Monday, December 03, 2007

طواريها تهد الحيل

السلام عليكم

طائر بلا وطن : كا احمد رجع




على ذاك الرصيف أسهر وأنادي بكل الجنون القار...

أكلم شارع خالي سواده من سواد الليل..



ترى ماهو فلس ولا بقلبي قلت الأشعار..

ولكن واقعي يفرض علي أكتب بلا تعديل..



أنا راح العقل مني وعندي للجنون أعذار..

معاناتي إذا بوصف يفوق الوصف والتعليل..




من اللي قد وقف مثلي يواجه لعنة الأقدار؟!

رضى يبقى ويتحمل ...عشر أضعاف همه يشيل ..



من اللي ثبت أقدامه يقاوم شدة التيار؟!

ويعرف ان النخل وهو النخل راح وجرفه السيل..



من اللي حب له طفله وحلم من يوم كانوا صغار..

يتوج حبه بفرحه وأمه تحضنه بتهليل..



يمر الوقت وسنينه تمر ويستوون كبار..

ويتغرب لجل حلمه يسابق كل شباب الجيل..



ويرجع رافع راسه بعد ما صار هو طيار..

وبقى من حلمه الوردي زفاف يرفض التأجيل..



يجيها يقول حان الوقت تعالي نكشف الأسرار..

طفح كيل الصبر ماعاد في صبري وصبرك كيل..



ويذكرها بوقت صار مع مر الزمن تذكار..

بأيام الطفوله يوم يغرقها غلا وتدليل..



يمازحها وتردد له (ترى الكذاب يروح النار)..

يجافيها وتهمس له (أعرف أن الجفا تمثيل!)..



وتدمع عينهم لثنين يهلون الدمع مدرار..

ترى الذكرى ولو حلوه طواريها تهد الحيل..



وتسرح في وسط عينه ..تفكر .. ترتجف..تحتار..

يسألها عسى ماشر؟ ويطيح من ايديها المنديل..



وتنزل عالركب وتقول تسامحني على اللي صار؟

حشا والله ماخنتك ولكنه حصل تبديل..



تراها غيبتك طالت وتدري وقتنا غدار..

كبرت وخفت تتأخر وخير البر بالتعجيل..



ويشهق يلمح الخاتم ..يحس القاع تحته دار..

ولا يستوعب الموقف بليا شرح أو تحليل..



يسود الصمت..ولاكلمه ونظره كلها استنكار...

شلل صاب اللسان وصاب كفين العتب تكبيل..



دقيقه تمر..طعمها مر..نهاية عمر..موت أزهار..

خسارة حب ..ضياع فدرب..نار تشب..عذاب و ويل..



ويسرح لو بعيده تهون ولكن كيف بنت الجار..

ويكسر صمته بصرخه تعدت في مداها سهيل..



ويفقد وعيه وينزل على قاع الثرى منهار..

مصيبه كيف يتحمل؟! ترى ما بالأمر تسهيل..




مابينه وبين غرفتها ...ممر ونخله وجدار..

وهذا اللي يعذبه و يزود طينه بتبليل..



يشوف اللي سرق عمره سكن وياها نفس الدار..

غدى جار وله حق نزل في محكم التنزيل..



ويتخيله يغازلها ويقول أنه عليها يغار..

ويتردد صدى همسه ولمسه وضحكه وتقبيل..



يناظر دارها وفكره ورا ذيك الستاير حار..

وشباك الهوى عتمه بعد مازادوا التظليل..



يقرر زوجها يبني ويرفع مستوى الأسوار..

ويتصرف على كيفه عنده منهم توكيل..



ومكسور الجناح اللي بلا ذنب يذوق أمرار..

يصارع حسرته ويجر بعد ذيك الهزيمه ذيل..



يفكر كيف طاوعها الضمير تكون شي ضار..

بعد ما كانت لعمره عمر يحسب مداه طويل..



خذت كل مابقي منه ومن عقله خذت الأفكار..

وبرواز الوعد مايل خذته تخاف قال وقيل..



عطت بروازه لغيره وخلت في الحشا مسمار..

وآخر كلمه قالتها رجاءا ماأبيك تعيل..



ورد بكل غضب يسأل تحسبيني من أهل الثار؟!

أنا وقتي غدا ملكي ولا يتحمل التعطيل..



وداع الله وإذا بعدك مرض ايماني العطار..

أنا لي رب ما يهمل بقرا كتابه بترتيل..




وإذا كانت مسافات المنازل بيننا أشبار..

لخليها سفر أيام وأساوي كل شبر بميل..



وإذا قالوا علي مجنون أو ملبوس أو صابه زار..

لناجي شارع خالي لوحده في توالي الليل..



