو استضافت من فنانين ويركضون ورى ربعهم اللي من قبيلتهم او طائفتهم عشان يوظفونهم غصب طيب بالمكان اللي يبونا وهم ما يعرفون راسهم من كرياسهم
حسافة والله على اسم الكويت الغالي يصير جذي

كل عام وانتي بخير وحب
وانشالله ايامنا القادمة أجمل

Purplecious said...


عيـــدك مبارك
و كل عام و أنتي بخير

charisma said...

كل عام و وانت بخير وعيدج مبارك دير
:)

Shaima'a Alkandari said...

بكل مكان نلاقي التخلف موجود


الله يعين

نتمنى انهم يتحسنون ويتعلمون من بره

علشان نتقدم بصوره سهله وصحيحه



:::



عيدج مبارك

الحارث بن همّام said...

عليكم السلام

مجرد تسجيل حضور

وكلامكِ مسمار بلوح

Cr8ivia said...

kuw_son

lik wayh i3ayyib 3ala site qatar after seeing kuwait's site ?:S ilmafroth ma nan6iq i7na kilish milish !
china khosh site ba3ad feeh english o multi langs...

----

q8i_blogger

LOL shlon balla mako barid bilq8!
ihwa sij law makan feeh chan akram lina bas ba3ad shinsawe rabina kareem na6reen ilkhaskhasa

aked intay fee US :S

----

حسام بن ضرار

100% true

-----

7osen

sa7 walla
mako i7sas bilmasaoleya thameer mako
o ma3a ghiyab il raqaba ilthateya + ilfi3liya mako fayda

Cr8ivia said...

Eng_Q8

ee walla Allah yastir :/

----

qesat_5ayal

ee walla Allah kareeeem


-----

magnoonah

thaaaaank you:*
hehehe inshallah bil khaskhasa tin7al ilmushkila

ee walla ildeera kilha 3ala ilbaraka :/

-----

Q8ya

haw ishfeekum :S awwal marra tadroon inna 3indina bareed bilq8 :S


----

charisma


shayiiif bi3eeeni ma7adish aaali :S


---

loco

shoof
iljamarik mushkila 3awesa itha daz il items 3ala aramex o dhl o rabe3hum
la'ana il jamarik aslan bas 5% of the total price BUT ilmoshkila 3indina NAS takheth fees, ilma6ar fees, il bank fees, thareebat madre shino bla bla bla
ya3ni iljomrik sa3at 2 kd bas u pay 20 kd kharabe6 3ala dhl o rabe3hum
but if u use bareed kaifan EMS o hathool governmental ya mayakhthon jamarik kilish ya 5% of the declared value ya3ni 5 kd 3ala kil 100 kd which is perfect

Cr8ivia said...

عثماني

ee walla 3ala Allah
Allahoma salli 3ala mo7ammad wa alih wa sa7beh ajma3en :P

----

tweety

e wallaaaa
niwabna wainhum wain hal siwalif !!
la mama fe ashya aham wayed wayed
5 isneen mo3arfeen ishloon iykhaskhison ilbarid !!!


----

Purplecious

3asach min il3aydeen yaraab

----

charisma

o intay ibkhair o si7a o 3afya yarab o 3asach min 3awwada

----

Shaima'a Alkandari

ee walla il7imdilla 3ala kil 7al yarab
allah yaster

----

الحارث بن همّام

7ayyak ALLAH
o allah iy7assin il7al

Unknown said...

مالينا واحنا نقول خصصوووووه

والا لوعة البريد عندنا

شفت السعودي والامارات والامريكي والصيني

جني قاعد اقارن سيارة لادا بمرسيدس


بس الصراحة مت من الضحك على الالوان وعلامة التعجب اللى تشب وتطفي عندنا

do0da said...

lol i lost faith bilbareed lama oboy wi9ala a christmas card in march :P

oo yala more job opportunities for me in this country as a dba :p

AseeL said...

ادري رحت كيفان.. شفته

ماله داعي اتكلم انتي كفيتي ووفيتي

الله لا يبارج فيهم

كل عام وانتي بخير

Shaima'a Alkandari said...

انتى وينج عسى ماشر مختفيه


عالعموم بنراسلج بالبريد علشان نقولج كل سنه وانتى بخير

Anonymous said...

من صجكم عندنا بريد بالكويت ؟

لا اعتقد انه المكان السليم لإرسال اوراق او طرود
لأني ما اثق فيهم و ايضا ما ودي احط نفسي في هالأماكن و المواقف الخايسه حتى لا تفتلت اعصابي على اللي قاعد يشرب شاي و ألبسه الإستكانه على راسه

بيروقراطية و روتين حكومي ممل يبين لك مدى البطالة المقنعه
الهنود يقومون بالشغل عنهم و الموظفين مثل الأطرش بالزفه
فعلا سالفة تعال باجر مو بس في البريد في كل دوائر الحكومة اذا ماله خلق ولا متوهق يقطها على الزام اللي عقبه و احنا المراجعين بس شغلتنا نفتر وراهم و نحوس ندور شغلنا
مادري على شنو يعطونهم معاشات و هم فوق هذا مو عاجبهم المعاش
لعنة عليهم و على اللي شغلهم هذيله مال سوق الجبرة و يبيعون رقي وايد عليهم و يمكن حتى الرقية مالهم خلق يفتحونها للزبون يبيعها على شغلها خمام السوق

Manooya said...

لووول اتصدقين توني ادري ان في ويب سايت حق بريد الكويت @__@


لو انا منهم استحي اقول عندنا ويب سايت


ابي اعرف الي يصير وزير شيسوي بالظبط ؟؟


ليش محد قاع يغير شي بالحكومة ولا قاع نشوف اي تطور .. ايييه الله يعين

q8_rose said...

عاد اليوم بروح استلم الطرد متأخر وماادل مكانهم وفوق هذا صايمين :(

Unknown said...

أنا اليوم بروح أستلم بريد من كيفان وقلت بسوي سرج قبل لا اروح واتوهق وشفت هالموضوع. عاد رحت وتوني راده وسيده وينك يالآيباد عشان اعلق على هالموضوع. الموضوع انكتب في ٢٠٠٧ واحنا اللحين ٢٠١٢ والوضع مثل ما اهو بالبريد. طبعا هنود اهمه اللي يشتغلون والمكان يخرع حده ومكسر اللي كنت خايفه حتى الدري يطيح فيني من كثر ما أهو مكسر وقديم. وبعد ما خذيت طردي قالولي تعالي الصبح

صج شي يفشل والنواب بس شطار يصارخون ويفكرون بمصلحتهم وناسين التطور والتقدم

الله كريم