بقول ان الجنون أرحم كتبت من الجنون أشعار..

وصدق شعري يتحدى الذي قال الشعر تمثيل..



وأعيش العمر أرددها (ترى الكذاب يروح النار)..

براءة كانت الجمله ولكنه حصل تبديل..



حكاية عمري من يوم الطفوله لين صرنا كبار..

في هذي الصفحه شفتوها وعايشتوها بالتفصيل..



أبي شخص ينورني ومن أبياتي بس يختار..

حرف ماشكى من هم ويبشر مني بتعديل..



بعدها بعلن افلاسي وبترك عالم الأشعار..

لأني ماقدرت أعطي لحزني في الشعر تعليل..



وبرجع للسرير اللي من غيابي شكى محتار..

واريح عين شوهها سواد يشبه التكحيل..



وفي آخر بيت بسألكم عرفتوا ليش أناجي القار؟!

قولوا للثريا من تناجي لو خذلها سهيل؟!

26 comments:

Kuw_Son said...

الله أكبر !!

ختامها رائع !!!!


صح لسانج !!

lawyer said...
This comment has been removed by the author.
lawyer said...

ترى الذكرى ولو حلوه طواريها تهد الحيل..



;(

الاء سعود المجيبل said...

الله عليج .... كل كلمة وكل سطر يعور القلب حدي اندمجت...!!

===


ويتخيله يغازلها ويقول أنه عليها يغار..

ويتردد صدى همسه ولمسه وضحكه وتقبيل..


===


اخخخخ يا قلبي يعور القلب هالمقطع صج صج الله يعينه شي يقهر ويحر...:(

الله يعوضه ان شاء الله وهذي الدنيا ...:)

تسلمين ..:*

7osen said...

قصيدة رائعة

استمتعت في قراءتها


يعطيج الف عافيه

Anonymous said...

وين تختفين عنا ها

طائر بلا وطن said...

ذكرتيني في قصيدة كدت أنساها


مرت ثمان سنـــين حـل(ن) و ترحال
مــرت ثمــان كلــها مدلـهمـــة

قضيـــتها بالحب و العشق رحال
متـحدي(ن) نكـبة زمـــاني و غمه

و عقب الثمان اللي شقاه(ن) برى الحال
جــاب الزمان الكارثة و المطـــمة

جــاني ولـــدها مبتـسم بين الأطفال
و من بسمـته ذكـرت أنـا بسمة أمه

ركضــت له دمــعي علــى الخد منهال
و من حـــر ما بالجـوف للصدر أضمه

و ساعة حضنته و الطفل في يدي مال
شميـــت ريحــتها على أطراف كمــه

و اليــوم بنت النـاس فس بيت رجال
و حـــب على غيـــر الشرف لي مذمة

بـرجع وحيد يمشــي دروب و أميــال
يمـوت - يحـيا - يندفن مــا يهمـه

لصاحبــها



عودة موفقة
و أحمد بس الحين طاب خاطره
:)



كريتيفيا

يصير الحزن يكون رائع؟
أو
شي واااو
؟؟

اختيارك لامس أقصى القلب

هذي صرخة
نزف
قلب يدمي

مو قصيدة
:(

بـابـل said...

الله الله عليك والله قصيدة فظيعة

مرور اول بمدونة حلوة وأنيقة

وأنشاء اله لي وجود دائم


وبس



بابل

الصعب said...

بيني وبين الكتابات الطويلة عداء بس هذي قريتها كلهااا
الله يهداج بس

وبرجع للسرير اللي من غيابي شكى محتار..

واريح عين شوهها سواد يشبه التكحيل..

وفي آخر بيت بسألكم عرفتوا ليش أناجي القار؟!

قولوا للثريا من تناجي لو خذلها سهيل؟!

TReSTeN said...

اللله


الصرااااااااااااااحة ررووعة

تسلمييين

واشتقنا لغياابج

نورتي

نون النساء said...

وكلماته تهد حيووول


القصيدة روعة
صح لسان القايل
واللي حطها لنا

;)

ومرحبا السااااع بأحمدو وعودته

:P

Cr8ivia said...

Kuw_Son

صح بدنك بس طبعااا مو انا اللي كاتبتهاا


----


lawyer

اي والله اي والله


----

Q8ya

اي والله القصيدة فظييييييعه
امييين

----

7osen


الله يعافيك يارب
حياك الله

Cr8ivia said...

Anonymous

من انت؟


-----

طائر بلا وطن

صح لساانك قصيدة تعور القلب :|

اي طائر .. يصييييير
تتخيل الموقف .. شخص .. شي ..
قلبك ينقزك يعوووورك .. وله الم شوق
بس تبتسم و معاها نشوة

انت وين بتروح ليش كاتب استودعكم الله و شايل كل الكومنتات !!!


------

بابل

حياك الله و نورت البلوق


-----

الصعب

حيااك الله
انا العكس كل ما طال الشي حبيته و اندمجت فيه اكثررر

Cr8ivia said...

tresten

اشتقت لغياااابي؟
يعني اغغغيييب؟
ههههههه ليش عاد


----

نون النساء


اي واللله حيووووول يا نون
صح بدنج يارب

هههه المرحب باقي يااا هلا و مرحبااا

حنطفيس said...

منو أحمد ؟!؟

شصاير ؟؟

esTeKaNa said...

من براءة الاحساس
وعذوبه الصدق في هالبيت:
~~~~~~~~~~~~~~~~~~~~~~~~~
يمازحها وتردد له (ترى الكذاب يروح النار)..

يجافيها وتهمس له (أعرف أن الجفا تمثيل!)..


الى صدمه الصادق بحبيب استأمنه في هالبيت:
~~~~~~~~~~~~~~~~~~~~~~~~~~~~~
وتنزل عالركب وتقول تسامحني على اللي صار؟

حشا والله ماخنتك ولكنه حصل تبديل..



تراها غيبتك طالت وتدري وقتنا غدار..

كبرت وخفت تتأخر وخير البر بالتعجيل..



ويشهق يلمح الخاتم ..يحس القاع تحته دار..

ولا يستوعب الموقف بليا شرح أو تحليل



احساسه صادق
احساسه واقع مؤلم
يا عزتي له
:(
ولو هو بعيده يهون
لكن قرب الجرح منه يجدد الألم بكل لحظة
بكل ثانيه



كريتفيا...اشتقنا لج اكثر من ما تتصورين،عوده حزينه
ولكنها جميله رغم حزنها ورغم المها


مبدعه كالعاده
:)

Aldenya said...

شلل صاب اللسان وصاب كفين العتب تكبيل
دقيقه تمر..طعمها مر..نهاية عمر..موت أزهار
خسارة حب ..ضياع فدرب..نار تشب..عذاب و ويل

معنااه قوى وكبير جدا يا كريتيفيا


احلى ولكم باك لج
عودتج ذهبية

charisma said...

كريتيفيااا

وقفت

شنو الى قاعد اقرااه
:(
حسيت بكل كلمه
عورنى قلبى

ابدعتى فيها

ولكم باك حبيبتى انتى
:**

Barrak said...

ويشهق يلمح الخاتم ..يحس القاع تحته دار


الله الله الله

ReLaaaX said...

والله عبالي رديت ... حسبي الله على ابليسج الحين عرفت شفيني صار لي جم يوم مودي قالب ! من هاللي كتبتيه



والله من صجي اخنقتني العبرة وآنه اقرا البوست
لا مو بس اخنقتني العبرة ... بجيت عقب

Shaima'a Alkandari said...

اى والله

ترى الذكرى ولو حلوه طواريها تهد الحيل


كلمات تعور القلب
وبالصميم يت هالاحرف

Cr8ivia said...

حنطفيس

مو كويتي انت؟
شتدوووووورين يا ام احمد
شتخيطييييييين يا ام احمد

----

esTeKaNa

اي والله مؤلم
يقطططططع القلب :|
اشتااااقت لكم العافية يااارب
و انا اكثثثر والله


----

Aldenya

ثاااانكيو يا الدنياا
حياج الله


---

charisma

مشكوووووووورة
اي والله القصيدة تعور القلب
اقرااها الف مره و ماكو فايدة

Cr8ivia said...

Barrak

اي والله يا براك
الللللللللله

حياك الله براك نورت



----


ReLaaaX

ويييي :|يا كثر اللي بجتهم هالقصيدة :|
سوووووري

منووووورة


----

Shaima'a Alkandari


اي والله يا شيمااء
نورتي

ス ♥•:*'˙ ريـــــمـــيــة˙*:•♥ス said...

سيدة الحرف



عذبٌ حضورك

شجيٌ حرفك

آسر ماتخطه اناملك سيدتي


بكل ماتحمل كلمة ابداع


انتي مذهلة ومبدعة



عفوي حرفك

صادق احساسك

شعورك مرهف



سلم لنا هذا العزف والنزف الرائعين


ودمتي متألقة



احتراماتي

ريم

Unknown said...

الختام مسك فعلي
:)

Cr8ivia said...

ス ♥•:*'˙ ريـــــمـــيــة˙*:•♥ス

نورتي البلوق .. و حياج الله فيه
طبعا القصيدة رائعه بكل ما تحمل الكلمة من معنى

بس ياريتني كاتبتها
الكاتب مجهول :)


------

مشاري

يس يس
حيااك